Ефимов Леонид Николаевич
| Леонид Николаевич Ефимов | |
|---|---|
| Файл:Леонид Николаевич Ефимов.jpg | |
| Төрүттүнген ай-хүнү | 25 декабрь 1901 |
| Төрүттүнген чери | Томск |
| Мөчээн ай-хүнү | 1986 сентябрьның 26 (84 хар) |
| Мөчээн чери | |
| Чурту |
 |
| Шаңналдары база премиялары |
   |
Леонид Николаевич Ефимов (Совет Эвилелиниң Маадыры (1943).
Допчу намдары
Леонид Ефимов 1901 чылдың декабрь 25-те Томск хоорайга төрүттүнген. Эге школа дооскаш, далайжылап ажылдап чораан.
1920-1925 чылдарда Кызыл Шеригинге шериг албанын эрттирген.
Красноярск крайынга чурттап чораан, матрос-коксман, хеме бригадири, капитанның дузалакчызы, Енисейниң пароход черинге «Стрела» деп пароходунуң капитаны турган.
1943 чылда шериг албанынче кыйгырткан. Ол-ла чылдың сентябрьдан эгелеп – Ада-чурттуң Улуг дайынының фронтуларынга дайылдажып эгелээн.
Воронежтиң болгаш 1-ги Украинаның фронтуларынга тулчуушкуннарга киржип чораан, 3-кү гвардейжи танк шерииниң 69-ку механизастаан бригаданың 9-ку механизастаан корпузунуң (2-ги строй) адыгжызы чораан. Днепрниң тулчуушкунунуң үезинде алдаржаан.
1943 чылдың сентябрьның 21-ден 22-же дүнезинде Ефимов Украин ССР-ниң Черкес облазының Канев районунуң Зарубцыга Днепр хемни бөлүк дайынчылар-биле кешкеш, дайзынның оңгарынче бир дугаар халдап кирген, ол тулчуушкунга боду дайзынның 18 дайынчыларын болгаш офицерлерин узуткаан.
ССРЭ-ниң Дээди Чөвүлелиниң 1943 чылдың Совет Эвилелиниң Маадыры деп бедик атты Ленин ордени болгаш Алдын сылдыс медалы-биле кады тывыскан[1].
1945 чылда улуг сержант эргелиг Ефимов дайындан халашкан. Дайын соонда Кызылга чурттап чораан, алгы-кеш болбаазырадыр фабриканың кадрлар салбырының начальниги болуп ажылдап чораан. 1986 чылда чок болган.
Шаңнал-макталдары
• Совет Эвилелиниң Маадыры (1943)
• 1-ги чаданың Ада-чурт Улуг дайынының ордени.
Демдеглелдер
Литература
• Герои-освободители Черкасщины. — Днепропетровск: Промінь, 1980.
• Достоин звания героя. — Красноярск: Красноярское кн. изд., 1975.
• Ягодинский Е. А. Золотые Звёзды речников. Выпуск 3. М., 1979.