Метин, Түмер

Түмер Метин
Общая информация
Төрүттүнген	Зонгулдак, Турция
Хамаатылалы	Турция
Узуну	174 сантиметр
Позиция	фланговый полузащитник
Түмер Метин

Түмер Метин (орус. Тюме́р Мети́н, орус. Tümer Metin; 1974 чылдың октябрь 14-те төр., Зонгулдак, Турция) — турк футболчу, солагай талакы халдакчы чартык-камгалакчы, футбол комментатору.

Карьеразы

Түмер Метин 1974 чылдың октябрь 24-те, Турцияның Зонгулдак деп хоорайынга төрүттүнген. Футболчу карьеразын 1993 чылда «Килимли Беледиеспор» деп клубтуң составынга ойнап эгелээн. Профессионал карьеразын 3-кү Лигаже кирип турган «Зонгулдакспор» деп клубка эгелээн. 1997 чылда «Самсунспор» деп команданың составынче киргеш, Турцияның Суперлигазынга бир дугаар кирген. Бирги оюнун 1997 чылдың октябрь 19-та «Алтай» деп командага удур ойнаан. 2001 чылда 890 муң евро дээш клувунда Ильхан Мансыз-биле кады Стамбулдуң «Бешикташ» клувунче шилчээн. «Бешикташка» келгеш, бир дугаар 2001/02 сезонда-ла клуву-биле Турцияның чемпионадының хүлер шаңналын алгаш, Турцияның Кубогунга финал чедир ойнаан. 34 оюнга ойнааш, 8 гол киир тепкен, а ооң кады келген эжи Мансыз 21 гол киир тепкеш, сезоннуң кол халдакчызы апарган.

Дараазында 2002/03 чылдарның сезонунда Турцияның чемпионадының алдын шаңналын алгаш, Турцияның чыынды командазының составынче үргүлчү кыйгыртып турар апарган. Ооң соонда сезоннарда Метин «Бешикташ» клуб-биле ийи катап Турцияның Кубогунуң хүлер шаңналын алган, а 2005/06 сезоннарда «Фенербахче» клубтуң хаалгазынче сөөлгү удугнуң голун киир тепкеш, клувунга 3:2 кылдыр удуп аарынга дузалашкан.

2006 чылда «Фенербахче» клубтуң ойнакчызы апаргаш, дораан Турцияның чемпиону апарган, а бир чыл чартык болганда грек «Лариса» клувунга хөлезиледипкен турган, ооң соонда кезек када чанып келгеш, дораан «Лариса» клуб-биле керээ чарып алган.

2013 чылда бодунуң намдарын Metin Olmak деп аттыг үндурген.

Чыынды команданың кежигүнү

Метин Турцияның чыынды командазының составынче элээн улгадып келгеш кирген. Турцияның чыынды командазы дээш баштайгы оюнун 28 харлыг тургаш, 2003 чылдың февраль 12-де Украинаның чыынды командазынга удур 35 минут ойнаан. Баштайгы шын оюнну Лихтенштейнниң чыынды командазынга удур 2003 чылдың сентябрь 6-да ойнааш, баштайгы голун киир тепкен. Түмер Метин Евро-2008 маргылдаага Швейцария болгаш Германияның чыынды командаларынга удур ниитизи-биле 49 минут ойнаан. Европан чемпионадынга ойнаан соонда турцияның чыынды командазынга ойнаар карьеразын дооскан.

Чедиишкиннери

• Фенербахче
  • Турцияның чемпиону (1): 2002/03
  • Турцияның Суперлигазының эдилекчизи (3): 2001/02, 2003/04, 2005/06
  • Турцияның Кубогунуң эдилекчизи: 1 (2005/06)
  • Турцияның Кубогунуң эдилекчизи: 1 (2001/02)
• Фенербахче
  • Турцияның чемпиону (1): 2006/07
• Турцияның чыынды командазы
  • Евро-2008 чемпионаттың хүлер шеңналының эдилекчизи