Моррис, Эстер Хобарт

Эстер Моррис
Эстер Моррис
	Esther Morris
Төрүттүнген ай-хүнү	8 август 1814
Төрүттүнген чери	Тайога[d], Нью-Йорк[d], Американың Катышкан Штаттары[d] или ; Вайоминг[d], Нью-Йорк[d], Американың Катышкан Штаттары[d];
Мөчээн ай-хүнү	1902 апрельдиң 3 азы 1902 апрельдиң 2
Мөчээн чери	Шайенн[d], Американың Катышкан Штаттары[d];
Чурту	Американың Катышкан Штаттары[d];
Ажыл-херээ	судья, суфражистка
Шаңналдары база премиялары	Национальный музей и зал славы женщин-ковбоев[d]
	Эстер Хобарт Моррис

Эстер Хобарт Маккуиг Слэк Моррис (англ. Esther Hobart McQuigg Slack Morris; 8 август 1814, АКШ — 2 апрель 1902, АКШ) — американ хөй-ниитичи. Американың Каттышкан Штаттарында бир дугаар херээжен шииткекчи (судья).

Намдары

Эстер Моррис Спенсерге төрүттүнген (округ Тийога, штат Нью-Йорк). Ол дыка эрте ада-ие чок, өскүс арткан. 1841 чылда инженер Артемус Слэк-биле өгленип алган. Үш чыл болганда, Слэк чок болурга, ол Перуже (Иллинойс) көже бергеш, коммерсант Джон Моррис-биле чурттай берген.

1869 чылда Морристер Саут-Пасс-Сити деп Вайомингте хоорайже көже бергеннер. 1869 чылдың декабрь 10-да Вайомингтиң девискээринге херээжен улус соңгуп болур деп хоойлу үнген. Аңаа улуг салдарлыг болган кижи дээрге Эстер Моррис деп чугаа бар. Саут-Пасс-Ситиге девискээр төлээзин парламентче соңгулда болуп турар үеде, Моррис шай ижер кылдыр ийи кандидатты - бирээзи, демократ, салун ээзи Уильяма Брайтты база ооң удурланыкчызын чалап алгаш, кайызындан-даа депутат апаар болза, хоойлу дүрүм хүлээр чыышка херээжен улус соңгуп болур деп хоойлу үндүрерин аазаттырып алган. Брайт удуп алгаш, сөзүн туткан. Өске чугаа-биле Брайттар болгаш Морристер чеже-даа чоок эжишкилер турган болза, шай ижер кылдыр чалаан дугайында чугаа меге деп турар.

1870 февраль 14-те Моррис Саут-Пасс-Ситиге тайбың шииткекчизи кылдыр соңгуткан. Ынчалдыр ол Американың каттышкан штаттарында бир дугаар херээжен шииткекчи (судья) апарган. Ооң мурнунда шииткекчи Стиллмен аңаа чорудулгада турар херектерниң даңзызын дамчыдарындан ойталаан, ынчан Моррис ону тудуп шиидер кылдыр чарлык кылган. Шииткекчи кылдыр Моррис 8 ай ишти ажылдаан, ооң соонда ол 1871 чылда өөнүң ээзи-биле чарылгаш, Ларамиже көжүп чорупкан. Ооң соонда ол херээжен улустуң эргелери дээш тулчуп чораан. Эстер Моррис Шайеннге чок болган.

1960 чылда Капитолияга Морристиң тураскаалын тургускан.

Демдеглелдер

↑ Esther Hobart Morris // SNAC (англ.) — 2010.
↑ ^2,0 ^2,1 Find a Grave (англ.) — 1996.
↑ Online Biographical Dictionary of the Woman Suffrage Movement in the United States (англ.) / T. Dublin, K. K. Sklar — Alexander Street Press.
↑ https://en.wikisource.org/wiki/Woman_of_the_Century/Esther_Morris

Шөлүглер

Esther Hobart McQuigg Slack Morris. Encyclopaedia Britannica

[_4eba37fb77f3190e-1] Esther Hobart Morris // SNAC (англ.) — 2010.

[_3df7ffdc215e9448-2] 2,0 ^2,1 Find a Grave (англ.) — 1996.

[_2773e81b8fbd6057-3] Online Biographical Dictionary of the Woman Suffrage Movement in the United States (англ.) / T. Dublin, K. K. Sklar — Alexander Street Press.

[_46910aaef01e41d7-4] ttps://en.wikisource.org/wiki/Woman_of_the_Century/Esther_Morris

[4]

[1]

[2]

[3]