Моңгуш Аяна Каң-ооловна

Аяна Каң-ооловна Моңгуш (1974 чылдың марттың 1) — Тыва Республиканың Дээди Хуралының (парламентизиниң) депутады, Өөредилге, культура, аныяктар политиказы болгаш спорт комитединиң даргазы (2010 чылдың март 6-дан тура)^[1]. Россия Федерациязының эң тергиин башкыларының мөөрейиниң тиилекчизи (2009), Россия Федерациязының ниити өөредилгезиниң хүндүлүг ажылдакчызы (2011)^[2].

Допчу намдары

Аяна Каң-ооловна Моңгуш 1974 чылдың март 1-де Тыва АССР-ниң Бай-Тайга кожуунунуң Тээли суурга төрүттүнген.

1990 чылда Бии-Хем кожууннуң Аржаан ортумак школазын дооскан.

1998 чылда киргеш, 2003 чылда Тываның күрүне университедин «Филология» деп эртемниг дооскан.

2007 чылда Россияның күрүнениң гуманитарлыг университедин «Юрист» квалификациялыг «Юриспруденция» угланыышкынын дооскан.

«Единая Россия» намның кежигүнү.

Өг-бүлелиг.

Ажыл-ижи

1997 чылдан тура Тыва Республиканың Бии-Хем кожуунунуң Аржаан ортумак школазынга төөгү башкызы кылдыр ажылдап кирген.

2006 чылдың ноябрь 7-ден тура 2022 чылдың март 5-ке чедир Аржаан ортумак школазының директору кылдыр ажылдап чораан.

2019 чылдың сентябрьдан тура Тыва Республиканың Дээди Хуралының (парламентизиниң) Үшкү чыыжының депутады.

2022 чылдың март 6-дан тура - Дээди Хуралдың Өөредилге, культура, аныяктар политиказы болгаш спорт комитединиң даргазы.

Шаңнал-макталдары

Россия Федерациязының Өөредилге болгаш эртем яамызының Хүндүлүг бижии.
Россия Федерациязының эң тергиин башкыларының мөөрейиниң тиилекчизи (Россияның Өөредилге яамызының 2009 чылдың июль 1-ден № 236 дужаалы)
Россия Федерациязының ниити өөредилгезиниң хүндүлүг ажылдакчызы (Россияның Өөредилге яамызының 2011 чылдың апрель 25-тен № 435/к-н дужаалы).

Демдеглелдер

↑ Депутаты всех созывов: Монгуш Аяна Кан-ооловна (русский). Официальный сайт Верховного Хурала (парламента) Республики Тыва.
↑ Александра Монгуш. Аяна Монгуш: «Политика – женское дело» (6 марта 2021 г.).

Шөлүлгелер

[1] Депутаты всех созывов: Монгуш Аяна Кан-ооловна (русский). Официальный сайт Верховного Хурала (парламента) Республики Тыва.

[2] Александра Монгуш. Аяна Монгуш: «Политика – женское дело» (6 марта 2021 г.).

[1]

[2]