Савицкая, Светлана Евгеньевна

Светлана Евгеньевна Савицкая (1948 чылдың августа 8, Москва) — совет космонавт, ужудукчу-шенекчи, педагог. Делегейде ийи дугаар херээжен космонавт. Делегейде бир дугаар ажык космосче үнген херээжен кижи. Совет Эвилелиниң ийи дакпыр маадыры (1982, 1984). Совет Эвилелиниң ужудукчу-космонавтызы (1982). Ийи Ленин Орденнериниӊ эдилекчизи (1982, 1984). ССРЭ-ниң Алдарлыг спорт мастери (1970). КПСС/КПРФ-тиң 1975 чылдан кежигүнү. Техниктиг эртемнериниң кандитады. Дээди Чөвүлелдиӊ кежигүнү (1989—1991). Күрүне Думазының КПРФ-тен II, III, IV, V, VI, VII чыыштарының депутады ( 1996года). ССРЭ-ниӊ чаңгыс ийи дакпыр маадыры херээжен кижи.

Допчу намдары

1948 чылдың август 8-те Москвага төрүттүнген. Ачазы — совет ужудукчу, шериг баштаңчызы, авиацияның маршалы Евгений Яковлевич Савицкий. Авазы — Лидия Павловна Савицкая, школа башкызы. Светлананың ачазы ада-ие чок өскен болгаш уруун база хостуг өстүрген, ынчангаш Светлана школаже күзээнде баар, ынчалза-даа өөренири шыырак чораан.

Ужудукчу болурун уруг база боду шилип алган. 1966 чылда Москванныӊ № 637 (амгы ГБОУ "Совет Эвилелиниң Флодунуң адмиралы 1465 дугаар школазы) школазын дооскан. 1972 чылда Москваның авиациялыг институдун (МАИ-же) дужаап кирген. МАИ-ге өөренип тургаш, немей Калуганың авиациялыг ужудукчу-техниктиг училищезинге база барып турган. Ону 1971 чылда дооскаш, «ужудукчу-инструктор» квалификациязын чедип алган.

1969 чылдан 1977 чылдарга чедир Савицкая ССРЭ-ниң ужудукчуларынныӊ чыынды спортчу командазының кежигүнү. 1970 чылда Великобританияга бышкылыг ужар-хемелер аразынга Делегей чергелиг маргылдаага тиилеп каан. Стратосферадан парашют-биле шураарынга 3 делегей рекордтарын тургускан спортчу. Авиацияга реактивтиг ужар-хемелерге 18 рекордтуң тургузукчузу.

1970 чылда ССРЭ-ниң Алдарлыг спорт мастери деп атты алган.

Институт дооскан соонда ужудукчу-интруктор кылдыр ажылдап, ужудукчу-шенекчилер школазынга ѳѳренип турган. 1976 чылда НПО «Взлёт»-ка ужудукчу-шенекчилеп ажылдап турган. «МиГ-21», «МиГ-25», «Су-7», «Ил-18», «Ил-28» аттыг ужар-хемелерни шенээр ажылды чоруткан. 1975—1978 чылдарда МиГ-25ПУ дайынчы-өөредилге ужар-хемезинге ужар бедиктиӊ болгаш дүргедээриниң 4 рекордтарын тургускан.

Дүрген ужарынныӊ делегей рекорду (2683,44 км/ч, 1975 июнь 22); Бедик ужарынның (21 209,9 м, 1977 чылдың август 31); Ырак хемчээлге ужарынныӊ — 500 км (2466,1 км/ч, 1977 чылдың октябрь 21); Дуглаглыг маршрутка ужарынның — 1000 км (2333 км/ч, 1978 чылдың апрель 12). 1978 чылдыӊ майдан 1981 чылдыӊ июньга чедир Москваның «Скорость» КБ А машзаводка ужудукчу-шенекчи кылдыр ажылдаан. 1980 чылдыӊ августа машзаводче ужудукчулар-шенекчилер отрядынче шилчиттирген, а 1981 чылда ММЗ «Скорость» ужудукчу-шинчилекчи кылдыр томуйлаткан. 1982 чылда космонавта-шинчилекчи кылдыр космосче «Союз Т-5», «Союз Т-7» база орбита станциязы «Салют-7» биле ужуткан. 1984 чылда «Союз Т-12» база орбита станциязы «Салют-7» корабльдарынга ужуткан. Ол экспедиция үезинде Делегейде 1 дугаар херээжен кижиниң ажык космосче үнүүшкүнүн кылган. Космонавтылар отрядындан Савицкая майор эргелиг 1993 чылда пенсияже халажып чоруткан. 1993 чылдан Москованныӊ авиация институдунда башкылап турар, доцент, техниктиг эртемнериниң кандидады. 2014 чылдыӊ февраль 7-де Сочиге Кышкы Олимпий оюннарын ажыдыышкынынга Россия Федерациязынның тугун кѳдүрген.

Шаӊналдары

• Орден «За заслуги перед Отечеством» IV степени.

31 июль 2014 чылда

• Ийи дакпыр ССРЭ-ниӊ маадыры (1982, 1984), чаңгыс борбак ССРЭ-ниӊ ийи дакпыр херээжен маадыры.
• орден «За заслуги перед Отечеством» III степени (29 апрель 2019 чыл)
• «За заслуги перед Отечеством» IV степени (25 март 2014 чыл) — за достигнутые трудовые успехи, значительный вклад в социально-экономическое развитие Российской Федерации, заслуги в освоении космоса, гуманитарной сфере, укреплении законности и правопорядка, многолетнюю добросовестную работу, активную законотворческую и общественную деятельность;
• Ийи Ленина ордени (1982, 1984);
• орден «Знак Почёта» (1976);
• медаль «За заслуги в освоении космоса» (12 апреля 2011 года) — за большие заслуги в области исследования, освоения и использования космического пространства, многолетнюю добросовестную работу;
• алдын медаль болгаш 18 дипломнар Делегейниң аэронавтика федерациязынныӊ;
• ССРЭ-ниң 16 алдын спортчу медальдары;
• Ажык космоска херээжен кижинниӊ четкени дээш тускай алдын медаль;
• Светлана Савицкаянның ады биле ийи бичии планеталар (астероиды) адаттынган: № 4118 (Света) и № 4303 (Савицкая).

Дужаалдары

• Лётчик-космонавт СССР (1982).
• Заслуженный мастер спорта СССР (1970).
• Москванныӊ Останкин районуннуң төлептиг чуртакчызы (2008).
• Вязьма хоорайнын төлептиг хамаатызы(1997).