Самбала Елена Эрес-ооловна
| Самбала Елена Эрес-ооловна | |
|---|---|
| тыв. Самбала Елена Эрес-ооловна | |
 | |
| Төрүттүнген ай-хүнү | 27 октябрь 1968 (55 хар) |
| Төрүттүнген чери | Кызыл, Тыва АССР |
Самбала Елена Эрес-ооловна (1968 чылдың октябрьның 27, Кызыл, Тыва АССР) — Тыва Республиканың өөредилге сайыды[1], Тыва Республиканың өөредилгезиниң алдарлыг ажылдакчызы, Тыва Республиканың күрүнениң хамааты албанының 3-кү клазының күрүне чөвүлекчизи[2].
Допчу намдары
Елена Эрес-ооловна 1968 чылдың октябрь 27-де Кызылга төрүттүнген.
1992 чылда Кызылдың күрүнениң педагогика институдун «Улуг школага математика болгаш физика башкызы» деп мергежилдиг дооскан.
Өг-бүлелиг, үш ажы-төлдүг.
Ажыл-ижи
1992—2003 чылдарда Чадаананың 2 дугаар ортумак школазының математика башкызындан директорунуң оралакчызынга чедип ажылдаан.
2003—2006 чылдарда Тыва Республиканың Чазааның Тываның күрүнениң кадрлар эде белеткээр болгаш мергежил бедидер институдунуң күрүне болгаш муниципалдыг албан килдизиниң эргелекчизи;
2006—2008 чылдарда Тыва Республиканың Чазааның Тываның күрүнениң кадрлар эде белеткээр болгаш мергежил бедидер институдунуң национал төлевилелдерни боттандырар талазы-биле проректору;
2008—2009 чылдарда Тыва Республиканың өөредилге, эртем болгаш аныяктар политиказының яамызының Тываның күрүнениң кадрлар эде белеткээр болгаш мергежил бедидер институдунуң өөредилге талазы-биле проректору;
2009—2011 чылдарда Тыва Республиканың өөредилге контрольдаар болгаш хайгаараар албанның удуртукчузунуң оралакчызы;
2011—2013 чылдарда Тыва Республиканың ажыл-чорудулганың чамдык хевирлерин лицензиялаар болгаш хайгаараар албанның удуртукчузунуң оралакчызы;
2013—2015 чылдарда Сайыттың оралакчызы — Тыва Республиканың Өөредилге болгаш эртем яамызының Өөредилге адырында контроль болгаш хайгаарал килдизиниң начальниги;
2015—2017 чылдарда Тыва Республиканың ажыл-чорудулганың чамдык хевирлерин лицензиялаар болгаш хайгаараар албанның удуртукчузунуң оралакчызы;
2017—2018 чылдарда Тыва Республиканың өг-бүле болгаш уруглар талазы-биле агентилелиниң директорунуң оралакчызы;
2022 чылдың апрельде «Россияның идегели» деп херээженнер эвилелиниң Тывада регионалдыг организациязының удуртукчузу кылдыр томуйлаткан[3].
2024 чылдың июльдан эгелеп, Тыва Республиканың өөредилге сайыдының хүлээлгезин күүседип турар кылдыр томуйлаткан.
Дөзү
• САМБАЛА Елена Эрес-ооловна: Министр образования Республики Тыва
Демдеглелдер
Шөлүлгелер
• САМБАЛА Елена Эрес-ооловна: Министр образования Республики Тыва