Сарыоглу, Сабри
 Сабри Сарыоглу | |
|---|---|
| Файл:Sabrisariogluvssamsunspor.jpg | |
| Общая информация | |
| Прозвище | Дүрген Гонсалес |
| Төрүттүнген | Майык:Место рождения, Самсун, Турция |
| Хамаатылалы | |
| Узуну | 170 см |
| Кили | 65 кг |
| Позиция | камгалакчы |
| Информация о клубе | |
| Клуб | карьеразын дооскан |
 Сабри Сарыоглу | |
Сабри Сарыоглу (орус. Сабри́ Сарыоглу́, тур. Sabri Sarıoğlu; 1984 чылдың июль 26, Чаршамба, Самсун, Турция) — турк футболчу. Стамбулдуң «Галатасарай» деп клувунуң болгаш Турцияның чыынды командазының камгалакчы болгаш чартык-камгалакчызы[3].
Карьеразы
Клубтарга
Сарыоглу Стамбулдуң «Галатасарай» клувунуң футбол академиязының доозукчузу. Академия дооскан соонда дораан ол-ла клуву-биле керээ чарып алгаш, аңаа ойнай берген. Эгезинде ийи хире сезон ишти ол команданың курлавыр составынга олурган. Чүгле 2003 чылда ону «Галатасарай» клубтуң улуг тренери Фатих Терим кол составче чалаан. Сабри клубтуң кол составынга бир дугаар 2003 чылдың майда «Трабзонспор» деп командага удур ойнаан, оон бээр-ле команданың кол составында быжыглаттынып, клубтуң аарыкчыларының ынак ойнакчызы апарган. 16 чыл иштинде ойнап келгеш, Турцияның 7 дакпыр чемпиону апарган. Ооң кол ылгавыр онзагайы ооң дүрген маңы база узак тыныжы болуп турар. Бодунуң «Дүрген Гонсалес» деп шолазын ол 2006 чылдың төнчүзүнде «Бурсаспорага» удур оюнда 70 метрни чааскаан дүрген өде халып эрткеш, бөмбүк киир тепкениниң соонда алган[4].
Турцияның чыынды командазында
Турцияның чыынды командазы дээш 2006 чылдан тура чыынды команданың кол тренери Фатих Теримниң чалалгазы-биле ойнап эгелээн. Сабри чурту дээш баштайгы оюнун 2006 чылдың октябрь 6-да 2008 чылдың Европа чемпионадынче шилилге оюннарның бирээзи Венгрияның чыынды командазынга удур оюнга баштайгы минуталарындан эгелээш, 90 минута ишти шөлге ойнапкан. Ынчан Турция 1-0 кылдыр удуп алган. 2008 чылдың Европа чемпионадынга ол ниитизи-биле дөрт оюнга (Португалия, Чехия, Хорватия база Германияга удур) 300 минут ойнааш, 1 түңнелдиг өттүрүг кылгаш, 2 сарыг карточка алган.
Ниитизи-биле Турцияның чыынды командазы дээш 2006 чылдан 2011 чылга чедир 5 чыл ойнап келген. 43 оюнга 1 бөмбүк киир тепкен[4].
Чедиишкиннери
- «Галатасарай»
- Турциияның чемпиону (7): 2001/02, 2005/06, 2007/08, 2011/12, 2012/13, 2012/13, 2014/15[5]
- Турцияның Кубогунуң эдилекчизи (2): 2004/05, 2013/14[5]
- Турцияның Суперкубогунуң эдилекчизи (4): 2008, 2012, 2013, 2015[5]
- Турцияның чыынды командазы
- Европаның 2008 чылда чемпионадының хүлер шаңналының эдилекчизи[5]
Демдеглелдер
- ↑ Sabri Sarioglu // Transfermarkt.com (мн.) — 2000.
- Grupo PRISA, 1967.
- ↑ Сарыоглу Сабри Sports.ru-да
- ↑ 4,0 4,1 Сарыоглу Сабриниң Биографиязы
- ↑ 5,0 5,1 5,2 5,3 Сарыоглу Сабриниң оюннарының статистиказы
Шөлүглер
- Рувики:Статьи с нераспознанным языком (ref)
- Ажылдавайн турар файл шөлүглүг арыннар
- Июльдуң 26 төрүттүнгеннер
- 1984 чылда төрүттүнгеннер
- Википедия:Статьи с источниками из Викиданных
- РУВИКИ:Амгы үениң кижилери намдары
- Ат чок майык-карточкаларлыг чүүлдер
- Алфавиттээн кижилер
- Июльдуң 26 төрүттүнген
- Турцияның футболчулары