Топал, Мехмет

Мехмет Топал
Общая информация
Прозвище	Ээремчик
Төрүттүнген	3 март Малатья, Турция
Хамаатылалы	Турция
Узуну	189 сантиметр
Позиция	полузащитник
Информация о клубе
Клуб
Дугаары	5
Молодёжные клубы 1999—2002   2002—2006
Мехмет Топал

Мехмет Топал (тур. Mehmet Topal; 3 март 1986 чылда Малатьеге төр.) — түрк футболчу, үндезин чартык-камгалакчы. Стамбулдуң «Истанбул Башакшехир» клувунуң база Турцияның чыынды командазының ойнакчызы.

Карьеразы

Клубтарга

Футболчу карьеразын «Чанаккале Дарданелспор» клубка эгелээн. Ынчан ол клуб Турцияның Бирги (ийи дугаар деңнелде) лигазынга турган. 2006 чылда клуву Ийиги лигаже бада бээрге, Мехмет «Галатасарай» дээш ойнай берген. Стамбулдуң «Галатасарай» клувунга баштайгы оюнун 2006 чылдың сентябрь 9-та «Денизлиспор» деп түрк клубка удур ойнаан. Ол-ла чылдың сентябрь 12-де Чемпионнар лигазынга Францияда Бордо деп хоорайдан «Бордо» деп клубка удур ойнаан. 2006/07 сезоннуң төнчүзүнде клувунуң кол составынга турумчуй берген. Ынчалза-даа 2007 чылдың чайынында «Галатасарай» Швециядан Тобиас Линдерот деп чартык-камгалакчы садып алганда, Мехмет катап-ла кол составтан үнген. 2007 чылдың октябрьда Линдерот аар кемдээшкин алгаш, ойнап шыдавас апарган. Ынчан Топал катап-ла чедиишкинниг командазының кол составынче кире бергеш, сезон төнчүзүнде командазының баштыңнарының бирээзи апарган.

2010 чылдан 2012 чылга чедир Испанияның «Валенсия» клувунга ойнап турган.

2012 чылдан 2019 чылга чедир «Фенербахче» клубка үр үеде ойнап келгеш, Мехмет Топал клубтан ийи тала дугурушкаш чорупкан.

Амгы үеде Стамбулдуң «Истанбул Башакшехир» клувунда ойнавышаан.

Турцияның чыынды командазы

Турцияның аныяк чыынды командазының составынче кирип турган. Улуг чыынды командага бир дугаар ол 2008 чылдың февраль 6-да Швецияның чыынды командазынга удур найырал маргылдаазынга Эмре Белөзоглун 78 дугаар минутада солуп үнүп келгеш ойнаан. Европаның 2008 чылда чемпионадынга ниитизи-биле дөрт оюнга ойнаан.

Чедиишкиннери

Галатасарай

• Турцияның чемпионады: 2007/08
• Турцияның Суперкубогунуң эдилекчизи: 2008

Фенербахче

• Турцияның чемпионады: 2013/14
• Турцияның Кубогунуң эдилекчизи: 2012/13
• Турцияның Суперкубогунуң эдилекчизи: 2014

Турцияның чыынды командазы

• Европаның 2008 чылда чемпионадының хүлер шаңналының эдилекчизи