Хомушку Чүргүй-оол Намгай оглу

Рувики деп сайттан
Хомушку Чүргүй-оол Намгай оглу
Чүргүй-оол Намгай оглу Хомушку
Төрүттүнген ай-хүнү 10 май 1918(1918-05-10)
Төрүттүнген чери
Мөчээн ай-хүнү 10 июль 1978(1978-07-10) (60 хар)
Мөчээн чери
Чурту
Ажыл-херээ шеригжи кижи
Шаңналдары база премиялары
Совет Эвилелиниң Маадыры
Ленин Ордени II-ги чаданың Ада чурттуң Улуг дайынының ордени медаль «В ознаменование 100-летия со дня рождения Владимира Ильича Ленина» медаль «За победу над Германией в Великой Отечественной войне 1941—1945 гг.» юбилейная медаль «Двадцать лет Победы в Великой Отечественной войне 1941—1945 гг.» юбилейная медаль «30 лет Советской Армии и Флота»

Чүргүй-оол Намгай оглу Хомушку (май 10, 1918 чыл - июль 10, 1978 чыл) — совет-тыва офицер, танкист, Ада-чурттуң Улуг дайынының киржикчизи, Совет Эвилелиниң Маадыры.

Намдары

Чүргүй-оол Намгай оглу Хомушку 1918 чылдың май 10-да Таңды-Тываның амгы Барыын-Хемчик кожуунунуң Хөнделең сумузунга төрүттүнген[1].

1943 чылдың май 20-де ТАР-ның эки турачыларының баштайгы бөлүү-биле фронтуже аъттаныпкан. Кезек үе иштинде Горький хоорайга тыва эки турачылар дайынчы белеткелин эрттирип турганнар. 1944 чылдың февральда тыва эки турачылар 25-ки танк полкузунче кирген болганнар. Ч. Хомушку Украинаның 2-ги фронтузунуң 52-ги шериинче кирген, 1944 чылдың февраль 25-де фронтуже үнүпкен. 1944 чылдың мартта 25-ки полку Бугск-Днестр халдаашкынының операциязынга киришкеннер[1].

1944 чылдың март 5-те Рыжановка биле Кобыляки суурларның чанынга дайзыннарның камгалалы үзүктелгенде экипажтың механик-чолаачызы турган Чүргүй-оол Хомушку танкызы-биле дайзынның талазынче шургуп кирген. Ийи шак дургузунда Ч. Хомушку бодунуң экипажы-биле удурланыкчыларның 35 солдадын, 3 танкыга удур чепсээн, 3 пулемёдун, 2 миномёдун узуткап каан. Кажан танкының командири балыглаткан соонда, Чүргүй-оол команданы удуртурун хүлээп алган.

Каш хонук эрткенде, Умань адаанга, Чүргүй-оол Хомушкунуң экипажы 24 самолётту болгаш 80 машинаны хоругдааннар, чүс ажыг солдатты база удурланыкчыларның офицерлерин тутканнар, оон улаштыр дараазында аткаарлаашкынче орукту ажыдып алганнар[1].

1945 чылдың март 24-те ССРЭ-ниң Дээди Совединиң Президиумунуң айтыышкыны ёзугаар Хомушку Намгай-оглу Чүргүй-оолга Совет Эвилелиниң Маадыры атты тывыскан. Ленин ордени база «Алдын Сылдыс» медалы-биле шаңнаткан[1].

Дөс

  1. ↑ 1 2 3 4 Хомушку, Чургуй-оол Намгаевич – Чурттуң Маадырлары деп сайт.

Шөлүглер

Дөзү – «https://tyv.ruwiki.ru/w/index.php?title=Хомушку_Чүргүй-оол_Намгай_оглу&oldid=290189»