Алтынтоп, Хамит

Рувики деп сайттан
Футбол
Хамит Алтынтоп
Hamit Altıntop Fiorentina.JPG
Общая информация
Төрүттүнген 1982 декабрьның 8(1982-12-08) (43 года)
Хамаатылалы
Узуну 183 см
Позиция чартык-камгалакчы
Информация о клубе
Клуб карьеразын дооскан
Логотип РУВИКИ.Медиа Хамит Алтынтоп

Хамит Алтынтоп (орус. Хами́т Алтынто́п, тур. Hamit Altıntop; төр. 1982 декабрьның 8, Гельзенкирхен[d], Северный Рейн-Вестфалия[d]) — турк футболчу, чартык-камгалакчы. Халил Алтынтоп деп футболчунуң ийис акызы (Хамит 10 минут мурнай төрүттүнген). 2008 чылдың Европа чемпионадының хүлер шаңналының эдилекчизи.

Карьеразы

Клубтарга

Хамит Алтынтоп Германияның Гельзенкирхен деп черге 1982 чылдың декабрь 8-те төрүттунген. Футболду баштай ол «Шварц-Вайсс Гельзенкирхен» база «Роттхаузен» клубтарга ойнап эгелээн. 1997 чылда 15 харлыг Хамит «Ваттеншайд 09» деп клубтуң аныяк командазынче кире берген. Үш чыл болганда ол команданың кол ойнакчызы апарган. Ооң-биле кады ооң ийис дуңмазы — Халил Алтынтоп база ойнап турган.

2007 чылда Германияның тергиин клуву «Баварияның» составынга кирип, аңаа 2011 чылга чедир ойнаан[1].

2011 чылдың май 19-та Алтынтоп Испанияның Мадрид хоорайының «Реалга» ойнай берген[1]. 2011 чылдың сентябрь 27-де Алтынтоп бир дугаар «Реал Мадрид» деп клуб дээш «Аякс» клубка удур ойнаан («Реал» 3:0 кылдыр удуп алган).

2012 чылдың июль 12-де Турцияның бир шыырак клубтарының бирээзи «Галатасарай-биле» керээ чарып алган. Шилчээниниң өртээ 3 хире сая евро болган. 2017 чылдың январь 5-те клуб Алтынтоп-биле керээзин хуусаазы төнмээнде соксаткан.

Турцияның чыынды командазынга

Чеже-даа Германияга төрүттүнген болза, турк ханныг болганы-биле кайы-даа чурт дээш делегей чергелиг маргылдааларга киржип болур турган. Алтынтоп Турцияның 18 хар чедир чыынды командазынга 2000 чылда-ла ойнап эгелээн.

2004 чылда улуг чыынды командазының кол составынга киргеш, 2014 чылга чедир 10 чыл чедиишкинниг ойнап чораан.

2008 чылдың Европа чемпионадынга Турцияның чыынды командазының составында ол хүлер шаңналдың эдилекчизи болган.

2011 чылдың март 30-де Турцияның чыынды командазының капитаны кылдыр Австрияның чыынды командазынга удур ойнаан, ол оюнга Турция 2:0 кылдыр удуп алган. Турцияның чыынды командазы дээш ниитизи-биле 80 оюнга ойнааш, 7 бөмбүк киир тепкен.

2012 чылдың июль 13-те Турцияның «Галатасарай» деп клуву-биле керээге ат салган. Трансферниң түңү 3 сая евро хире болган[2]. 2017 чылдыӊ январь 5-те клуб Алдынтоп-биле керээзин хуусаа бетинде күш чок болдурган.[3].

Ооң соонда дораан ол немец «Дармштадт» клуву - биле бир сезонга чаа керээге ат салгаш, аңаа 1,5 сезон ойнаан, ооң соонда спортчу карьеразын дооскан[1][4][5][6].

Карьеразын дооскан соонда Турцияның футбол Федерациязының директорлар чөвүлелиниң кежигүнү болуп турар[7].

Чедиишкиннери

Командалар иштинге

«Шальке 04»
  • Немец лиганың кубогунуң эдилекчизи (2): 2005
«Бавария»
  • Германияның чемпиону: 2007/08, 2009/10
  • Германияның Кубогунуң эдилекчизи (2): 2008, 2010
  • Германияның Суперкубогунуң эдилекчизи: 2010
  • Немец лиганың кубогунуң эдилекчизи: 2007
  • УЕФА-ның Семпионнар Лигазынга үжүүрлешкен: 2009/10
«Реал Мадрид»
  • Испанияның чемпиону: 2011/12
«Галатасарай»
  • Турцияның чемпиону : 2012/13,2014/15
  • Турцияның кубогунуң эдилекчизи: 2013/14
  • Турцияның Суперкубогунуң эдилекчизи: 2012

Хууда

  • FIFA-ның саналы-биле 2008 чылдың Европа чемпионадының чыынды командазынче кирген.
  • Ferenc Puskas Award деп шаңналдың: 2010 чылдың эң дээре голу деп номинацияга удткан.

Шөлүлгелер

Демдеглелдер

  1. ↑ 1 2 3 Хамит Алтынтоп подписал контракт с «Дармштадтом» (рус.) (1 февральдың 2017). Хынаан ай-хүнү: 23 сентябрьның 2025.
  2. ↑ Переход в «Галатасарай». Хынаан ай-хүнү: 25 сентябрьның 2025. Архивтээн 15 июльдуң 2012 года.
  3. ↑ «Галатасарай» выплатил Хамиту Алтынтопу 825 тысяч евро за расторжение контракта. Хынаан ай-хүнү: 25 сентябрьның 2025. Архивтээн 6 январьның 2017 года.
  4. ↑ Хамит Алтынтоп - карьера. Хынаан ай-хүнү: 23 сентябрьның 2025.
  5. ↑ Хамит Алтынтоп - карьера. Хынаан ай-хүнү: 23 сентябрьның 2025.
  6. ↑ Хамит Алтынтоп разорвал контракт с «Дармштадтом» из-за семейных обстоятельств (рус.). www.soccer.ru (4 январьның 2018). Хынаан ай-хүнү: 25 сентябрьның 2025.
  7. ↑ Юрий Афанасьев. Хамит Алтынтоп избежал смерти после обстрела здания Федерации футбола Турции (рус.). football24.ru (1 сентябрьның 2022). Хынаан ай-хүнү: 25 сентябрьның 2025.

Шөлүглер

Дөзү – «https://tyv.ruwiki.ru/w/index.php?title=Алтынтоп,_Хамит&oldid=340144»