Алфёрова Евдокия Саввична

Алфёрова Евдокия Саввична
Алфёрова Евдокия Саввична
Төрүттүнген ай-хүнү	1925 сентябрьның 8
Төрүттүнген чери	Кулебовка[d], Чаа Москва району[d], Днепропетровск округу[d], Украин ССР[d], ССРЭ;
Мөчээн ай-хүнү	2014 апрельдиң 15 (88 хар)
Мөчээн чери	Каменское[d], Днепропетровск облазы[d], Украина;
Чурту	ССРЭ; Украина;
Ажыл-херээ	колхозница
Шаңналдары база премиялары	;

Шынзыттынган чүүл

Евдокия Саввична Алфёрова (көдээ ажыл-агыйның мурнакчызы, Украин ССР-ниң Днепропетровск облазының Перещепин районунунда Ильич аттыг колхозтуң звено удуртукчузу, Социалистиг Күш-ажылдың Маадыры (1949).

Допчу намдары

Евдокия Саввична 1925 чылдың сентябрь 8-те Украин ССР-ниң Днепропетровск облазының Чаа Москва районунуң Кулебовка деп суурга украин тараачын өг-бүлеге төрүттүнген.

1941 чылда чеди чылдыг школага өөредилгезин дооскаш, Шевченко аттыг колхозка учетчиктеп ажылдап кирген.

1941 чылдан 1943 чылга чедир немец фашистерниң эжелеп алган девискээринге чурттап турган.

Көдээ суурну 1943 чылда хостаан соонда Ильич аттыг колхозка база катап учетчиктеп ажылдап эгелээн, сөөлзүреди звено удуртукчузу кылдыр ажылдап турган.

гектар шөлден 41 центнер кызыл-тас дүжүдүн алган.

ССРЭ-ниң Дээди Чөвүлелиниң Президиумунуң 1949 чылдың июнь 6-дан Чарлыы-биле «көдээ ажыл-агыйга бедик көргүзүглерлиг болганы база рекордтуг тараа дүжүдүн алганы дээш» Евдокия Саввична Заозёрнаяга (Алфёровага) Социалистиг Күш-ажылдың Маадыры деп хүндүлүг бедик атты тывыскан, ооң-биле кады Ленин орденин база «Кадыыр биле Маска» медалын тывыскан.

1950 чылда намның удуртукчулар белеткээр школазынга өөренип кирген.

1953 чылда Маленков аттыг колхозка агрономнап ажылдап эгелээн, а ооң соонда Перещепин районнуң Сталин аттыг колхозунга ажылдап турган.

1960 чылда Днепропетровск көдээ ажыл-агый институдунга өөредилгезин дооскаш, дээди эртем чедип алган.

Ооң соонда Солонянск районунуң Фрунзе аттыг колхозка агроном-экономистеп ажылдап чоруткан. Сөөлзүреди районнуң көдээ ажыл-агый эргелелинге кол экономистеп ажылдап турган.

Украинадан Коммунистиг партиязының XVIII съездизиниң делегады турган.

Днепродзержинск хоорайга чурттап турган. 2014 чылдың апрель 15-те чок болган.

Шаңнал-макталдары

Социалистиг Күш-ажылдың Маадыры (06.06.1949)
Ленин ордени (06.06.1949)

Демдеглелдер

Литература

Шевченко С., Кучеров Е., Дорошев С. Трудовая слава Днепропетровщины. — Днепропетровск, 2013.

Шөлүглер

Алфёрова Евдокия Саввична (ru). Сайт «Герои страны».