Артистер хүнү
| Артистер хүнү | |
|---|---|
 | |
| Байырлап турар чери | чылдың-на |
| Ай-хүнү | январьның 17 |
Артистер хүнү (орус. День артиста) — Россияга 2025 чылдың июльда тургустунган профессионал байырлал. Байырлалды РФ-тиң театр ажылдакчыларының эвилелиниң даргазы Владимир Машковтуң эгелээшкини-биле тургускан. Байырлалдың хүнүн актерлар мергежилиниң системазын тургускан Константин Станиславскийниң төрүттүнген хүнүнге тураскааткан[1]. Байырлал хөгжүмчүлерниң, ыраажыларның, кино, театр болгаш цирк артистериниң профессионал байырлалы кылдыр тургустунган[2].
РФ-тиң культура яамызы ол шиитпирни быжыглаан албан-ёзулуг нормативтиг актыны үндүрер ужурлуг[3].
Төөгүзү
1917 чылда Россияга бир дугаар Орус актёрнуң хүнү болуп эрткен, ону орус театр ниитилели театрны сайзырадырынга болгаш чединмес актерларны деткииринге акша-хөреңги чыыры-биле организастаан[4].
2024 чылдың декабрь эгезинде Владимир Машков РФ-тиң театр ажылдакчыларының эвилелиниң (СТД) секретариадының калбак хуралынга Артистер хүнүн тургузарын саналдаан. Ооң чугаазы-биле алырга, «ол хүн театр ниитилелинге онзагай хүн болур. Ооң адын анаа эвес шилип алган: театр, хөгжүм, цирк, эстрада болгаш кино уран чүүлүнүң талазы-биле шылгараңгай ачы-хавыяазы болгаш чедиишкиннери дээш тыпсыр „алдарлыг артист“ деп атка дүүштүр адаан болуп турар»[5]. Байырлалдың хүнүн Константин Станиславскийниң төрүттүнген хүнүнге тураскааткан.
Ол ышкаш РФ-тиң СТД-зи ындыг арга-биле Мария Гавриловна Савинаның болгаш Театр ниитилелиниң төөгүлүг эгелээшкинин катап тургузар күзелдиг дээрзин Машков демдеглээн. Актёр хүнүнде чылда бир катап артистер шии көргүзүп, аңаа чыгдынган акшаны Санкт-Петербург хоорайда сценаның бир дугаар бажыңының тудуунче угландырып турган[5].
Актёрларның өске байырлалдары
Август 26-да бүгү делегейге, ооң иштинде Россияга, б. э. III чүс чылда чурттап чораан бурунгу рим актёр Генезий Римскийниң чырык адынга тураскаадып тургускан Актёрлар хүнүн демлеглеп турар. Ол үезинде чаа христиан шажынның кижилерин өттүннүп ойнап тургаш, боду христиан шажынчы апаргаш, ону хөй-ниитиниң мурнунга ажыы-биле чарлаан, ол дээш шаажылаткан. Сөөлзүредир ону канонизастааш, актёрларның, хөгжүмчүлерниң болгаш эпилептиктерниң камгалакчызы деп санаан[6][7].
Демдеглелдер
- ↑ В России 17 января будет отмечаться День артиста (2025-08-03). Хынаан 18 августуң 2025.
- ↑ В России 17 января будут отмечать новый праздник — День артиста (2025-08-03). Хынаан 18 августуң 2025.
- ↑ В России будет отмечаться День артиста (рус.). government.ru (3 августуң 2025). Хынаан ай-хүнү: 18 августуң 2025.
- ↑ День русского актера. Проект 1917 (рус.). project1917.ru. Хынаан ай-хүнү: 18 августуң 2025.
- ↑ 1 2 Машков предложил учредить День артиста. Хынаан 18 августуң 2025.
- ↑ Генесий Мим. www.pravenc.ru. Хынаан ай-хүнү: 18 августуң 2025.
- ↑ Catholic Encyclopedia: Genesius (англ.). www.newadvent.org. Хынаан ай-хүнү: 18 августуң 2025.