Археологтар хүнү
| Археологтар хүнү | |
|---|---|
 |
Археологтар хүнү — Россия, Беларусь болгаш Казахстанның археологтарының профессионал байырлалы[1], Украинада 2008 чылдан тура албан ёзузунуң байырлалы. Байырлаар хүнү — Август 15.
Байырлал эрте-бурунгу тураскаалдарны шинчилеп, оларны кадагалап арттырарының чугулазын, ол ышкаш археологияның кижи төрелгетенниң бодун болгаш культурлуг өнчүзүн шинчилээринге үлүг-хуузунуң демдеглеп турар[2].
Байырлалдың төөгүзү
Байырлал кандыг-ла бир чазактың айтыышкыны, чарлыы-биле тыптып келбээн. Байырлалдың тыптып келгениниң дугайында элээн каш тоолчургу чугаалар бар, оларның бирээзин Россияның эртемнер академиязының эртемдени Валентин Янин интервьюзунда чугаалаан:
Шагда, 70 хире чыл бурунгаар, безин дайын мурнунда, Новгород хоорайга казыышкыннар чоруп турган. Археолог оолдар байырлал күзеп турганнар, олар экспедицияның удуртукчузунга Арциховский келгеш: «Бөгүн улуг байырлал-дыр, ону демдеглеп эрттирер ужурлуг бис» - дээн.- «Кандыг?»- «Александр Македонскийниң аъды Буцефалдың төрүттүнген хүнү-дүр!» Олар ону ынчаар демдеглээннер. Оон ол болуушкун уттундурган, а Буцефалдың төрүттүнген хүнү Археологтар хүнү апарган.
Өске даап бодаашкын-биле алырга, археологтар хүнү байырлаар чаңчыл 40-50 чылдарда археолог Т.С. Пассектың удуртуп турганы экспедиция үезинде тывылган, ооң төрүттүнген хүнү август 15-те турган. Ол экспедицияның киржикчилери ол чаңчылды өске-өске хоорайлар болгаш суурларже тарадып чорутканындан ынчаар чер бүрүзүнде байырлаар апарган[1][3].
Байырлалдың чаңчылдары
Археологтар хүнү казыышкыннар үезинде таваржыр болгаш, хөй кижилер ону экспедицияларга демдеглеп эрттирип турар. Бо хүнде, экспедицияга бир дугаар киржип турар улустуң археологияже тураскаадып киирер ёзулал хөйү-биле эртип турар. Музейлер археологияга тураскааткан делгелгелерни ажыдып, тураскаалдарже болгаш казыышкыннар черлеринче экскурсияларны эрттирип турар. Тускай шинчилелдерниң бараалгадыы, конференциялар болгаш симпозиумнар база бо хүнге тураскаадып эртип турар.
Демдеглелдер
- ↑ 1 2 День археолога в России. РИА Новости (15.08.2022).
- ↑ В России отмечается День археолога. Южно-Уральский государственный университет (15.08.2023).
- ↑ Романтики большой науки: о Дне археолога. radiosputnik.ru.