Бабич Евдокия Фёдоровна

Бабич Евдокия Фёдоровна
Бабич Евдокия Фёдоровна
Төрүттүнген ай-хүнү	16 (29) августуң 1913
Төрүттүнген чери	Пилипче[d], Барышев району[d], Украина;
Мөчээн ай-хүнү	1992 декабрьның 12 (79 лет)
Мөчээн чери	Малахово[d], Косихин району[d], Алтай край[d], Россия;
Чурту	ССРЭ;
Ажыл-херээ	саанчы
Шаңналдары база премиялары

Шынзыттынган чүүл

Евдокия Фёдоровна Бабич (16 август 1913 — 12 декабрь 1992) — совет көдээ ажыл-агыйның мурнакчызы, Социалистиг Күш-ажылдың Маадыры (1957).

Допчу намдары

Евдокия Федоровна Бабич 1913 чылда көдээ суур Пилипчеге тараачын украин өг-бүлеге төрүттүнген. Авазы дыка эрте чок болган. Школага 3 класс дооскан. Ачазынга бажың ажылынга дузалажып өзүп келген.

1933 чылдан ырак эвесте Ново-Александровка суурга «Хмелевик» колхозка ажылдап турган. Аңаа аңгы-аңгы эрге-дужаалга ажылдап турган.

1937 чылда саанчы кылдыр ажылдап киргеш, дораан-на дыка бедик түңнелдерни көргүзүп эгелей берген. 1940 чылда улусчу ажыл-агыйның чедиишкиннериниң делгелгезинге киришкен.

Ада-чурттуң Улуг дайынының эгезинде уксаалыг малды кадагалап арттырары-биле чурттуң дайындан ырак кезээнче көжүрер деп шиитпирлээн. Ынчаар Евдокия Фёдоровна бода малды көжүреринге киржип турган. Баштай Пенза облазынга чедир чадаг сүрүп, орук ара инектерни ашкарып-чемгерип, суггарып база саап чорааннар. Ооң соонда малды Алтай крайның Косихин районунунга чедир вагоннарга чүдүргеш, демир-орук-биле чедирген. Ындыг узун орук соонда инектерниң сүт бээри эвээжей-даа берген болза, саанчылар дужүп бербейн, чылдан-чылче саалданың түңнелдерин өстүрүп турганнар. 1943 чылда бир инектен-не ортумаа-биле 1470 килограмм сүт ап турган болза, 1949 чылда саалданың түңнели 2850 килограмм четкен, а 1953 чылда эң бедик көргүзүглери — 4493 килограмм четкен. Ооң инектериниң бирээзи «Левада» бир чылда 8000 килограмм сүттү берип турган. Бабичтиң бөлүүнүң сагган сүдүнүң деңзизи чылдан-чылче өзүп-ле олурган. 1956 чылда ол черлерге кукурузаны инек чемгереринге онза таарымчалыг кылдыр көрүп, хөйү-биле өстүрүп турган. Ооң ачызында бедик сүт дүжүдүн ап турганнар^[1].

Алтай крайда эң бедик көргүзүглерлиг турган Евдокия Бабич 1955 чылдан 1957 чылга чедир чоннуң ажыл-агыйының чедиишкиннериниң делгелгезинге үспейн киржип турган.

ССРЭ-ниң Дээди Чөвүлелиниң Президиумунуң 11 январь 1957 чылдан Чарлыы-биле Евдокия Фёдоровна Бабичке Социалистиг Күш-ажылдың Маадыры деп хүндүлүг атты тывыскан, ооң-биле чергелештир Ленин орденин база «Кадыыр биле Маска» медалын тывыскан.

Көдээ ажыл-агыйга ажылдап чорааш^[2], 1961 чылда пенсияже үнген, ынчалза-даа совхозтуң аңгы-аңгы ажылдарынга ажылдаарын уламчылаан.

1953 чылдан СЭКП кежигүнү болуп турган. СЭКП-тиң XX съездизиниң төлээ-делегады болган.

Малахово деп көдээ суурга чурттап чорааш, 1992 чылдың декабрь 12-де чок болган.

Шаңнал-макталдары

Социалистиг Күш-ажылдың маадыры (11.01.1957);
Ленин ордени (11.01.1957);
«Күш-ажылчы шылгарал дээш» деп медаль (11.10.1949)

Демдеглелдер

↑ Евдокия Федоровна Бабич, (16 августа 1913 - 12 декабря 1992) - Герой Социалистического Труда, .... Фотострана. Хынааны 2020 майның 1.
↑ На Алтае учредят премию в честь доярок Дробот и Бабич (ru). Российская газета. Хынааны 2020 майның 1.

Шөлүглер

Бабич Евдокия Фёдоровна (ru). Сайт «Герои страны».

[1] Евдокия Федоровна Бабич, (16 августа 1913 - 12 декабря 1992) - Герой Социалистического Труда, .... Фотострана. Хынааны 2020 майның 1.

[2] На Алтае учредят премию в честь доярок Дробот и Бабич (ru). Российская газета. Хынааны 2020 майның 1.

[1]

[2]