Байжигитова Айнаш

Шынзыттынган чүүл

Айнаш Байжигитова
Төрүттүнген ай-хүнү	1914(1914)
Төрүттүнген чери	Редуть, Атырау облазы, Казахстан
Мөчээн ай-хүнү	1997(1997)
Мөчээн чери	Атырау облазы, Казахстан
Чурту	,
Ажыл-херээ	балык кезикчизи
Шаңналдары база премиялары

Айнаш Байжигитова ( 1914 — 1997) — совет балык үлетпүрүнүң мурнакчызы, В.И. Ленин аттыг Гурьевскиниң балык-консерва комбинадының балык кезикчизи, Социалистиг Күш-ажылдың Маадыры (1960).

Допчу намдары

1914 чылда Казахстанның амгы Атырау Облазының Махамбет районунуң Редуть деп суурунга төрүттүнген.

1931 чылдан тура ажылдап эгелээн, эгезинде балык аштаар ажылга кирип алган. Балыкты дузаар, кургадыр ажылды база аңаа кылып турган. Ажыл аразында азы балык келбейн барган таварылгаларда балык-консерва комбинадының тудуунга тудугжуларга дузалажып турган. Консерва цегин туткан соонда, ол балык кезер салбырга кезикчилеп ажылдап эгелээн.

1933 чылдың ноябрь 6-да соонда барып аъш-чем бүдүрүлгезиниң гигантызы апарган комбинат баштайгы продукциязын бүдүрген. Гурьев районга стаханов шимчээшкининиң баштайгы үндезилекчилери 1936 чылда балык консервалаар комбинаттың ажылчыннарының аразында бичии кыс Айнаш база бар турган. Ону 1938 чылда «ССРЭ-ниң балык ажыл-агыйының тергиини» деп демдек-биле шаңнаан.

Ада-чурттуң Улуг дайынының үезинде Байжигитова балык-консерва комбинадынга улаштыр дүн-хүн чок, дыштаныр хүн дивейн ажылдап турган. Балыктан кылган шупту бүдүрүлгезиниң түңнелдери фронтуже чоруп турар дээрзин медереп билип тура, дайын үезинде бүдурүлгениң хемчээлин дөрт катап улгаттырганнар. Консервалардан аңгы кургаткан хлеб, шеригжилерге концентраттар кылып турганнар.

Дайын соонда чылдарда социалистиг маргылдаага кылыр ужурлуг ажылын 180 хуу ажыр кылгаш, амы-хууда тиилеп турган.

ССРЭ-ниң Дээди Совединиң Президиумунуң 1960 чылдың марттың 7-ден Чарлыы-биле Делегей чергелиг херээженнер хүнүнүң 50 чыл оюнга уткуштур, ажыл-агыйынга онзагай чедиишкиннери дээш Айнаш Байжигитовага Социалистиг Күш-ажылдың Маадыры деп хүндүлүг атты тывыскан.

Улуг чурттуң аңгы-аңгы бүдүрулге черлеринче балык кезер дуржулгазын үлежип каш-даа катап чоруп турган. Балыктың чедир аштаарын база кезерин чаңгыс угда кылыр кылдыр каттыштырар бодалдың автору, ооң ачызында бүдүрүмчелии 25 хуу өзүп, чарыгдал эвээжээн. Коллективинге 50 хире чыл ажылдааш, он-он мурнакчыларны үндүрүп, эң тергиин дагдыныкчы деп атка база төлептиг болган.

Атырау хоорайга чурттап чорааш, 1997 чылда чок болган.

Шаңналдары

• Социалистиг Күш-ажылдың Маадыры (07.03.1960);
• Ленин ордени (07.03.1960);
• Октябрь Хувискаалының ордени (26.04.1971);
• Күш-ажылдың Кызыл Тук ордениниң ийи дакпыр эдилекчизи (26.02.1974, 17.03.1981);
• «Отличник рыбной промышленности СССР» демдек.
• «Казах ССР-ниң үлетпүрүнүң алдарлыг ажылдакчызы».
• «Атырау облазының хүндүлүг хамаатызы» (2010, өлген соонда).

Сактыышкын

• Балыкши суурда база Атырау хоорайда ооң ады-биле кудумчулар аттары адаттынган.

Демдеглелдер

Шөлүглер

• Байжигитова Айнаш (ru). Сайт «Герои страны».
• Информация о Герое