Байкова Татьяна Дмитриевна

Шынзыттынган чүүл

Байкова Татьяна Дмитриевна
Төрүттүнген ай-хүнү	1901
Төрүттүнген чери	Клин району[d]
Мөчээн ай-хүнү	1956
Мөчээн чери	Клин[d], Москва облазы[d], РСФСР[d], ССРЭ
Шаңналдары база премиялары

Татьяна Дмитриевна Байкова (1901 — 1956) — совет көдээ ажыл-агыйның мурнакчызы, Москва облазының Клин районунуң «Искра Ильича» колхозунуң звено удуртукчузу, Социалистиг Күш-ажылдың Маадыры (1948).

Допчу намдары

1901 чылда Москва облазының Клин хоорайның чоогунда Сохино суурга тараачын өг-бүлеге төрүттүнген.

1930 чылда өгленип алгаш, Голенищево деп суурже көже берген.

1937 чылда ол чурттап турган суурунуң девискээринге суг шыгжамырының тудуу эгелээрге, оон Клин облазының Бородино суурже өг-бүлези-биле көже бергеннер. Аңаа «Искра Ильича» колхозче ажылдап кирген.

Оларны Ада-чурттуң Улуг дайынының чылдарында Челябинск хоорайже чайладыр көжүрген. Дайын төнген соонда Бородино суурга катап көжүп кээп, ол-ла колхозка катап ажылдай берген.

Тараа ажаар шөл звенозун аңаа удуртуп каан. Ооң адаанга 15-20 колхозчулар бөлүкке ажылдап турган. 1947 чылда дүжүт ажаалдазының түңнелинде, бөлүк 10,01 га шөлден 32,88 центнер тараа дүжүдүн алган.

«1947 чылда тараа болгаш картошканың бедик дүжүдүн алганы дээш» ССРЭ-нин Дээди Совединиң Президиумунуң 1948 чылдың февраль 19-тан Чарлыы-биле Татьяна Дмитриевна Байковага Социалист Күш-ажылдың Маадыры деп хүндүлүг атты тывыскан, ооң-биле чергелештир Ленин орденин берген.

Ол амыдыралының төнчүзүнге чедир көдээ ажыл-агыйга ажылдап чораан.

1956 чылда чок болган. Демьяновское суурнуң чевээнде орнукшуттунган, бо үеде Клин хоорайның кыдыы. Хөөрү читкен.

Өөнүң ишти чок болурга Егор Сергеевич ооң шупту шаңналдарын саткылапкан.

Кол дөзүглели: >

Шаңнал-макталдары

• Социалистиг Күш-ажылдың маадыры (19.02.1948);
• Ленин ордени (19.02.1948);

Демдеглелдер

Шөлүглер

• Байкова Татьяна Дмитриевна (рус.). Сайт «Герои страны».