Гелек Нацык-Доржу
| Гелек Нацык-Доржу | ||
|---|---|---|
 | ||
|
||
| 2020 чылдың ноябрьның 22 — 2025 чылдың октябрьның 5 | ||
| Соңгутканы | 2020 чылдың октябрьның 4 | |
| Дүжүлгеге олуртканы | 2020 чылдың ноябрьның 22 | |
| Церковь | Тываның Камбы-Лама эргелели | |
| Ооң мурнунда | Джамбел Лодой | |
|
||
| Церковь | Тываның Камбы-Лама эргелели | |
|
|
||
| Төрүттүнгенде ады | Сарыглар Сергек Олегович | |
| Төрүттүнген ай-хүнү |
1988 Ак-Даш, Сүт-Хөл кожуун, Тыва АССР, РСФСР, ССРЭ |
|
Гелек Нацык-Доржу (карачал ады — Сергек Олегович Сарыглар; төр. 1988) — Россияның шажын ажылдакчызы, Тываның IX Дээди ламазы (Камбы-Kамазы) (2020 ноябрь 22-ден 2025 чылдың октябрь 5-ке чедир)[1].
Допчу намдары
1988 чылда Тываның Сүт-Хөл районнуң Ак-Даш суурга төрүттүнген. Ортумак школаны дооскан соонда Кызыл хоорайның «Цеченлинг» хүрээзинче өөренип кирген.
2003 чылда Бурятияда Дамба-Доржи Заяев аттыг Буддийжи «Даши Чойхорлин» университединче лама кылдыр өөренип кирген. 3-кү курска өөренип тургаш, Иволга хүрээзинге тыва хуурактарның удуртукчузу база Россияның буддийжи чаңчылчаан сангхазының чанында Тыва Республиканың Камбы-Ламазының төлээзи кылдыр соңгуткан.
2008 чылда өөредилгезин тергиин дооскан соонда, төрээн чуртунче чанып келген.
2014 чылда Буддийжи университетке «геше» атты алгаш, камгалаан, а ол ышкаш ол-ла чылын «Сүт-Хөл кожууннуң хүндүлүг хамаатызы» деп атты алган. Сүт-Хөл кожууннуң «начын» аттыг мөгези.
2014 чылдан эгелээш, 2020 чылдың ноябрьга чедир Тыва Республиканың аңгы-аңгы хүрээлеринге ажылдап чораан.
2020 чылдың ноябрь 22-де Тыва Республиканың ламаларының ниити хуралынга Камбы-Лама албан-дужаалынга соңгуткан.
2025 чылдың октябрь 5-те Тываның Камбы-Лама албан дужаалындан халашкан, ооң орнунга Лоден Шераб (карачал ады - Долаан Уржанай) албан-дужаалды ээлээн[2].
Демдеглелдер
- ↑ Выбран новый верховный лама Тувы. Предыдущий скончался от коронавируса
- ↑ В Туве избрали нового камбы-ламу (рус.). РИА Новости (5 октябрьның 2025). Хынаан ай-хүнү: 9 октябрьның 2025.
Шөлүлгелер
- В Туве избрали нового верховного ламу (видео) Архивная копия от 12 октябрьның 2020 на Wayback Machine
- Избран девятый Камбы-лама Республики Тыва Архивная копия от 13 апрельдиң 2021 на Wayback Machine
- В Туве интронизируют избранного IX Камбы-Ламу
- Избран девятый Камбы-лама республики Тыва