Даркаева, Прасковья Алексеевна

Шынзыттынган чүүл

Прасковья Алексеевна Даркаева
Төрүттүнген ай-хүнү	1922 майның 17(1922-05-17)
Төрүттүнген чери	Татар АССР[d], РСФСР[d]
Мөчээн ай-хүнү	2008 марттың 21(2008-03-21) (85 лет)
Мөчээн чери	Романовка[d], Шенталинск району[d], Самара облазы[d], Россия
Чурту	ССРЭ  Россия
Ажыл-херээ	саанчы
Шаңналдары база премиялары

Прасковья Алексеевна Даркаева (1922 чылдың майның 17 — 2008 чылдың марттың 21) — совет көдээ ажыл-агыйның мурнакчызы, Самара облазының Шенталинск районунуң «Канаш» уксаалыг заводунуң саанчызы, Социалистиг Күш-ажылдың Маадыры (1966).

Допчу намдары

1922 чылда Татар АССР-ниң көдээ сууру Кутушка тараачын мордов язы-сөөктүг өг-бүлеге төрүттүнген.

Он харлыында авазы чок болган. Үш уругларын адазы чааскаан доруктуруп өстүрген. 1937 чылда Романовкаже көже бергеннер (амгы үеде Самара облазының Шенталинск району). Адазы база улуг угбазы тус черниң фермазынга ажылче кирген, а Прасковья өске уруглар карактап турган.

Ада-чурттуң Улуг дайынының эгезинде фермаже ажылдап кирген, 1942 чылдан боду 17 бөлүк инектерниң саалдазын аңгы чорудуп эгелээн. Улуг арга-дуржулгалыг апарган. Ферманың удуртулгазы солушкан соонда, эки уксаалыг инектер эккеп эгелээн. Сагган сүт дораан-на 3,5 катап өскен. Дөрт дугаар беш чыл планының үезинде бир чылда ооң сагган сүдү инек бүрүзүнден ортумаа-биле 2800 килограмм четкен.

1956 чылда чедиишкиннер делгелгезинге хонукта 25-28 килограмм сүт берип турган инектерин көргүзүп турган.

ССРЭ-ниң Дээди Совединиң Президиум 1966 чылдың марттың 22-ден Чарлыы-биле «көдээ ажыл-агыйга бедик болгаш рекордтуг түңнелдер көргүскени дээш» Прасковья Алексеевна Даркаевага Социалистиг Күш-ажылдың Маадыры деп хүндүлүг атты тывыскан, аңаа чергелештир Ленин ордени база ««Серп биле Молот» медальдарын тывыскан.

Ооң соонда-даа үре-түңнелдиг ажылын уламчылаан база бедик түңнелдерни көргүскен. 40 чыл иштинде мал ажылынга ажылдаан.

Романовка суурга олчаан чурттап чорааш, 2008 чылдың март 21-де чок болган.

Шаңналдары

• Социалистиг Күш-ажылдың Маадыры (22.03.1966)
• Ленин ордени (22.03.1966)
• Самара облазының Шенталинск районунуң хүндүлүг хамаатызы (17.01.2002).

Демдеглелдер

Литература

• Окружнов А. И сияют звёзды золотые — уроженцы Мордовии. — Самара, 2015.

Шөлүлгелер

• Даркаева, Прасковья Алексеевна (рус.). Сайт «Герои страны».