Индияның хөй арынныг бурганнары
Чангыс дазылдан.
Биске эң-не көскү чижек дээрге: орус православ шажынның язычество-биле холбаазы.
Христианство биле иудаизмге бодаарга индуизм болгаш буддизм аразында быжыг харылзаалыг. Чаа келген бурганнар эрги бурганнар-биле эптиг найыралдыг чурттап турарлар. Чаа шажыннар эрги шажыннардан үнүп турар болгаш олар биле кожалажып чурттап турар. Индияда дараазында чүүлдерге бүзүреп турар: каш-даа бурган турбаан болза, олар шупту — октаргайның күзели-биле болгаш бодалы-биле болуп турар, оларны Брахман дээр. Ооң-биле алырга бурганнарның хөй кезии хөй-хөй боттандырылгаларлыг. Кандыг-даа кижи, атеист, традициялыг шажыннарга чүдүп турар, азы оон-даа өске шажыннарга чүдүп турар кижи ол күштүң бажында турар болгаш, ону билбейин турар-даа болза Брахманга чагыртып турар. Моортан алырга — индилерниң шажынга негелде чогундан өске чуртталганың аңгы-аңгы кезектеринче кире берген тускай амыдыралдың философиязы, олар болза бөдүүн чуртталгадан кезээде аңгылатынбас.
Эрте-бурунгу ведизмден философтуг шажын төрүттүнүп келген — брахманизм.
Брахманизм — Брахман чаякчы бурганны ханы хүндүлээри. Брахманизм дараазында индуизмни чаяган. Индуизм аңгы-аңгы угланыышкыннарга чардынган. Оларның аразында ылгал — хөй бурганнарның аразында ортузунда кайы бурган турары. Ол угланыышкында индуизм өске монотоеистиктиг шажыннарга чоок болуп турар, олар чаңгыс бурган барынга бүзүреп турарлар.
Индуизмниң угланыышкыннарының аразындан дараазында кол угланыышкыннарны аңгылап болур:
Шиваистер — кол бурганны Шива бурган деп турар. Өртемчейни эр кижиден эгелеп турар деп чүүлге бүзүреп турар.
Шактистер — кол бурган Шакта (Парвати). Шиваның өөнүң ишти. Өртемчейни кыс кижиден эгелеп турар деп чүүлге бүзүрелдиг.
Вайшнавистер — кол бурган Вишну.
Кришнаистер — кол бурган Кришна, Вишнаның черде бир хевирлериниң бирээзи.
Дөзү
- Энциклопедия быстрых знаний «Религии мира».