Москва

Москва
Москва
	орус. Москва
Төре дылдар	Орус дыл
Шак куржактары	MSD[d], UTC+3:00[d] биле Европа/Москва[d]

Москва — федералдыг хоорай, Россия Федерациязының найысылалы, Төп федералдыг округтуң административтиг төвү база Москва облазының барымдаа ёзугаар төвү^[2]. Россияның эң хөй чурттакчылыг хоорайы — 2014 чылда 12 108 257 кижи^[3].

Москваның Дээди нояннарының, Орус хаанаашкынның (Русское царство), Россия империязының (1728-1730 чылдарда), Совет Россияның болгаш ССРЭ-ниң төөгүлүг найысылалы. Маадырлыг хоорай. Москва хоорайда Россия Федерациязының күрүне эргелериниң федералдыг органнары, кадагааты чурттарның элчиннери, российжи эң дээди коммерциялыг организацияларының база хөй-ниити катыжыышкыннарының өргээлери (штаб-квартиры) ажылдап турар. Хоорайда тус черниң бот-эргезиниң организациязы бар.

Москва — Россияның туризминиң ёзулуг төвү; Москва кремли, Кызыл шөл, Новодевичий хүрээ, Коломенскийде Вознесение церкову ЮНЕСКО деп Бүгү делегейниң салгалының даңзызынче кирип турар^[4]. Москва транспорт өзээниң эң ажыктыг дээн чери база болур. Хоорайда 5 аэропорттар, 9 демир-орук вокзалы, 3 хем портузу бар. 1935 чылдан тура хоорай иштинде метро ажылдап турар.

Москва хоорай Россияның европа талазында, Ока биле Волганың аразында Москва хемде, Москва-Смоленск бедигээжиниң белдиринде (барыын талазында), Москворецко-Окск оргузунда (чөөн талазында) болгаш Мещёр чавызаашкынында (мурнуу-чөөн талазында) турар. Хоорайның девискээри — 2511 км²^[5].

Москваның шагының куржаа (часовой пояс) бүгү делегейниң стандарты-биле алыр болза, Moscow Time Zone (MSK) деп демдегледип турар. Бүгү делегейниң үези-биле алыр болза +4:00 деп шак куржаанда турар.

Дөс

Бо дээрге белеткеп каан чүүл-дүр. Эдип база немеп тургаш, ук төлевилелге дузалап болур силер.

[_3a9cd5b86e2c217d-1] ¹ ² https://data.iana.org/time-zones/tzdb-2021e/europe

[2] Обзор законодательства Российской Федерации и субъектов Российской Федерации о статусе административных центров (столиц) субъектов Российской Федерации

[3] Оценка численности постоянного населения на 1 января 2014 года

[4] Даңзы

[5] Карта расширения границ Москвы

[1]

[2]

[3]

[4]

[5]