Моңгуш Айдың Сергеевич

Рувики деп сайттан
Моңгуш Айдың Сергеевич
Айдын Монгуш1.jpg

Моңгуш Айдың Сергеевич  (1994 чылдың июльдуң 14) — тыва, сумо, хапсагай, хостуг хүреш мөгези. Тыва Республиканың Чаан мөгези (2024). Бүгү делегейниң көшкүн чоннарының оюннарының хүрешке тиилекчизи (2018).

Допчу намдары

Моңгуш Айдың 1994 чылдың июль 14-те Улуг-Хем кожууннуң Торгалыг суурунга төрүттүнген.

2001 чылда школага өөренип киргеш, 1-ден 9 класска чедир Торгалыг школазынга өөренип турган. 10-11 класстарны Кызылдың №9 гимназиязынга өөренгеш, 2012 чылда дооскан. Ол-ла чылын Тываның күрүне университединиң физкультура болгаш спорт факультединче кирип алгаш, ону 2016 чылда чедиишкинниг дооскан[1]. Ооң тренер — ТывКУ-нуң башкызы Шагжы Болат турган[2].

Айдың суможе 14 харлыындан тура барып турар[3]. 2012 чылда Луцк хоорайга сумога Европа чемпионадынга 18 хар четпээн «90 кг чедир» мөгелер аразынга тиилээн[4][5]. 2014 чылда Айдыңга сумо хүрешке Россияның Делегей чергелиг спорт мастери деп спортчу атты тывысакан[6].

2015 чылдың июнь айда Улуг-Хем кожууннуң Арыг-Бажы суурга республика чергелиг тыва хүреш маргылдаазынга үжүүрлешкен, түңнел хүреште Тыва Республиканың арзылаң мөгези Сайын-Белек Түлүшке октаткан[6]. 2017 чылда Тбилиси хоорайга болуп эрткен сумога Европа чемпионадынга 23 хар четпээн мөгелер аразынга тулган тиилээкчи болган[7][8]. 2015 чылдың июнь 27-де «Хүреш» стадионунга Аныяктар хүнүнге тураскааткан тыва хүреш маргылдаазынга дөрт мөге аразынче киргеш, база-ла Сайын-Белекке октаткан[9]. 2018 чылда Дзержинск хоорайга болуп эрткен Россияның сумо хүрешке чемпионадынга «115 кг чедир» мөгелер аразынга 3-кү черни алган[10].

2018 чылда Бүгү делегейниң көшкүн чоннарының оюннарының ниити хүреш маргылдаазынга тиилекчизи бооп үнген, оон өске ол-ла маргылдаага моол хүрешке болгаш сумо хүрешке тиилээн[11][12]. Көшкүн чоннарның «Эң шыырак мөгези» дээш Оюннарның 13 аңгы хевирниң хүрештеринге тулган тиилекчи болган мөгелерниң аразынга улуг хүреш болган, ооң кол дүрүмү — удурланыкчызын чарыннарынга чыттыр базары («Көшкүн чоннарның күчүлүг хүрежи»)[13][11]. Шаңнал кылдыр Айдың бир сая кыргыз сом (14,5 муң американ доллар), маадырның алдын курун, баглааш, Кыргызстанның эң чүгүрүк малдарының бирээзин база алдын хол-хапты алган, а ооң адын бурунгу күчүлүг көшкүн чоннарның номунче алдын үжүктер-биле бүгү делегейниң көшкүн чоннарының оюннарының тиилекчизи кылдыр киир бижээн[13]. Ол чылдың төнчүзүнде Айдың Моңгушту чурттаар оран-сава айтырыын шиитпирлеп алыр кылдыр Тываның Чазааның Баштыңы Шолбан Кара-оол 1,5 сая рубль-биле шаңнаан[2].

2019 чылдың сумо хүрешке Россия чемпионадынга «115 кг чедир» мөгелер аразынга 3-кү черни алган[14]. 2019 чылда Дзержинск хоорайга болуп эрткен сумо хүрешке Европа кубогунга «115 кг чедир» мөгелер аразынга болгаш тулган тиилекчи дээш хүрешке 3-кү черлерни чаалап алган[15].

Тыва Республиканың хапсагай хүрешке чыынды командазынче кирип турар.

2024 чылдың июль 19-та Айдың Моңгуш Наадымга 3 дугаар шүггеш, «Чаан моге» деп атты чаалап алган[16].

2024 чылдың ноябрь 3-те Айдың Моңгуштуң «Чаан мөгениң найыры» деп байырлыг кежээзинде чалаттырган аалчылар Тыва Республиканың Дээди Хуралының депутады Саян Ондар суглар-биле өске бөлүк кижилер аразында маргыш үнген соонда бир-ле кижи пистолет-биле адып эгелээн. Ооң түңнелинде 6 кижи аңгы-аңгы балыглаашкын болгаш кемдээшкиннерлиг эмчиже кирген[17]. Монгуш своё участие в конфликте отрицал[18].

Демдеглелдер

  1. ↑ Кузница чемпионов. Факультету физической культуры и спорта ТувГУ - 20 лет. ТувГУ (1 декабрьның 2019). Хынаан ай-хүнү: 23 январьның 2020.
  2. ↑ 1 2 Министерство спорта Республики Тыва возглавил выпускник ТувГУ Субудай Монгуш. ТувГУ (19 декабрьның 2018). Хынаан ай-хүнү: 23 январьның 2020.
  3. ↑ Выиграл 1 млн сомов. Кто победил всех сильных борцов на Играх кочевников. Sputnik Кыргызстан (8 сентябрьның 2018). Хынаан ай-хүнү: 23 январьның 2020.
  4. ↑ THE OFFICIAL EUROPEAN CONTINENTAL SUMO CHAMPIONSHIPS 2012
  5. ↑ Тувинские борцы завоевали семь медалей чемпионата Европы по сумо. СПОРТДИАЛОГ (23 июньнуң 2012). Хынаан ай-хүнү: 23 январьның 2020.
  6. ↑ 1 2 М. Биче-оол. К 65-летию со дня рождения известного спортсмена и тренера Александра Шойдука его родные организовали турнир. Тува-Онлайн (3 июньнуң 2015). Хынаан ай-хүнү: 23 январьның 2020.
  7. ↑ European Continental Sumo Championships 2017
  8. ↑ Пятеро тувинских сумоистов стали чемпионами Европы. «В центре Азии» (24 апрельдиң 2017). Хынаан ай-хүнү: 23 январьның 2020.
  9. ↑ День молодёжи прошёл с размахом. Сайт органов местного самоуправления города Кызыла (29 июньнуң 2015). Хынаан ай-хүнү: 23 январьның 2020.
  10. ↑ М. Биче-оол. Тувинские сумоисты завоевали путевки на чемпионат Европы в Пловдиве. Тува-Онлайн (3 апрельдиң 2018). Хынаан ай-хүнү: 23 январьның 2020.
  11. ↑ 1 2 Победитель турнира по сумо Монгуш Айдын примет участие в соревнованиях «Великая борьба кочевников». Кабар (5 сентябрьның 2018). Хынаан ай-хүнү: 23 январьның 2020.
  12. ↑ Sumo Participation in the III World Nomad Games 2018. IFS (2019). Хынаан ай-хүнү: 23 январьның 2020.
  13. ↑ 1 2 На Всемирных играх кочевников выбрали Великого богатыря – русского. МИР24 (8 сентябрьның 2018). Хынаан ай-хүнү: 23 январьның 2020.
  14. ↑ Борисова и Маргиев выиграли ЧР по сумо в абсолютной весовой категории. Чемпионат (23 марттың 2019). Хынаан ай-хүнү: 23 январьның 2020.
  15. ↑ В Дзержинске с блеском прошел Кубок Европы-2019 по сумо. Федерация сумо России (2019). Хынаан ай-хүнү: 23 январьның 2020.
  16. ↑ Новости спорта за 26 июля: сильнейшего борца-хурешиста выбрали в Туве, футболку бейсболиста продадут за $13 млн. Хынаан 6 ноябрьның 2024.
  17. ↑ Российский борец устроил побоище во время празднования нового титула. Хынаан 6 ноябрьның 2024.
  18. ↑ Шесть человек попали в больницу после побоища в ресторане в Кызыле (2024-11-06). Хынаан 6 ноябрьның 2024.
Дөзү – «https://tyv.ruwiki.ru/w/index.php?title=Моңгуш_Айдың_Сергеевич&oldid=333924»