Оюн, Дина Ивановна

Рувики деп сайттан
Дина Ивановна Оюн
Сенатор Оюн.jpg
Флаг
Тыва Республикадан Россия Федерациязының Федералдыг чыыжының Федерация Чөвүлелиниң кежигүнү
Флаг
2019 чылдың октябрьның 14 — 2025 чылдың марттың 28
Ооң мурнунда Оксана Михайловна Бурико (Белоконь)
Төрүттүнген хүнү 25 июнь 1963(1963-06-25) (63 хар)
Кызыле, Тыва Республика, РСФСР, ССРЭ
Намы Чаңгыс демниг Россия
Эртеми Москваның күрүнениң лингвистика университеди (1985), Россияның Даштыкы херектер яамызының дипломатия академиязы (2003)
Ажыл-ижи ИА «Тува-Онлайн» кол редактору

Дина Ивановна Оюн (1963 чылдың июнь 25, Кызыл хоорай, Тыва Республика) — российжи политик, 2025 чылдың март 28-ке чедир Россия Федерациязының Федералдыг Чыыжының Федерация Чөвүлелинде Тыва Республиканың күрүне эрге-чагыргазының хоойлу-дүрүм үндүрер органындан төлээзи чораан[1][2]. Тыва Республиканың алдарлыг ажылдакчызы.

Допчу намдары

Дина Оюн 1963 чылдың июнь 25-те Тыва Республиканың Кызыл хоорайга төрүттүнген.

Москваның «Чоннар найыралы» орденниг күрүнениң «Морис Торез» аттыг даштыкы дылдар институдунга өөренгеш, «даштыкы дылдар: англи болгаш испан дылдар» деп эртем чедип алган. Ооң соонда ВЛКСМ-ниң Төп комитединиң чанында Комсомолдуң дээди школазынга немелде эртем чедип алган.

1985 чылда ВЛКСМ-ниң Кызылда хоркомунуң Кызылдың авто-орук техникумунуң харыысалгалыг секретары кылдыр ажылдай берген. 1988 чылдан тура комсомолчу организациялар килдизиниң инструктору, ВЛКСМ-ниң комсомолчу организациялар болгаш кадрлар-биле ажыл килдизиниң Төп чер секторунуң эргелекчизи, ВЛКСМ-ниң сургуулдар отрядының Тывада область штавының комиссары болгаш «Надежда» аттыг аныяктар организацияларының каттыжыышкынының директору кылдыр ажылдап чораан[3].

1991 чылдан Тыва гуманитарлыг төптүң директору кылдыр ажылдай берген. Ооң соонда телевидениеге корреспондентилей берген, улаштыр «Доңмас-Суг» аттыг уран чүүл каттыжыышкынының редактору база ГТРК «Тыва» телевидениениң редактору бооп ажылдаан. 1999 чылдан тура Тыва Республиканың Дээди хуралының Аппарадының информация-сайгарылгалыг эргелелин удуртуп турган[4].

2003 чылда Россияның Даштыкы херектер яамызының Дипломаттыг академиязының дипломун холга туткан. Чедип алган эртеми «Специалист в области международных отношений».

2007 чылдан Тыва Республиканың Чазааның Даргазының сүмелекчизи. 2010 чылда Тыва Республиканың Чазааның Даргазының оралакчызы кылдыр томуйлаттырган.

2012 чылдан 2013 чылга чедир АНО ИА «Тува-Онлайн» агентилелиниң кол редактору.

2013 чылдың сентябрь 9-тан Кызыл хоорайның Төлээлекчилер Хуралының депутады кылдыр соңгуттурган, а сентябрь 25-тен Кызыл хоорайның Төлээлекчилер Хуралының даргазынга чаңгыс үн-биле соңгуттурган. Ооң-биле чергелештир 2018 чылга чедир Тыва Республиканың Кызыл хоорайының баштыңы кылдыр ажылдап чораан.

2019 чылда Дина Оюн АНО ИА «Тува-Онлайн» агентилелиниң кол редактору кылдыр эглип келген.

2019 чылдың сентябрьда Тыва Республиканың Дээди Хуралының депутады кылдыр соңгуттурган. Октябрь 14-те депутаттарның шиитпири-биле Россия Федерациязының Федералдыг Чыыжының Федерация Чөвүлелинде Тыва Республиканың күрүне эрге-чагыргазының хоойлу-дүрүм үндүрер органындан төлээзи кылдыр чоруттурган[5]. 2025 чылдың март 27-де ол эрге-дужаалындан халашкан[6]

Шаңналдары

  • «Тиилелге» аттыг Россияның организастыг комитединиң стол кырынга салыр хөрек демдээ;
  • «Тыва Республиканың алдарлыг ажылдакчызы» деп хүндүлүг ат.

Демдеглелдер

  1. ↑ Структура (рус.). Совет Федерации Федерального Собрания Российской Федерации. Хынаан ай-хүнү: 21 октябрьның 2019.
  2. ↑ Сенатор от Тувы ушла в отставку спустя полгода после истечения срока полномочий
  3. ↑ Виолетта Чанзан. Дина Оюн: Из депутата в сенаторы. Депутаты ВХ РТ проголосовали за кандидатуру Дины Оюн в Совет Федерации (рус.). Тува Медиа Групп (14 октябрьның 2019). Хынаан ай-хүнү: 21 октябрьның 2019.
  4. ↑ Оюн Дина Ивановна - Верховный Хурал (парламент) Республики Тыва. www.khural.org. Хынаан ай-хүнү: 21 октябрьның 2019.
  5. ↑ Сенатором от Тувы Верховный Хурал назначил Дину Оюн. news.myseldon.com. Хынаан ай-хүнү: 21 октябрьның 2019.
  6. ↑ Сенатор от Тувы Дина Оюн попросила об отставке

Шөлүлгелер

1. Член Комитета Совета Федерации по бюджету и финансовым рынкам Оюн Дина Ивановна

2. ДИНА ОЮН. Я ЛЮБЛЮ СЛУХИ О СЕБЕ

3. Дина Оюн наделена полномочиями члена Совета Федерации Федерального Собрания Российской Федерации

4. Дина Оюн – новый энергичный политический тяжеловес от Тувы

5. Парламент Тувы в Совфеде представит экс-глава Кызыла Дина Оюн

6. За государственную электронную Туву будет отвечать Дина Оюн

Дөзү – «https://tyv.ruwiki.ru/w/index.php?title=Оюн,_Дина_Ивановна&oldid=309529»