Россияда донорларның национал хүнү
| Россияда донорларның национал хүнү | |
|---|---|
 | |
| Байырлап турар чери |
 |
| Ай-хүнү | апрельдиң 20 |
| харылзаалыг байырлал | Россия империязынга баштайгы чедиишкинниг гемотрансфузия-биле харылзаалыг |
Россияда донорларның национал хүнү — чылдың-на апрель 20-де демдеглээр российжи байырлал. Күш-ажыл кодекизи-биле дыштаныр хүн деп санаттынмас. Россия империязынга бир дугаар 1832 чылдың апрель 20-де эрттирген чедиишкинниг гемотрансфузияга (хан солуй кудар процедура) тураскаадып тургустунган.
Төөгүзү
1832 чылдың апрель 20-де Петербургтуң акушери Андрей Вольф акушер хан төктүүшкүнү-биле божаан херээженге бир дугаар хан солуй кудар процедураны чедиишкинниг чоруткан[1]. Ол ооң мурнунда (1818 чылдың сентябрь 25-те) Лондонга чедиишкинниг трансфузияны кылган Джеймс Бланделлдиң аппарадын болгаш методиказын ажыглаан[2]. Ооң соонда Вольф алды катап хан солуй кудуушкунун кылган, ооң соонда процедураны орус эмчи болгаш хирургия профессору Сергей Коломнин чаңгыс эвес удаа күүседип кылган.
2007 чылдың февраль 20-де национал донор хүнүн РФ-тиң Күрүне Думазы донорлаашкын болгаш хан албанының чидиг айтырыгларының талазы-биле хуралга тургускан[3]. 2008 чылдан эгелеп, РФ-тиң кадык Камгалал яамызы биле Россияның федералдыг эмчи-биологтуг агентилели ханның болгаш ооң кезектериниң массалыг эки турачы донорлаашкынын сайзырадырының улуг программазын боттандырып турар[4]. 2024 чылдың медээзи-биле, Хан албанының составынче 487 организация кирип турар, 100 муң хире бедик мергежилдиг эмчи ажылдакчылары кирип турар[5].
Байырлалдың ёзу-чаңчылдары
Донорнуң национал хүнүнде россияга эмчи ажылдакчылары-биле парлалга конференциялары темалыг делгелгелер конференциялар болуп турар. Медицина төптери база станциялар хан дужаар немелде акцияларны эрттирип турар[6]. Ол хүн хан азы ооң компонентилерин дужааган хамаатыларны шаңнаар[7]. Хан болгаш ооң кезектерин 40 катап халаска дужааган азы плазманы 60 катап өргүпкен кижилерни «Россияның хүндүлүг донору» деп санаар. Хөрек демдээнден аңгыда хамаатылар немелде чиигелделерни. ооң иштинде хөй-ниити транспортунга халас чоруур эргени база алыр[8].
Немелде медээлер
• 2005 чылда бүгү делегейниң донор хүнү бадылаттынган. Ону июнь 14-те демдеглеп турар, кижиниң ханының бөлүктерин ажытканы дээш физиология болгаш медицина талазы-биле Нобель шаңналын алган Карл Ландштейнерниң төрүттүнген хүнүнге дүүштүрүп тургустунган байырлал[9].
• ФМБА-ның медээзи-биле, 2024 чылда Россияга дужааттынган хан курлавырлары эрткен 2023 чылга деңнээрге, 6% өскен болгаш 2,6 миллион литр болган, 458 муң ажыг донор федералдыг регистрже кирген[6].
• Ада-чурттуң Улуг дайынының үезинде донорларның саны 5,5 сая чедип турган, Кызыл шериг ынчан 1,7 сая литр ажыг консервалаан ханын алган, ону 7 сая катап солуй кудуп ажыглаан. Дайын чылдарында «ССРЭ-ниң хүндүлүг донору» деп хөрек демдээ-биле 15 000 кижини шаңнаан[10].
Доноры среди знаменитостей
- Джеки Чан — доктаамал хан дужаап турар, 2002 чылда «Смокинг» деп фильм тырттырып турар үеде Канаданың Хан албанының донору апарган.
- Криштиану Роналду — 2008 чылда «Кызыл крест счёду» деп компанияның «арны» турган, чилиг донору болуп турар.
- Джессика Альба — уруглар эмчизинге ханын дужаап турар.
- Екатерина Стриженова — студент чылдарында-ла хан дужаап эгелээн[4].
- Татьяна Навка — 2011 чылда LG компаниязының донор чорукту сайзырадыр талазы-биле элчини турган[11].
Демдеглелдер
- ↑ Национальный день донора в России. gkdc1.ru. Хынаан ай-хүнү: 17 апрельдиң 2025.
- ↑ Есть повод гордиться. Медицинская газета (17 апрельдиң 2007). Хынаан ай-хүнү: 17 апрельдиң 2025.
- ↑ Национальный День донора крови в России (2025-04-11). Хынаан 17 апрельдиң 2025.
- ↑ 1 2 Навка сдаёт кровь168#id1887947 Звездная кровь (2022-04-20). Хынаан 18 апрельдиң 2025.
- ↑ Вероника Скворцова: В России донорство является не только почетной и благородной миссией, но и важнейшей государственной задачей. bloodfmba.ru (11 июньнуң 2024). Хынаан ай-хүнү: 18 апрельдиң 2025.
- ↑ 1 2 «Единая Россия» организует по всей стране мероприятия к Национальному дню донора крови. er.ru (16 апрельдиң 2025). Хынаан ай-хүнү: 17 апрельдиң 2025.
- ↑ 14 июня — Всемирный день донора крови: традиции, тема и мероприятия 2024 года (2024-06-13). Хынаан 17 апрельдиң 2025.
- ↑ Национальный день донора в России. pnp.ru (20 апрельдиң 2020). Хынаан ай-хүнү: 17 апрельдиң 2025.
- ↑ Всемирный день донора крови (2024-06-14). Хынаан 17 апрельдиң 2025.
- ↑ Любопытные факты. yadonor.ru. Хынаан ай-хүнү: 17 апрельдиң 0202.
- ↑ Татьяна Навка стала послом донорства. sport-express.ru (20 апрельдиң 2011). Хынаан ай-хүнү: 18 апрельдиң 2025.
Шөлүлгелер
Бо чүүлче РУВИКИ-ниң өске чүүлдеринден шөлүлгелер чок. |
.svg){kind=link}