Россия Федерациязында школачы форма
| Россия Федерациязында школачы форма | |
|---|---|
| орус. Новый стандарт школьной формы в Российской Федерации (август, 2025 год) | |
.jpg) | |
| Ажыглаар адыры | Өөредилге чери |
| Тывылган ай-хүнү | 1992 |
| Тывылган чери |
 |
Россия Федерациязынга школачы форманы (орус. Школьная форма в Российской Федерации) кедерин 1994 чылдың чазын соксаткан (херек кырында 1992 чылдың июнь 1-де ону бүдүрүп турган бүдүрүлгелерни доктаатканындан болгаш узуткаанындан). 2013 чылдың сентябрь 1-де школачы хепти киирген, чүгле харын ниити чурум кылдыр.
2025 чылдың августа РФ-тиң чырыдыышкын яамызы российжи школачыларга форманың чаа стандартын таныштырган. Школачы форма кылдыр продукцияны маркировкалап турар бүдүрүкчүлеринге ГОСТ-уну сагыыры албан. Школачы форманың аяны ажыл-агыйжы, а ону быжары эптиг болур ужурлуг. Ол дээрге Россияда шак ындыг баштайгы стандарт-дыр. Ниити кол болгаш ортумак ниити өөредилге албан черлеринде өөреникчилерге ол хамааржыр[1]. Чырыдыышкын яамызы чаңгыс аай школа формазын киирерин планнавайн турарын, өөредилге черлери өөреникчилерниң даштыкы хевиринге негелделерни боттары тургузуп болурун тодараткан[2].
Төөгүзү
Россия Федерациязында ССРЭ-де ышкаш чаңгыс аай школа формазы чок, ынчалза-даа дыка хөй лицейлер болгаш гимназиялар өөреникчилерниң өөредилге черинге хамааржырын онзалап айыткан боттарының хевин киирген. Чамдык школаларда албан ёзузу-биле хүлээп алдынган стандарст чок, ынчалза-даа форма класс деңнелинде, өөреникчилерниң ада-иелери-биле дугурушкаш, киирип болур (анаада ындыг «класс» форманы биче класстарга киирер). Оон аңгыда школа формазы чок өөредилге черлеринге ажыл-агыйжы стильдиг хеп кедер дүрүмнер туруп болур. Совет үениң школачы хевин (азы аңаа дөмейлештир кылган платьелерни) ак баартыктарлыг доозукчулар Сөөлгү коңгаже школа-биле байырлажырының демдээ кылдыр база өске-даа байырлалдарда кедери чаңчылчаан.
Ынчалза-даа школага (Набережные челнының элээн каш лицейлери, Прохоровскунуң гимназиязы, Красноярск болгаш Уфа школалары) кыстарга платьелер болгаш баартыктар совет үеден бээр артып калган, чок болза 2000 чылдарда катап киирттинген. 2022 чылда Сергей Кравцов чаңгыс аай школа формазын киирер деп турарын чугаалаан, ындыг-даа өөредилге черлериниң администрацияларында ооң кандыг болурун шиитпирлээр эрге бар. «Школа формазы школачыларны организастап чурумчудар, ынчангаш уругларга ону кедери чугула» деп Күрүне Думазының өөредилге комитединиң удуртукчузу Ольга Казакова ындыг эгелээшкинни чүге үндүрүп турарын тайылбырлаан[3].
2025 чылдың июль 1-де Россияга школа формазының ГОСТ-узу күш кирген. Ында тодаргайлаарга, форма чырык шинчилиг эстетиктиг болгаш эптиг болур ужурлуг. Ол хоойлуга чөрүшкек аажы-чаңны суртаалдап турар, асоциал, ёзу чок аныяктар каттыжыышкыннарының символиказы аңаа туруп болбазын демдеглээн. Күрүнениң болгаш патриотчу символиканы стандарт харын сүмелеп турар[4].
2025 чылдың август 6-да РФ-тиң чырыдыышкын яамызы российжи школачыларга чаа форма стандартын таныштырган. Школачы форма кылдыр продукцияны маркировкалап турар бүдүрүкчүлер ГОСТ сагыыры албан. Негелделер ёзугаар школачы форманың аяны ажыл-агыйжы, а ону быжары эптиг болур ужурлуг. Ол дээрге Россияда шак ындыг баштайгы стандарт-тыр Ниити кол болгаш ортумак ниити өөредилге албан черлеринде өөреникчилерге идик-хепке ол хамааржыр[1].
Чаңгыс аай школа формазын киирерин планнавайн турарын, өөредилге черлери өөреникчилерниң даштыкы хевиринге негелделерни боттары тургузуп болурун Чырыдыышкын яамызы тодараткан[2].
Демдеглелдер
- ↑ 1 2 Минпросвещения показало новый стандарт школьной формы (2025-08-06). Хынаан 25 августуң 2025.
- ↑ 1 2 Минпросвещения не планирует вводить единую школьную форму (2025-08-06). Хынаан 25 августуң 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (2025-08-06). Хынаан 25 августуң 2025.
- ↑ Появился полный текст ГОСТа с требованиями к школьной форме (2025-06-29). Хынаан 25 августуң 2025.