Самдан Бады-Маадыр Кудажыевич
| Самдан Бады-Маадыр Кудажыевич | |
|---|---|
| Хиндии | эр хиндиктиг[d] |
| Чурту | |
| Төрүттүнген хүнү | 2002 марттың 31 (24 года) |
| Төрүттүнген чери | |
Бады-Маадыр Кудажыевич Самдан (2002 чылдың марттың 31[1], Улуг-Хем, Тыва) — Тыва Республиканың начын мөгези, Россияның хостуг хүреш мөгези. Россияның спорт мастеринче кандидат. Россия чемпионадының хүлер медалының эдилекчизи.
Спортчу карьеразы
Самдан Бады-Маадыр кара чажындан хүрешке сонуургалдыг чораан.
Тыва хүреш
8 харлыында чылдың эртип турар республика чергелиг июнь 1-ге тураскааткан хүрешке бодунуң назы-харынга шүгген[2].
2019 чылдың Наадымның 18 хар чедир аныяк мөгелериниң аразынга хүрешке Самдан Бады-Маадыр шүггеш, 100 муң рубль шаңналды алган[3]
2020 чылдың Наадымынга аныяк мөгелер аразынга ийи дугаар шүггеш, 50 хойну шаңнал кылдыр алган[4].
2022 чылдың Наадым хүрежинге улуг мөглере аразынга 8 шыырак мөгениң аразынче киргеш, Самдан Бады-Маадыр «Тыва Республиканың начын мөгези» деп хүндүлүг атты чаалап алган[5].
2024 чылдың Наадым хүрежинде кады төрээн акызы Самдан Демир-Хая-биле 16 мөге аразынга арткаш, акызы «начын» атты күүседип алзын дээш, дүжүп берген[6].
Хостуг хүреш
2022 чылдың январь 29-та Красноярскиге Иван Ярыгинниң сактыышкын кубогунга киришкен, 1/8 финалга Казахстандан Бакдаулет Алментайга аштырган[7].
2022 чылдың апрельде Красноярскиге Сибирь Федералдыг округтуң чемпионадының хүлер медалының эдилекчизи болган[8].
2022 чылдың августа Казаньга болган Бүгү Россия чергелиг спартакиадага Якутиядан Ньургун Сергинге 1/4 финалга уттурган[9].
2024 чылдың апрель 13-те Улан-Удэге Делегей чергелиг «Байкал Опен» маргылдаазынга Моолдан Ганбайяр Тувшинтурну түңнел хурешке тиилээш, маргылдаага шүгген[10][11].
2024 чылдың май 4-те Подмосковьеге Россия чемпионадының биче финалынга Дагестандан Рамазан Шахбановту 7:3 сан-биле тиилээш, маргылдааның хүлер медалын чаалап алган[12].
2024 чылдың июнь 18-те Казаньга БРИКС оюннарының үшкү чери дээш хүрешкеш, Белоруссиядан Владислав Козловту тиилээш, маргылдааның хүлер медалын чаалап алган[13].
2024 чылда BAIKAL OPEN маргылдаага чемпионнаан[14]
2025 чылда 23 хар чедир мөгелер аразынга хостуг хүрешке Европа чемпионадындан мөңгүн медальды Россияга чаалап эккелген[15]
Хууда амыдыралы
Самдан Бады-Маадыр Улуг-Хем кожуундан[16]. Кады төрээн акызы: Демир-Хая Самдан (2000) — сумо мөгези, Россияның спорт мастери[17].
Кол спортчу чедиишкиннери
• Тыва Республиканың начын мөгези (2022);
• Хостуг хүрешке Россия чемпионадының хүлер медалының эдилекчизи (2024);
• БРИКС спортчу оюннарының хостуг хүрешке хүлер медалының эдилекчизи (2024)[18].
• Тыва Республиканың «Спорттуң олимпийжи хевирлеринге тергиин спортчузу» (2024)[19]
Демдеглелдер
- ↑ Чемпионат России по спортивной борьбе (вольная борьба) среди мужчин и женщин 2024 года
- ↑ В Туве в детском турнире по борьбе хуреш установлен рекорд по количеству участников
- ↑ В хуреше отличились борцы из Улуг-Хемского района
- ↑ 18-летний Бады-Маадыр Самдан из Улуг-Хема победил в хуреше среди молодых борцов
- ↑ Айдын Монгуш стал чемпионом Наадыма-2022
- ↑ Результаты Чемпионата Республики Тыва по национальной борьбе хуреш среди сильнейших борцов, посвященного национальному празднику животноводов Наадым-2024
- ↑ Кайл Снайдер сметает всех на пути к третьей победе в Красноярске. Хынаан ай-хүнү: 15 августуң 2024. Архивтээн 1 августуң 2024 года.
- ↑ Сибиряки разыграли путевки на домашний чемпионат России. Хынаан ай-хүнү: 15 августуң 2024. Архивтээн 14 августуң 2024 года.
- ↑ Десять борцов сборной Дагестана – в финале Спартакиады. Хынаан ай-хүнү: 15 августуң 2024. Архивтээн 15 августуң 2024 года.
- ↑ В Улан-Удэ разыграли заключительные награды турнира «Байкал Опен». Хынаан ай-хүнү: 15 августуң 2024. Архивтээн 15 августуң 2024 года.
- ↑ Самдан Бады-маадыр (Тыва) — чемпион XXVI международных соревнований по вольной борьбе мужчин BAIKAL OPEN
- ↑ Нескучные финалы: много баллов, много бросков, неожиданные развязки. Хынаан ай-хүнү: 15 августуң 2024. Архивтээн 5 майның 2024 года.
- ↑ Игры БРИКС: так легко российские вольники еще не побеждали. Хынаан ай-хүнү: 15 августуң 2024. Архивтээн 15 августуң 2024 года.
- ↑ Самдан Бады-маадыр (Тыва) — чемпион XXVI международных соревнований по вольной борьбе мужчин BAIKAL OPEN
- ↑ Первенство Европы U-23: уже есть четыре «золота», и еще не вечер
- ↑ 18-летний Бады-Маадыр Самдан из Улуг-Хема победил в хуреше среди молодых борцов. Хынаан ай-хүнү: 15 августуң 2024. Архивтээн 15 августуң 2024 года.
- ↑ Приказ «О присвоении спортивного звания „Мастер спорта России“»
- ↑ Бады-Маадыр Самдан, занявший третье место на Международных играх БРИКС по вольной борьбе, вернулся домой
- ↑ В Туве объявили имена лучших спортсменов 2024 года