Терешкова, Валентина Владимировна

Рувики деп сайттан
Валентина Владимировна Терешкова
Valentina Tereshkova (2017-03-06).jpg
Төрүттүнгенде ады венг. Valentyina Vlagyimirovna Tyereskova
Төрүттүнген ай-хүнү 1937 марттың 6(1937-03-06)[1][2][…] (87 хар)
Төрүттүнген чери
Чурту
Ажыл-херээ космонавт, политик, военнослужащая, инженер, лётчица, преподавательница университета, депутат Государственной думы Российской Федерации
Супруг(а) Андриян Григорьевич Николаев[d] биле Юлий Георгиевич Шапошников[d]
Шаңналдары база премиялары
Хол үжүү Valentina Tereshkova Signature.svg
Логотип РУВИКИ.Медиа Валентина Владимировна Терешкова

Валентина Владимировна Терешкова (1937 чылдың март 6, Большое Масленниково, Тутаевск району, Ярослав облазы) — ССРЭ-ниң ужудукчу-космонавтызы, делегейде бир дугаар херээжен-космонавт (1963), Совет Эвилелиниң маадыры (1963), авияцияның генерал-майору (1995).

ССРЭ-ниң Дээди Чөвүлелиниң VII—XI чыыштарының депутады, ССРЭ-ниң Дээди Чөвүлелиниң Президиумунуң кежигүнү. Совет херээженнерниң комитединиң баштыңы.

Российжи политик, Россия Федерациязының Күрүне думазының депутады, «Чаңгыс аай Россия» намының Дээди Чөвүлелиниң кежигүнү.

Чаш болгаш элээди үези

Валентина Терешкова 1937 чылдың март 6-да Ярослав облазының Тутаевск районунуң Большое Масленниково деп суурга төрүттүнген. Ачазы — Терешков Владимир Аксёнович (1912—1940), тракторист. Авазы — Терешкова (Круглова) Елена Фёдоровна (1913—1987), пөс-таавы фабриказының ажылдакчызы. Өг-бүлезинге угбазы Людмила биле эр дуңмазы Владимир.

1945 чылда Ярославль хоорайның № 32 школазынче өөренип кирген (амгы үеде школа ооң адын эдилеп чоруур). 1953 чылда чеди класс дооскан.

Авазынга дузалажыр дээш (ачазы совет-фин дайынга 1939 чылда ис чок читкен), 1954 чылда Валентина Ярославльдың дугуй заводунга ажылдай берген. Ооң-биле чергелештир 8-9 класстарны ажылчын аныяктарның кежээки школазынга өөренип турган.

1955 чылдан 1960 чылга чедир Ярославльдың бот өөренир чиик үлетпүр техникумунга өөренип турган. 1957 чылда ВЛКСМ-че кирип алган.

1959 чылдан тура Ярославьдың аэроклувунга парашюттан шурап турган (90 катап шураан).

Космонавтылар аразында

1963 чылдың июнь 22-де Мавзолейниң трибуназында

Баштайгы совет космонавтыларның чедиишкинниг баштайгы ужудуушкуннарының соонда Сергей Королёв октаргайже баштайгы херээжен космонавтыны ужудар деп бодалдыг апарган. 1962 чылдың эгезинде кордакчыларны шилип эгелээн. Олар парашютист, 30 хар четпээн, 170 см-ден бедивес, 70 кил ашпас боор ужурлуг турган. 5 уругну шилээн. Оларның аразында Валентина.

Белеткели

Октаргайның берге байдалдарын шыдажып эртип шыдаар бе дээш дыка хөй шылгалдадарны эртип турганнар. +70 °C изиг, 30 % шык термокамерага турары, 10 хонук иштинде шуут дааш кирбес черге турары дээн чижектиг шылгалдаларны эрткен.

Шилиттиргени

Чеже-даа ниити белеткелдиң чамдыктарын өскелерден багай эрткен болза-даа, Терешкованың ажылчын өг-бүледен үнгени, хөй-ниитичи ажылда хаара туттунганы база хөй улус-чон аразынга сөс ап өскелерниң хей-аъдын өөскүдүп шыдаар болганы-биле кол кордакчы болган.

«Востоке-6» корабльга ужудуу

Форма кеткен Валентина Терешкова

Делегейниң бир дугаар херээжен космонавтызы Терешкова октаргайже баштайгы ужудуушкунун 1963 чылдың июнь 16-да «Востоке-6» деп корабльга кылган, ол ужудуушкун 3 хире хонук үргүлчүлээн. Байконурдан ужудуп үндүрген. Октаргайже ужар хүнүнде Терешкова бажыңында улузунга парашютистер маргылдаазы баарым ол-дур дээш чорупкан турган. Олар чүгле радио таварыштыр Валентина октаргайже ужуп үнген дугайында билип каан турган. Октаргайга үнүп келгеш, Валентина эвээш эвес бергедээшкиннерни эрткен. Черни дээскиндир 48 долганыпкаш, корабльдың дедир эглип кээр кезээ Алтай крайның Бай районунга хонупкан.

Баштайгы ужудуушкун соонда

Звёздный городок, отряд космонавтов, 1965 год

1969 чылдың апрель 30-ден 1997 чылдың апрель 28-ке чедир инструктор-космонавт кылдыр ажылдаан.

1997 чылдан тура — Космонавтылар белеткээр төптүң улуг эртем ажылдакчызы.

Октаргайже ужудуушкун соонда Терешкова Н. Е. Жуковский аттыг ВВА-же (Военно-воздушная академия) кирип алгаш, ону тергиин дооскан, ооң соонда техниктиг эртемнерниң кандидады, профессор апарган. 50 ажыг эртем ажылдарының автору. Терешкова Марсче чаңгыс талазынче ужуп чоруурунга белен турган.

Хөй-ниитичи, политиктиг ажыл-херээ

Валентина Терешкова 2002 чылда Финляндия чорааны.

1962 чылдан тура — СЭКП-тиң кежигүнү 1966—1989 чылдарда — ССРЭ-ниң Дээди Чөвүлелиниң VII—XI чыыштарының депутады. 1968—1987 чылдарда совет херээженнерниң комитединиң баштыңы.

1971—1990 чылдарда — СЭКП-тиң ТК-ниң кежигүнү. 1974—1989 чылдарда — ССРЭ-ниң Дээди Чөвүлелиниң Президиумунуң депутады болгаш кежигүнү.

1992 чылдан — Россияның өске чурттар-биле кады ажылдаашкын талазы-биле ажылдарга ажылдап чораан.

2003 чылдан депутат ажыл-хүлээлгезин аңгы-аңгы деңнелдерге күүседип чоруур.

2011 чылда Россияның Күрүне думазынче «Чаңгыс аай Россия» намның мурнундан депутат кылдыр кирген. Амгы үеде депутат кылдыр ажылдап чоруур.

Өг-бүлези

Валентина Терешкова биле Андриян Николаевтиң бадыланчып турганы. Москва, 1963 чылдың ноябрь 3.
  • Баштайгы өөнүң ээзи (1963—1982) — Андриян Григорьевич Николаев (1929—2004) — 3 дугаар совет космонавт. 1982 чылда уруу Елена 18 харлапканда чарлы бергеннер.
  • Ийи дугаар өөнүң ээзи — Юлий Георгиевич Шапошников (1931—1999) — Төп Травматология болгаш ортопедия институдунуң директору.

Шаңналдары, алдар-ады

  • ССРЭ-ниң парашют спордунда алдарлыг спорт мастери (1963).
  • Совет Эвилелиниң маадыры (1963)
  • «Ада-чуртунга киирген үлүг хуузу дээш» деп орденниң I-ги чадазы (2017)
  • «Ада-чуртунга киирген үлүг хуузу дээш» деп орденниң II-ги чадазы (2007)
  • «Ада-чуртунга киирген үлүг хуузу дээш» деп орденниң III-кү чадазы (1997)

Литература

  • Николаева-Терешкова В. В. Вселенная — открытый океан! — М.: Правда, 1964. — 200 с., 140 000 экз.
  • Герои звёздных трасс: Сборник / Составитель Д. Мамлеев.. — Изд. 2-е, доп. — М.: Известия, 1963. — (Библиотека «Известий». Специальный выпуск). — 300 000 экз.
  • И. А. Маринин, С. Х. Шамсутдинов, А. В. Глушко (составители). Советские и российские космонавты. 1960—2000 / Под редакцией Ю. М. Батурина. — М.: ООО Информационно-издательский дом «Новости космонавтики», 2001. — ISBN 5-93345-003-0.
  • Кто есть кто в мире / гл. ред. Г. П. Шалаева. — Филологическое общество «Слово», «Олма-Пресс». — М., 2003. — ISBN 5812300887.
  • Валентина Владимировна Терешкова: путь к звёздам. — РМП, 2012. — ISBN 9785915970297.
  • Осташев А. И. Испытание ракетно-космической техники — дело моей жизни. События и факты. — Королёв, 2001.
  • Осташев, А. И. Сергей Павлович Королёв — гений XX века: прижизненные личные воспоминания об академике С. П. Королёве. — Королёв: Изд-во Московского гос. ун-та леса, 2010. — ISBN 978-5-8135-0510-2.
  • С. П. Королёв. Энциклопедия жизни и творчества / под редакцией В. А. Лопота. — РКК «Энергия» им. С. П. Королёва, 2014. — ISBN 978-5-906674-04-3.

Шөлүглер

  1. Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #119207710 // Gemeinsame Normdatei (нем.) — 2012—2016.
  2. ↑ Терешкова Валентина Владимировна // Большая советская энциклопедия (рус.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  3. ↑ BBC Online (англ.) — 1997.
  4. ↑ BBC Online (англ.) — 1997.
Дөзү – «https://tyv.ruwiki.ru/w/index.php?title=Терешкова,_Валентина_Владимировна&oldid=51923»