Тываның В.М. Халилов аттыг күрүне филармониязы
| КААЧ «Тываның В.М. Халилов аттыг күрүне филармониязы» | |
|---|---|
 | |
| Ооң мурнунда аттары | Тываның күрүне филармониязы |
| Турар чери | 667000, Тыва Республика, Кызыл х., Щетинкин-Кравченко куд., б. 58 |
| Координаттары | 51°43′20″ с. ш. 94°26′03″ в. д.HGЯO |
| Тургустунган чылы | 1969 чылдың апрель 1 |
| Директору | Сарыглар Мариана Кожуун-ооловна (врио) |
| Уран чүүл удуртукчузу | Тюлюш Буян-Маадыр Ирбен-оолович |
| Сайтызы | tuvafil.ru |
 КААЧ «Тываның В.М. Халилов аттыг күрүне филармониязы» | |
Тываның В. М. Халилов аттыг күрүне филармониязы (хурааңгайлаан ады — Тываның филармониязы) Тыва Республиканың Кызыл хоорайда турар. Ону Россия Федерациязының улустуң артизи, Тыва Республиканың уран чүүлүнүң алдарлыг ажылдакчызы, генерал-лейтенант Валерий Михайлович Халиловтуң ады-биле адаан.
Тыва Филармония классиктиг хөгжүм, джаз, рок суртаалдап чоруур, оон аңгыда Сибирьде эң-не улуг дириг хөгжүм[1] фестивалы «Үстүү-Хүрээни» эрттирип турар[2], «Азий Диптиң Төвүнде Фанфарлар» фестивальдың болгаш Константин Тамдын аттыг чогаадыкчы лабораторияның организакчыларының болгаш киржикчилериниң бирээзи. Концерттер филармонияның бажыңынга база Кызыл хоорайның болгаш республиканың өске-даа шөлчүгештеринге болуп эрттип турар[3].
Төөгүзү
Тываның күрүне филармониязын 1969 чылдың март 17-де тыва концерт-эстрада бюрозун эде тургусканының түңнелинде тургускан[4]. Филармонияга бир дугаар дужаал 1969 чылдың апрель 1-де үнген[5], ол хүн филармонияның тургустунган хүнү кылдыр санаттынар[6]. Филармонияның баштайгы директорунга Р. О. Далай-оолду, а баштайгы уран чүүл удуртукчузунга ССРЭ-ниң улустуң артизи композитор А. Б. Чыргал-оолду томуйлаан.
2017 чылдың январьда филармонияга 2016 чылдың декабрь 25-те авиакатастрофага чок болган А. В. Александров аттыг Россия армиязының ыры болгаш сам академиктиг ансамблиниң уран чүүл удуртукчузу дирижёр В. М. Халиловтуң адын тывыскан[7][8].
Филармонияның оран-савазы
 | Объект культурного наследия России регионального значения рег. № 171610417750005 (ЕГРОКН) объект № 1700017000 (БД Викигида) |
Тыва филармонияның оран-савазын 1937 чылда туткан. Бажың Сталин аттыг ТАР-ның күрүне ажылдакчызы Шагдыр-Сүрүң аттыг клуб болгаш анаа-ла «Ак өг» деп адаттынып, совет хамаатыларның клуву турган. Тываның күрүне филармониязының бажыңында боттарының коллективтеринден аңгыда «Саяннар» национал ыры болгаш танцы ансамбли[9] база Тыва Республиканың Чазааның үрер хөгжүм оркестри турумчаан[10].
2011 чылдың декабрь 27-де Тывага болган чер шимчээшкининиң соонда филармонияның оран-савазын айыылдыг деп санаан. Ийи чыл ажыг катап тургузуушкун ажылдары чоруп келген. Аңаа чергелештир филармонияның чаа концерт залын тудар дугайында шиитпир база хүлээп алдынган. 2017—2018 чылдың кыжынга чедир филармонияның бодунуң күжү-биле филармонияның дээвиирин чылыглап каан.
Коллективтер
Тываның күрүнениң Виктор Тока аттыг симфониктиг оркестри
Тываның күрүнениң Виктор Тока аттыг симфониктиг оркестри 1966 чылда Тыва АССР-ниң Сайыттар Чөвүлелиниң радиодамчыдылга болгаш телевидение комитединиң чанынга тургустунган. Урал консерваториязының доозукчузу Леонид Иванович Карев баштайгы дирижёру болган. Новосибирск консерваториязының доозукчузу Виктор Салчакович Тока 1969 чылда келгеш, дирижёрлап эгелээн. 1998 чылдан эгелеп симфониктиг оркестр Тываның күрүне филармониязының составынче шилчээн. Симфониктиг оркестрниң 50 чыл дургузунда дирижёрлары: Карев Леонид Иванович, Тока Виктор Салчакович, Нухов Борис Нургалиевич, Ахметзянов Ришат, Ондар Валерий Дыртый-оолович, Шананин Владимир Александрович, Биче-оол Азиана Анатольевна, Дартан-оол Эрес Маскыр-оолович, Салчак Алексей Борисович[11].
Симфониктиг Виктор Токаның аттыг оркестрниң амгы дирижёру Салчак Саян Калбак-оолович ВСГАКИ-ниң доозукчузу[12].
Демдеглелдер
- ↑ Фестиваль «Устуу-Хурээ». Хынаан ай-хүнү: 8 декабрьның 2017. Архивтээн 8 декабрьның 2017 года.
- ↑ Сайт фестиваля «Устуу-Хурээ»: раздел «Участие в фестивале» Архивная копия от 23 январьның 2016 на Wayback Machine, раздел «Контакты» Архивная копия от 4 декабрьның 2017 на Wayback Machine
- ↑ В субботу, 11 октября, в зале Дома народного творчества Кызыла коллектив Тувинской государственной филармонии представил премьеру к юбилеям этого года. Хынаан ай-хүнү: 8 декабрьның 2017. Архивтээн 8 декабрьның 2017 года.
- ↑ Постановление Cовета министров Тувинской АССР от 17 марта 1969 года
- ↑ Сайт ГАУ «Тувинская государственная филармония им. В. М. Халилова», раздел «История». Хынаан ай-хүнү: 4 декабрьның 2017. Архивтээн 5 декабрьның 2017 года.
- ↑ Тувинская государственная филармония на сайте «Союза концертных организаций России». Хынаан ай-хүнү: 4 декабрьның 2017. Архивтээн 5 декабрьның 2017 года.
- ↑ Постановление Правительства Республики Тыва от 9 января 2017 г. № 1 «Об увековечивании памяти В. М. Халилова». Хынаан ай-хүнү: 4 декабрьның 2017. Архивтээн 4 декабрьның 2017 года.
- ↑ Постановление Правительства Республики Тыва от 13.01.2017 № 2 «О создании государственного автономного учреждения „Тувинская государственная филармония им. В. М. Халилова“ путем изменения типа существующего государственного бюджетного учреждения „Тувинская государственная филармония“»
- ↑ Сайт Тувинского национального ансамбля песни и танца «Саяны», раздел «Контакты»
- ↑ Сайт Духового оркестра Правительства Республики Тыва, раздел «Контакты». Хынаан ай-хүнү: 4 декабрьның 2017. Архивтээн 5 декабрьның 2017 года.
- ↑ Симфонический оркестр Республики Тыва. Хынаан ай-хүнү: 8 декабрьның 2017. Архивтээн 8 декабрьның 2017 года.
- ↑ Иногда «имя» дирижера имеет большее значение для публики, чем программа концерта. Часто оно является залогом аншлага спектакля или концерта. Только благодаря сгустку таланов: природному дарованию и высокой профессиональной культуре, искусности выразительного жеста, своей коммуникативной, организационно — менеджерским качествам дирижер может создать культурный консенсус между автором и аудиторией на концерте, объединяя сугубо личные, житейские эмоции и чувства слушателей с всеобщими, гуманистическими идеями и чувствами великих композиторов. Таким образом, харизма дирижера очень сильно определяет и формирует успех оркестра и театра, хора или музыкальной учебно-концертной организации. Хынаан ай-хүнү: 8 декабрьның 2017. Архивтээн 8 декабрьның 2017 года.