Углерод

6	Углерод
C 12,011
2s22p2

Алмаз (солагай талазында) биле графит (оң талазында)

Углерод (уъглероот, C, лат. carboneum, орус. уголь — хөмүр болгаш орус. рождать — төрүүр) — химиктиг элементилерниң периодтуг системазының 2-ги периодунуң 14-кү бөлүүнүң химиктиг элементизи. Атомнуг дугаары 6.

Бойдуска таваржыр изотоптары — ¹²C, ¹³C, ¹⁴C (радиоактивтиг).

Файл:Element 6.webm

Углерод атому

Максималдыг валентизи 4 — химиктиг харылзаалар тургузар 4 хостуг электроннуг. Углерод өске элементилерден тускайланып турар — ооң атомнары узун илчирбелер тургузуп шыдаар, углеродтуң шак ындыг илчирбелеринден тургустунган бүдүмелдерни органиктиг химия дээр эртем өөренип турар.

Төөгү

Металлдарны оларның бүдүмелдеринден үндүрер ыяш хөмүр кылдыр шаандан бээр ажыглаттынып келген. Алмаз болгаш хевирлери база билдингир турган.

1791 чылда англий химик Теннант хоорган чугайның кырындан фосфорнуң бузун эртиртип тургаш хостуг углеродту үндүрүп алган. Алмазты чаза изидиптерге артынчы чокка хып каар деп шагдан тура билдингир турган.

Бойдуста делгереңгейи

Хостуг углерод алмаз болгаш хевиринде турар. Углеродтуң хөй кезии карбонаттар (чугайлар, доломиттер), кывар казымал байлактар (антрацит, хөмүр-даш, нефть), бойдус хейи (хөй кезии метан), торф болгаш битумнар хевиринде турар. гидросферада углерод диоксид (углекислоталыг хей) хевиринде турар. Үнүштер болгаш дириг амытаннарның тургузуунче база кирип турар.

Физиктиг шыналар

Углерод янзы-бүрү аллотроптуг модификацияларында чоруур. Оларның шынарлары бот боттарындан аңгыланып турар. Эң билдингир модификациялары — алмаз биле графит.

Алмаз эң-не кадыг минерал болуп турар, ынчангаш үлетпүрде кезер, өрүмнээр, бизээр, чидидер херекселдер кылырда ажыглаттынып турар. Алмаз ховар болгаш, үнелиг даштарның санынче кирип турар, ювелирлиг кылыглар бүдүрерде ажыглаттынып турар.

карандаштарда ажыглаттынып турар. Электри тогун эки чорудар.