Яшен, Камиль

Камиль Яшен
Файл:Komil Yashin (1960-yillar).jpg
Долу ады	12 (25) декабрьның 1909
Төрүттүнген чери	Андижан[d], Андижанский уезд[d], Ферганская область[d], Россия империязы[d]
Мөчээн хүнү	1997 сентябрьның 25(1997-09-25) (87 хар)
Мөчээн чери	Ташкент, Узбекистан
Гражданство (подданство)	ССРЭ
Ажыл-херээ	чогаалчы, шүлүкчү, политик
Идепкейлиг чылдары	с 1930
Жанр	роман[d]
Язык произведений	узбек дыл[d]
Шаңналдары
Викишыгжамырда медиафайлдар

Камиль Яшен (шын фамилиязы — Нугманов; 1909—1997) – совет узбек прозачы, шүлүкчү, драматург, хөй ниити ажылының талалакчызы. УзССР-ниң улустуң чогаалчызы (1959). Социалистиг күш-ажылдың маадыры (1974). Сталин аттыг премияның үш дугаар чадазының лауреады. 1943 чылдан эгелеп Комунистиг партияның кежигүнү.

Допчу-намдары

Камиль Нугманов 1909 чылдың декабрь 12 (25) Андижанга (Узбекистанга) төрүттүнген. Ортумак школаны дооскаш Ленинград хоорайның арга-арыг институдунга өөренип турган. 3 чыл өөренген соонда кадыкшылының байдалы-биле Андижанче эглип келир ужурга таварышкан. Ынчан ол ортумак школага литература болгаш физика башкылап турган.

1920-1936 чылдарда Камиль Яшен Узбекистанның күрүнениң хөгжүм театрынга литературлуг килдистиң удуртукчузу бооп ажылдап чораан. Ол ажылдап турар үезинде «Товарищи» (1930), «Сожжём» (1931), «Честь и любовь» (1935) болгаш М. Мухамедов-биле «Гульсара» (1935) деп шиилерни бижээн.

Дайын болурунуң мурнунда чылдарда Камиль Яшен бир дугаар узбек национал "Буран" болгаш "Великий канал" деп операларга либреттону бижээн, А.Умар-биле "Хамза" деп шиини бижээннер, оон удаа-дараа "Нурхон" деп драманы база "Асаль" деп кинонуң сценарийин бижээн. Ийи дугаар делегей чергелиг дайын үезинде «Смерть оккупантам», «Генерал Рахимов» болгаш «Офтобхон» деп шиилерни бижээн. Яшенниң бижээн шиилерин («Тайны паранджи», «Бай и батрак», «Фархад и Ширин») театрларының сценаларында чедиишкинниг салып турар.

"Хамза" болгаш "Генерал Рахимов" деп шиилерни Камиль Яшенниң эң шылгараңгай ажылдары кылдыр санап турар.

Камиль Яшен 1958 чылдан -1980 чылга дээр Узбекистанның Чогаалчылар эвилелиниң удуртукчузу чораан. 1969 чылдан 1980 чылга дээр «Ўзбек тили ва адабиёти» («Узбекский язык и литература» деп сеткүүлдүң кол редактору болуп ажылдаан.

Академик АН УзССР (1969). Депутат ВС СССР 7—10 дугаар чыылдаларның (1966—1984). Секретарь СП СССР (1959).

Шаңналдары болгаш алган премиялары

• Социалистиг күш-ажылдың маадыры (27.09.1974)
• Ленин ордениниң 3 дакпыр эдилекчизи (18.03.1959; 16.01.1970; 27.09.1974)
• Октябрь Революциязының ордени (29.12.1979)
• Күш-ажылдың Кызыл Тук ордениниң 3 дакпыр эдилекчизи (16.01.1950; 6.12.1951; 1.03.1965)
• Чоннуң найыралы ордени (16.11.1984)
• «Знак Почёта» ордениниң 3 дакпыр эдилекчизи (31.05.1937; 24.03.1945; 11.01.1957)
• медальдар
• Узбек ССР-ниң улустуң чогаалчызы (1969)
• Узбек ССР-ниң культура талазы-биле алдардыг ажылдакчызы (1939)
• 1951 чылда «Гульсара» деп шиизи дээш Сталин аттыг премиянын 3-кү чадазынга төлептиг болган
• «Путеводная звезда» деп шиизи дээш Узбек ССР имени Хамзы аттыг премиязын алган (1958).

Чогаадыкчы ажыл-чорудулгазы

Эң билдингир чогаалдары: драма «Гульсара» (М. Мухаммедов-биле бижээн, 1934), драма «Генерал Рахимов» (1949), драма «Путеводная звезда» (1958), драма «Заря революции» (1972), роман «Хамза» (кн. 1—2, 1979-80).

«Асаль», «Хамза», «Генерал Рахимов», «Без страха», «Салом, Бахор» деп кино-чуруктарның сценаризи.

Хөй шүлүктерниң автору.

Литература

• Яше́н, Камиль // Элоквенция — Яя. — М. : Советская энциклопедия, 1957. — С. 674. — (Большая советская энциклопедия : [в 51 т.] / гл. ред. Б. А. Введенский ; 1949—1958, т. 49).
• Яркий талант // Советская Культура. — 1970. — 20 января. — С. 1.

Капсырылга

1. ↑ Указ Президиума Верховного Совета СССР от 29 декабря 1979 года № 1321—Х «О награждении писателя Камиля Яшена (Нугманова К. Н.) орденом Октябрьской Революции» // «Ведомости Верховного Совета Союза Советских Социалистических Республик». — № 1 (2023) от 2 января 1980 года.