Бакейкин Сергей Дмитриевич
| Сергей Дмитриевич Бакейкин | |
|---|---|
 | |
| Төрүттүнген хүнү | 1966 августуң 5 |
| Төрүттүнген чери | |
| Мөчээн хүнү | 2025 июньнуң 29 (58 лет) |
| Мөчээн чери | |
| Чурту | |
| Дооскан чери | |
| Эртем чадазы | педагогика эртемнериниң кандидады[d] |
| Шаңналдары | |
Сергей Дмитриевич Бакейкин (1966 августуң 5, Ульянов облазы[d] — 2025 июньнуң 29, Москва) — Россияның күрүне болгаш хөй-ниити ажылдакчызы, педагогика эртемнериниң кандидады, «Регионнар аразының библиотека кады ажылдажылгазының төвү» деп регионнар аразының хөй-ниити организациязының чиңгине директору, ЮНЕСКО-нуң «Шупту улуска медээ» деп программазының российжи комитединиң даргазы, РФ-тиң ЮНЕСКО херектериниң талазы-биле комиссияның кежигүнү, 2022—2032 чылдарда Россия Федерациязынга үндезин чоннарның дылдарының делегей чергелиг он чылын белеткээр болгаш эрттирер талазы-биле национал организастыг комитеттиң кежигүнү.
Допчу намдары
1966 чылдың август 5-те Ульяновск облазынга төрүттүнген.
1985—1987 чч. — Кремль полугунга шериг албан-хүлээлгезин эрттирген.
1987—1993 чч. шериг албанынга турган.
1993—2003 чч. — «Либерея» ном үндүрер черниң чиңгине директорунуң оралакчызы, «Либерея-Бибинформ» («Библиотека» сеткүүл) ном үндүрер черниң директору.
1997—2001 чылдарда Москваның күрүнениң культура университединге өөренип, дээди өөредилге черин тергиин демдектерлиг дооскан.
2001—2005 чч. — Москваның күрүнениң культура университединиң аспирантуразынга өөренип, педагогика эртемнериниң кандидады эртем чадазын чедип алган[1].
2003 чылдан 2025 чылдың июнь 29-ка чедир — «Регионнар аразының библиотека кады ажылдажылгазының төвү» деп регионнар аразының хөй-ниити организациязының чиңгине директору.
2021 чылдан 2025 чылдың июнь 29-ка чедир — ЮНЕСКО-нуң «Информациязы для всех» деп программазының российжи комитединиң даргазы, РФ-тиң ЮНЕСКО херектериниң талазы-биле комиссиязының кежигүнү, 2022—2032 чылдарда Россия Федерациязынга үндезин чоннарның дылдарының делегей чергелиг он чылын белеткээр болгаш эрттирер национал организастыг комитеттиң кежигүнү[2][3].
Ооң мурнунда чылдарда библиотекаларның, ном үндүрер черлерниң, номнар садыглажыышкынының, бүдүрүлгелериниң, МИЧ-терниң номчулганы деткип сайзырадырының, информастыг ниитилелди хөгжүдериниң, медиа-информастыг билиг-мергежилди бурунгаарладырының, электроннуг информацияны кадагалаарының, библиотека фондуларын четчелээриниң болгаш кадагалаарының айтырыгларынга хамаарышкан 100 ажыг делегей чергелиг, бүгү-российжи регионнар болгаш регионнар аразының конференцияларны, семинарларны, төгерик столдарны, билиг бедидериниң курстарын база тренингилерни организастап эрттиреринге идепкейлиг киришкен. Дыл болгаш культураны кадагалаарынга болгаш ону кибер делгемге киирериниң, орус дылды ХКД чурттарынга болгаш даштыкы чурттарга бурунгаарладырының айтырыгларынга хамаарышкан хемчеглерни эрттирип турган.
Чоруттунган бүгү хемчеглер РФ-тиң культура яамызының, РФ-тиң даштыкы херектер яамызының, Парлалга болгаш массалыг коммуникациялар талазы-биле федералдыг агентилелдиң, РФ-тиң элээн каш субъектилериниң, ЮНЕСКО-нуң удуртулгазындан, Казахстанның база Азербайджанның культура сайыттарындан бедик үнелелдерни алган.
Сергей Бакейкин оон аңгыда ЮНЕСКО-нуң «Бүгү улуска медээ» деп чазактар аразының программазының, Библиотека фондуларын кадагалаарының национал программазының, Номчулганы деткиириниң болгаш хөгжүдериниң национал программазының, Уруглар болгаш элээдилер номчулгазын деткиириниң күрүне программазының, «Күрүнениң национал политиказын боттандырары» деп программазының, «Мээң төрээн дылым» деп программазының күүселдези-биле хемчеглерниң организакчызы. Россияның чоннарының дылдарын камгалап арттырарының болгаш сайзырадырының айтырыын шиитпирлээрин Сергей Дмитриевич бодунуң амыдырал-чуртталгазының херээ деп санап, ол мынчаар чугаалап чораан:
Ылаңгыя амгы үениң технологияларын ажыглаары чугула: ол чокта ам болдунмас. Бир эвес дыл гаджеттерде, капсырылгаларда, дилекчилерде бар болза – ол дириг. Бир эвес чок болза ооң дугайында он-он эртем чүүлдерин бижиир-даа болза чиде берип болурунуң айыылы бар[4].
Үстүнде айыттынган чидиг айтырыгларга хамаарыштыр орус болгаш англи дылдарга 60 ажыг ном болгаш брошюраларны белеткээринге болгаш чырыкче үндүреринге киришкен.
2016 чылдан 2019 чылга чедир «Россияның библиотека ассоциациязының» вице-президентизи турган.
2010 чылда культураның сайзыралынга киирген улуг үлүг-хуузу дээш Россия Федерациязының Культура яамызының хүндүлел бижии-биле шаңнаткан.
2016 чылда Харылзаа болгаш массалыг коммуникация яамызының хүндүлел бижии-биле шаңнаткан.
2021 чылда «Кыргыз Республиканың культуразының алдарлыг ажылдакчызы» деп атты тывыскан.
РФ-тиң Культура яамызының, Парлалга болгаш массалыг коммуникация талазы-биле федералдыг агентилелдиң удуртукчуларының, РФ-тиң субъектилериниң удуртукчуларының өөрүп четтириишкиннерин ап турган.
2025 чылдың июнь 29-та хенертен мөчээн[5].
Өг-бүлези
- Өг-бүлелиг, оолдуг, кыстыг.
Демдеглелдер
- ↑ Научная электронная библиотека диссертаций и авторефератов
- ↑ ЮНЕСКО
- ↑ Национальная библиотека Республики Ингушетия
- ↑ Нельзя спасти без его носителей. Сергей Бакейкин о цифровизации малых языков (рус.). perm.aif.ru (8 июньнуң 2025). Хынаан ай-хүнү: 2 октябрьның 2025.
- ↑ 29 июня 2025 года ушёл из жизни Сергей Дмитриевич Бакейкин. Российский книжный союз выражает искренние соболезнования (рус.) (30 июньнуң 2025). Хынаан ай-хүнү: 2 октябрьның 2025.
Шөлүлгелер
- Российский комитет Программы «Информация для всех»
- Сергей БАКЕЙКИН: «Языковое и культурное разнообразие является чрезвычайно значимым активом»
- Российский комитет Программы ЮНЕСКО «Информация для всех»
- Правление РБА
- VI Международный муниципальный форум стран БРИКС
Бо чүүлче РУВИКИ-ниң өске чүүлдеринден шөлүлгелер чок. |
.svg){kind=link}