Бернерс-Ли, Тим

Рувики деп сайттан
Тим Бернерс-Ли
англ. Timothy John «Tim» Berners-Lee
Sir Tim Berners-Lee (cropped).jpg
Төрүттүнгенде ады англ. Timothy John Berners-Lee
Төрүттүнген хүнү 1955 июньнуң 8(1955-06-08)[1][2][…] (71 год)
Төрүттүнген чери Лондон, Англия
Чурту
Эртем сферазы информаастыг технологиялар
Ажылдап турар чери Делегей четкизиниң каттыжылгазы
Дооскан чери
Эртем чадазы бакалавр искусств[d]
Билдингир ады Делегей четкизиниң чогаадыкчызы
Шаңналдары Рыцарь-командор ордена Британской империи UK Order of Merit ribbon.svg
Сайтызы Tim Berners-Lee
Логотип РУВИКИ.Медиа Тим Бернерс-Ли

Сэр Тимоти Джон Бернерс-Ли (англ. Sir Timothy John «Tim» Berners-Lee; төр. 1955 июньнуң 8[1][2][…], Лондон[d][3]) — британ эртемден, URI, URL, HTTP, HTML база Делегей четкизи (Роберт Кайо-биле кады) деп чүүлдерниң чогаадыкчызы, Делегей четкизиниң Консорциумнуң амгы баштыңы. Семантиктиг четки концепциязының автору. Оон өске янзы-бүрү медээлел технологияларның чогаадылгаларның автору.

Намдары

Ада-иези — Конуэй Бернерс-Ли  (англ.) (тыв. биле Мэри Ли Вудс  (англ.) (тыв. — математиктер, «Марк I» деп бир дугаар компьютерлерниң бирээзин чогаадып турганнар.

Уондсуэртке Эмануэль школазынга өөренип эгелээш, оксфордтуң Хаан колледжинче уламчылаан. Ынчан ол бодунуң бир дугаар компьютерин M6800 процессорга даянып, монитор орнунга телевизор кожуп чыгган. Бир катап Тип бир эжи-биле хакерлеп турда туттурганнар, ол дээш университеттиң компьютерлерин ажыглаар эргезин казыттырганнар.

1976 чылда Оксфорд университедин физиканың бакалавр деңнелин дээди демдекке Бернерс-Ли дооскаш, Дорсет графствозунда «Plessey Telecommunications Ltd» компанияже ажылдап кирген, аңаа 2 чыл ишти хувааттырган транзакциялар системалар-биле колдууна ажылдаан.

1978 чылда Бернерс-Ли «D.G Nash Ltd» компанияже шилчээш, принтерлерге программалар-биле ажылдап, хөй сорулгалыг операциялар системазын чогааткан.

Дараазында ЦЕРН деп ядрону шинчилээр Европаның лабораториязынга (Женева, Швейцария) программа-биле хандырар консультант кылдыр бир чыл чартык ажылдаан. Ынчан ол бодунуң херээнге ажыглаар дээш Enquire деп магаттыг ассоциациялар ажыглаар программаны бижээн, ынчалдыр Бүгү делегей четкизиниң концептуал өзээн тургускан.

1981—1984 чылдарда Тим Бернерс-Ли «Image Computer Systems Ltd» компанияга система архитектору кылдыр ажылдап турган.

1984 чылда CERN деп черге стипендия алгаш, эртем билиглери чыыры-биле хувааттырган системалар шинчилеп эгелээн. Ынчан «FASTBUS» системазы-биле ажылдап тургаш, бодунуң Remote Procedure Call деп системазын ажыдып тургускан.

1989 чылда, CERN иштинге документилер-биле үлежир Enquire деп иштики система-биле ажылдап тургаш, Бернерс-Ли глобалдыг гиперсөзүглелдиг төлевилел саналдаан, ам ону Делегей четкизи деп делгерээн. Төлевилелди ажылынга бадыткаан, оон күүсеткен.

1991—1993 чылдарда Тим Бернерс-Ли Делегей четкизи-биле ажылдаан хевээр. Ажыглакчыларның саналдарын чыып, Четкиниң ажылын удуртуп турган. Ынчан ол бир дугаар шупту ажыглакчылар-биле баштайгы URI, HTTP база HTML деп спецификацияларны сайгарып эгелээн.

1994 чылда Бернерс-Ли МIT-тиң Информатика лабораториязында 3Com-нуң Тургузукчуларының кафедразының Баштыңы апарган. Ам болза кафедраның мурнакчы шинчилекчизи бооп турар. MIT-тиң Информатика лаботаториязы биле Кылымал угаан лабораториязы каттышканында Информатика болгаш кылымал угаан лабораториязы тургустунган.

1994 чылда MIT-тиң Информатика лабораториязынга (англ. Laboratory for Computer Science, LCS) Делегей четкизиниң Консорциумун тургускан. Ол хевээр Тим Бернерс-Ли консорциумну баштаан хевээр. Консорциум Интернеттиң стандарттарын чогаадып, ажыглалче киирип турар. Консорциум бодунуң сорулгазы кылдыр Делегей четкизиниң потенциал күжүн ажытпышаан, стандарттарының туруштуун дүрген сайзыралы-биле таарыштырарын салып алган.

2004 чылдың декабрьда Тим Бернерс-Ли Саутгемптон университединиң профессору апарган. Университеттиң шыңгыы деткимчези-биле семантиктиг четкиниң төлевилелин болбаазырадыр деп идегеп турар.

2005 чылда, MIT болгаш Саутгемптон университединге ажылын уламчылап, Бернерс-Ли семантиктиг четкиниң концепциязын идепкейлиг бурунгаарладып, ылаңгыя «Семантиктиг четкини ээрип» деп номче киирилдени бижип турган[4]. 2006 чылда MIT болгаш Саутгемптон университеди-биле ол Web Science Research Initiative (WSRI) деп эртемнер аразының шинчилел инициативазын Делегей четкизин бот-тускайлаң объект кылдыр шинчилээри-биле эгелээн[5].

2007 чылдың июнь 13-те Елизавета II кадын ону Ачы-хавыяа ордени-биле шаңнаан[5]. 2008 чылда Бернерс-Ли World Wide Web Foundation деп фондуну үндезилеп тургускаш, кижи төрелгетенниң чаагай чоруу дээш четкини улам сайзырадыр талазы-биле күжениишкиннерни акшаландырар болгаш дүүштүрер сорулгалыг[5][6]. 2009 чылдың июньда Великобританияның премьер-министри Гордон Браун ону чазактың ажык медээлерин тарадыр айтырыгларга ажылдаар чөвүлекчи кылдыр томуйлаан. Ол чылда АКШ-тың национал эртемнер академиязының даштыкы кежигүнү кылдыр соңгуткан.

Ооң британ чазак-биле ажылы 2010 чылда data.gov.uk деп ажык медээлер порталын ажылдадып эгелээн. 2011 чылда ол Фордтуң Фондузунуң директорлар чөвүлелиниң кежигүнүнге томуйлаткаш, ieee-тиң кылымал интеллектиниң алдар Залынче киирген. 2012 чылда сэр Найджел Шэдболт-биле кады Лондонга ажык медээлер Институдун (Open Data Institute, ODI) үндезилеп тургускаш, президент албан-дужаалды ээлээн.[7][8].Ол-ла чылын Бернерс-Ли Лондонга чайгы Олимпия оюннарының ажыдыышкын ёзулалынга көстүп кээр алдар-атка төлептиг болган[9].

2013 чылда ол бир дугаар лауреаттарның бирээзи апарган инженер херээниң талазы-Биле королева Елизаветаның Шаңналы база «альянс for Affordable Internet» (Alliance for Affordable Internet, A4AI) деп эгелээшкинни удуртуп эгелээн, хөгжүлделиг чурттарда четкиже кирериниң өртээн чиигедиринче угланган.[10].

2014 чылдың мартта бүгү делегей четкизиниң 25 чылынга уткуштур, Бернерс-Ли Интернеттиң ажык болгаш нейтралдыг чоруун камгалаары-биле, «Хостуг чоруктарның улуг хартиязын» тургузарынче кыйгырган[11][12].

2016 чылда Бернерс-Ли «Делегей четкизин, бирги веб-браузерни, ол ышкаш четкини улгаттырарын хандырган фундаменталдыг протоколдарны болгаш алгоритмнерни чогаатканы дээш» Тьюринг шаңналынга төлептиг болган[13]. Ол-ла чылын Оксфорд университединиң компьютер эртемнериниң факультединге шинчилекчи профессор кылдыр каттышкан[14]. Интернеттиң өзүп-сайзырап турарын база улуг корпорацияларның медээлер чыылдазын дүвүреп, төпчүткен эвес социал капсырылгалар тургузар Solid — протокол төлевилел-биле ажылдап эгелээн[15]. Ол технологияны коммерцияжыдары-биле 2018 чылда ол «Inrupt» стартапты үндезилеп тургускан, аңаа техниктиг директорнуң албан-дужаалын ээлээн[16].

Inrupt-ниң сайзыралынче кичээнгей салып, Бернерс-Ли W3C биле MIT ажыл-херектеринге хүн бүрүде киржиринден чоорту ырап, хүндүлүг директор кылдыр арткан[17][18].

2019 чылдың ноябрьда ооң World Wide Web Foundation фондузу «Четкиге керээ» (англ. Contract for the Web), Интернетти шын эвес чоруктардан болгаш политиктиг манипуляциялардан камгалаарынче угланган[19].

2021 чылда ол Proton компанияның консультативтиг чөвүлелинге каттышкан[20].

2022 чылда Бердингеннерниң бот-догуннаашкыны дээш эгелекчи саналы дээш Сеулдуң тайбың шаңналынга төлептиг болган.

2023 чылдың январьда W3C коммерцияга хамаарышпас организация кылдыр катап ажылдай берген, аңаа Бернерс-Ли директорлар чөвүлелинге доктаамал олудун хевээр арттырган[21]. 2024 чылдың март айда, Делегей четкизиниң 35 чылынга уткуштур, ол ажык чагааны парлап, интернетте эрге-чагырганы төпчүдери өзүп турарынга дүвүрелин илереткен[22].

Чогаадыышкыннары

Тим Бернерс-Ли 1989ч 03а 13х бир дугаар бодунуң босзунга Майк Сендаллуга медээлелдер удуртур система чогаадырын саналдаан. Сендаллдың чөпшээрели — «Бүлүртүң-даа бол солун-дур». Саналдың долу сөзүглели — http://www.w3.org/History/1989/proposal.html

1989 чылда CERN-ге ажылдап тургаш, Бернерс-Ли Делегей четкизи (англ. World Wide Web) деп адаттынар төлевилелди саналдаан. Төлевилелдиң аайы-биле гипершөлүглдер-биле холбаалыг гиперсөзүглелдиг документилерни үндүрүп чарлаар, ынчалдыр оларның дилээри болгаш чыыры белен болган. Четки төлевилели CERN эртемденнеринге херек болгаш CERN-ниң иштики четкизинге ажыглаттынып турган. Төлевилелди күүседир дээш Тим Бернерс-Ли (дузалакчылары-биле кады) URI идентификаторларны (ооң бир хевири — URL), протокол HTTP база HTML дылды чогааткан. Ук технологиялар Делегей четкизиниң өзээнче кирген. 1991—1993 чылдарда Бернерс-Ли стандарттарның техниктиг тускайларын экижиткеш, оларны чарлап үндүрген.

Бернерс-Ли төлевилелдиң аайы-биле NeXT компьютерге тааржыр «httpd» четки-сервери биле делегейде бирги гиперсөзүглелдиг четки-браузерни бижээн — ооң адын баштай «WorldWideWeb» диген (технологияның ады-биле («Делегей четкизи») браузерниң ады будалбазын дээш «Nexus» деп браузерни адаан). Ук браузер хары үгде WYSIWYG-эдикчи бооп турган (англ. WYSIWYG от What You See Is What You Get, «что видишь, то и получишь»), ооң чогаадылгазы 1990 чылдың октябрьдан декабрьга чедир болган. «NeXTStep» деп средага программа ажылдап турган, а оон 1991 чылдың чайдан эгелеп ол Интернетке тарап эгелээн года.

Бернерс-Ли делегейде бирги четки-сайтыны http://info.cern.ch (ам болза архивте чыдар) деп адреске чогааткан. Ук сайт Интернет четкизинге 1991ч 08а 6х тывылган. Ук сайтыга Делегей четкизиниң тодарадылгазын, четки-серверни тургузарын, браузерни кайыын алырын дээш о.д.ө. бижип кааш турган. Ол сайт делегейниң бирги интернет-каталог болуп турган, чүге дизе Тим Бернерс-Ли аңаа өске сайтыларже шөлүглер даңзызын чыып аап, немеп турган.

Бернерс-Линиң кол чогаалы — «Четкини дузактап: Делегей четкизиниң эгези болгаш келир үези» (англ. «Weaving the Web: Origins and Future of the World Wide Web», Texere Publishing, 1999, ISBN 0-7528-2090-7). Ол номда Четкиниң чогаатканын, концепциязын болгаш бодунуң Интернеттиң сайзыралынче көрүжүн тайылбырлаан. Ооң ол ажылында автор кезек кол принциптерин тайылбырлаан:

  1. Четкиниң медээлелин эдер аргазы ону чүгле ажыдып көөрү дег кол. Бернерс-Ли WYSIWYG концепциязынга идегеп турар, а Wiki — база шак ындыг базымнар-дыр.
  2. Компьютерлер кижилерге кады ажылдаарынга дузалажыр «артыкы процесстерге» ажыглаттынып болур.
  3. Интернеттиң аспекти бүрүзү четки кылдыр ажылдаар, иерархия кылдыр эвес. Маңаа ICANN организацияның удуртуп турар доменнер аттарының системазы (англ. Domain Name System, DNS) арай таарышпас бооп турар.
  4. Эртемден-компьютержилер чүгле техниктиг харыысалгадан аңгыда, мөзү-шынар харыысалгалыг.

Бернерс-Ли «Семантиктиг четкини өрүүвүшаан: Делегей четкизиниң долу күжүн ажыдары» (англ. «Spinning the Semantic Web: Bringing the World Wide Web to Its Full Potential», The MIT Press, 2005, ISBN 0-262-56212-X) деп номунуң эгезинде Интернеттиң келир үези болур семантиктиг четкиниң концпециязын ажытпышаан киирилдени бижээн.

Семантиктиг четки — Делегей четкизиниң кырында немелде чүүл-дүр, ооң сорулгазы болза четкиде медээлелди компьютерлерге оон-даа билдингир кылыры. Ынчалдыр кижиниң дылынга бижээн курлавыры компьютерге тодаргай тайылбырлыг болур. Семантиктиг четки платформалар азы программа дылдары хамаанчок кылган капсырылгаларга тааржыр ыяк тода тургускан медээлелге чедимни ажыдар. Программалар херек курлавырларны боттары тып, бердингеннерни класстап, логиктиг харылзаазын тодарадып, түңнел үндүрүп база түңнелдерге даянып шиитпир кылып болур. Калбаа-биле ону ажыглап, таптыг киирзе семантиктиг четки Интернетке хувискаады үнүдрүп болур.

Демдеглээн аттары

  • 1994 чылда Бернерс-Ли Делегей четкизиниң[23] Алдар залынче киирген алды кижиниң бирээзи апарган.
  • 1997 чылда Британ империяның ордениниң (OBE) офицери кылдыр «глобалдыг компьютер четкизи-биле харылзаа сайзырадып албан ажылы» дээш чарлаттырган[24].
  • 1999 чылда «Time magazine» журналдың «чүс чылдың 100 эң улуг угаанныглары» деп даңзызынче кирген[25].
  • BBC-ниң көрүжү-биле 2001 чылда 100 тергиин британнар чизезинче кирген, ону бүгү нацияның соңгулдазы-биле шилээн[26].
  • 2004 чылдың июль 16-да за «Интернетти глобалдыг сайзыралып ажылдааны дээш» Великобританияның Кадыны Елизавета II Тим Бернерс-Лини Рыцарь-Командор кылдыр көдүрген (KBE, FRS, FRAEng.)[27][28].
  • 2005 чылда 2004 чылдың кайгамчык улуг британ деп атка бодунуң чедиишкиннери-биле база «биртаннарның кол онза аажы-чаңын көргүскени» дээш төлептиг болган[29].
  • 2007 чылда Альберт Хофман-биле кады Daily Telegraph-тың санааны-биле амгы үеде дириг кайгамчык улуг генийлерниң чизезин баштаан[30].
  • 2011 чылда «кылымал интеллект болгаш интеллектиг системалар делгеминче чугула үүлени кииргени дээш» IEEEE деп кылымал интеллекттиң Алдар залынче ону киирген[31].
  • Ону 2012 чылда Интернеттиң Алдар залынче Интернет Ниитилели киирген[32].

Сэр Тимоти Джон Бернерс-Ли дараазында университеттерниң хүндүлүг профессору бооп турар:

Тим Бернерс-Ли Британияның компьютер ниитилелиниң Шылгараңгай кежигүнү, Электроинженерлер институдунуң Хүндүлүг кежигүнү, Техниктиг харылзаалар ниитилелиниң Хүндүлүг кежигүнү, Гильермо Маркониниң Фондузунуң кежигүнү, Американың уран чүүл болгаш эртемнер академиязының кежигүнү[44], Хаан ниитилелиниң (2001) база Хаанның инженерлер академиязының кежигүнү, Американың философтуг ниитилели кежигүнү, АКШтың национал эртемнер академии (2009) кежигүнү бооп турар.

Шаңналдары

Тим Бернерс-Ли көвей янзы-бүрү шаңналдарга төлептиг болган, ооң аразында делегей чергелиг-даа бар. Адаанда чамдык кезиин көргүскен.

  • Премия Фонда Килби «Молодой инноватор года»  (англ.) (тыв. (1995)[45]
  • Премия организации Ars Electronica  (англ.) (тыв. (1995)
  • Премия программных систем  (англ.) (тыв. Ассоциации вычислительной техники (АСМ) (1995)[46]
  • C&C Prize (1996)
  • Медаль Маунтбеттена  (англ.) (тыв. (1996)
  • IEEE-ден Уоллес Макдауэллдиң шаңналы (1996)
  • Физика институдундан Дадделлдиң медалы болгаш шаңналы (1997)
  • Эдуард Рейниң шаңналы (1998)
  • Мак-Артурнуң стипендиязы (1998)
  • Ханның медалы (2000)
  • Маркониниң шаңналы (2002)
  • Альберттиң медалы (Хаанның уран чүүл ниитилели) (2002)
  • Японияның эртем болгаш технология Фондузундан Японияның шаңналы (2002)
  • Медаль прогресса и почетное членство от Королевского фотографического общества  (англ.) (тыв. в знак признания изобретения, исследования, публикации или другой формы вклада в науку, результатом которой стал существенный прогресс в научном или техническом развитии фотографии или средств представления изображений в широком смысле слова (2003)[47]
  • Компьютер төөгүзүнүң музейиниң шаңналын Делегей четкизин сайзыраткан дээш алган (2003)[48]
  • «Муң-чылдың технологиязы» деп шаңналдың" бирги эдилекчизи (түңү 1 000 000 евро), ону Финляндияның президентизи Тарья Халонен тудускан (2004)[49]
  • Британияның Дем каттыжылгазының шаңналын хөй-ниити харылзаазынче шылгараңгай үүлезин киирген дээш алган (2005)
  • «Квадриганың» шаңналын «Билиглер четкизи» дээш алган (2005)[50]
  • Физика институдунуң президентизиниң медалы[51]
  • Лавлейстиң медалын Британияның компьютер ниитилелинден алган (2007)
  • Американың Чедиишкиннер академиязының шаңналы (2007)
  • Чарльз Старк Дрейперниң шаңналы (2007)
  • Ачы-хавыяалар ордени (2007)[52]
  • Делегей четкизин сайзыратканы дээш Максвеллдиң шаңналы (2008)[53]
  • Webby шаңналын «Бүгү чуртталгазының чедиишкини» дээш (2009)[54]
  • «Перестройка» — «Человек, изменивший мир» деп номинацияга цивилизация сайзыралы дээш М. С. Горбачёвтуң шаңналы (2011)[55]
  • Оманның культура, эртем болгаш уран чүүл Ордени (2012)[56][57]
  • IEEE организациядан Кодзи Кобаясиниң адынга тураскааткан компьютерлер болгаш харылзаа аразынга шаңналы
  • «Көвей чылдар ишти техниктиг тергиидээшкинче үүлези дээш» «PC Magazine» сеткүүллден шаңнал
  • Электронуг кызыгаарлар фондузундан бирги эртикчиге шаңнал
  • Эртем болгаш техниктиг шинчилелдер дээш Астурий тажының шаңналы (ооң-биле кады Ларри Робертс, Роб Кан база Винт Серф)
  • Американың медээлелдиг эртем болгаш технологиялар ниитилелинден тускай шаңнал
  • ЮНЕСКО-дан Нильс Борнуң медалы (2010)
  • Инженер херек аразынга Елизавета II Кадынның шаңналы (2013)[58]
  • Депшилге медалы (Американың фотографтыг ниитилели) (2014)
  • Билиглер шаңналы (2014)
  • 1-ги класстың Мария черниң Дөрт-Адырының ордени (2015, Эстония)[59]
  • Тьюрингтиң шаңналы (2016)

Демдеглелдер

  1. ↑ 1 2 http://www.w3.org/People/Berners-Lee/Longer.html
  2. ↑ 1 2 Internet Movie Database (англ.) — 1990.
  3. ↑ Timothy Berners-Lee // Brockhaus Enzyklopädie (нем.) / Hrsg.: Bibliographisches Institut & F. A. Brockhaus, Wissen Media Verlag
  4. ↑ Биография Тима Бернерса-Ли. Habr (12 августуң 2016). Хынаан ай-хүнү: 17 сентябрьның 2024.
  5. ↑ 1 2 3 Бернерс-Ли Тимоти Джон. TAdviser.ru. Хынаан ай-хүнү: 17 сентябрьның 2024.
  6. ↑ Tim Berners-Lee Announces Creation of New Foundation to Bring the Web to All People. W3C (14 сентябрьның 2008). Хынаан ай-хүнү: 17 сентябрьның 2024.
  7. ↑ «Это для всех». Как Тим Бернерс-Ли создал интернет и почему теперь хочет его изменить. Habr (8 июньнуң 2024). Хынаан ай-хүнү: 17 сентябрьның 2024.
  8. ↑ About the ODI. Open Data Institute. Хынаан ай-хүнү: 17 сентябрьның 2024.
  9. ↑ “This is for everyone” the tweet heard ‘round the world. W3C (28 июльдуң 2012). Хынаан ай-хүнү: 17 сентябрьның 2024.
  10. ↑ Google and Tim Berners-Lee launch alliance to bring broadband to Africa. The Guardian (7 октябрьның 2013). Хынаан ай-хүнү: 17 сентябрьның 2024.
  11. ↑ Создатель WWW призвал принять «Великую хартию вольностей» для интернета. Хакер (12 марттың 2014). Хынаан ай-хүнү: 17 сентябрьның 2024.
  12. ↑ A Magna Carta for the web. TED (март 2014). Хынаан ай-хүнү: 17 сентябрьның 2024.
  13. ↑ Создателю интернета присудили премию Тьюринга. N + 1 (5 апрельдиң 2017). Хынаан ай-хүнү: 17 сентябрьның 2024.
  14. ↑ Sir Tim Berners-Lee. World Wide Web Foundation. Хынаан ай-хүнү: 17 сентябрьның 2024.
  15. ↑ 35 years after first proposing the World Wide Web, what does its creator Tim Berners-Lee have in mind next? Inrupt. Live Science (12 марттың 2024). Хынаан ай-хүнү: 17 сентябрьның 2024.
  16. ↑ Tim Berners-Lee wants to decentralize the web with Solid and Inrupt. BetaNews (29 сентябрьның 2018). Хынаан ай-хүнү: 17 сентябрьның 2024.
  17. ↑ Tim Berners-Lee’s Inrupt. Octopus Ventures. Хынаан ай-хүнү: 17 сентябрьның 2024.
  18. ↑ Sir Tim Berners-Lee. Open Data Institute. Хынаан ай-хүнү: 17 сентябрьның 2024.
  19. ↑ Tim Berners-Lee unveils global plan to save the web. The Guardian (24 ноябрьның 2019). Хынаан ай-хүнү: 17 сентябрьның 2024.
  20. ↑ Tim Berners-Lee’s Inrupt gets €25m to scale up Solid platform. Silicon Republic (10 декабрьның 2021). Хынаан ай-хүнү: 17 сентябрьның 2024.
  21. ↑ World Wide Web Consortium launched as a public-interest non-profit organization. W3C (31 январьның 2023). Хынаан ай-хүнү: 17 сентябрьның 2024.
  22. ↑ Тим Бернерс-Ли к 35-летию WWW: «Мы можем создать гораздо лучшее будущее». Habr (12 марттың 2024). Хынаан ай-хүнү: 17 сентябрьның 2024.
  23. ↑ The World-Wide Web Hall of Fame. Best of the Web Directory. Архивтээн 10 майның 2013 года.
  24. ↑ Капсырылга №54794, с. 24—25 (англ.) // London Gazette : газета. — L.. — Iss. 54794. — No. 54794. — P. 24—25.
  25. ↑ Quittner, Joshua. Tim Berners Lee—Time 100 People of the Century, Time Magazine (29 March 1999). «He wove the World Wide Web and created a mass medium for the 21st century. The World Wide Web is Berners-Lee's alone. He designed it. He loosed it on the world. And he more than anyone else has fought to keep it open, nonproprietary and free.».
  26. ↑ 100 great Britons – A complete list, Daily Mail (21 August 2002). Хынаан 2 августуң 2012.
  27. ↑ Web’s inventor gets a knighthood (англ.), BBC (31 декабря 2003). Хынаан 27 майның 2010.
  28. ↑ Creator of the web turns knight, BBC (16 июля 2004). Хынаан 27 майның 2010.
  29. ↑ Three loud cheers for the father of the web, The Daily Telegraph (28 January 2005). Хынаан 25 майның 2008.
  30. ↑ "Top 100 living geniuses" ''The Daily Telegraph'' 28 October 2007, The Daily Telegraph (30 October 2007). Хынаан 21 декабрьның 2011.
  31. ↑ IEEE Computer Society Magazine Honors Artificial Intelligence Leaders (24 августтуң 2011 (2011-08-24)). Хынаан 18 сентябрьның 2011 (2011-09-18). Press release source: PRWeb (Vocus).
  32. ↑ 2012 Inductees, Internet Hall of Fame website. Retrieved 24 April 2012
  33. ↑ Honorary Graduates of University of Essex. Хынаан ай-хүнү: 15 декабрьның 2011. Архивтээн 10 майның 2013 года.
  34. ↑ Open University's online graduation, BBC NEWS (31. March 2000). Хынаан 22 сентябрьның 2010.
  35. ↑ Lancaster University Honorary Degrees, July 2004. Lancaster University. Хынаан ай-хүнү: 25 майның 2008. Архивтээн 10 майның 2013 года.
  36. ↑ Scientific pioneers honoured by The University of Manchester, manchester.ac.uk (2 December 2008). Хынаан 10 октябрьның 2011.
  37. ↑ Honoris Causa: Sir Timothy Berners-Lee
  38. ↑ Universidad Politécnica de Madrid: Berners-Lee y Vinton G. Cerf—Doctores Honoris Causa por la UPM. Хынаан ай-хүнү: 15 августуң 2010. Архивтээн 10 майның 2013 года.
  39. ↑ Vrije Universiteit Amsterdam. Uitvinder World Wide Web krijgt eredoctoraat Vrije Universiteit (неопр.) (22 июльдуң 2008). Хынаан ай-хүнү: 22 июльдуң 2009. Архивтээн 10 майның 2013 года.
  40. ↑ NU.nl. 'Bedenker' wereldwijd web krijgt eredoctoraat VU (неопр.) (22 июльдуң 2008). Хынаан ай-хүнү: 22 июльдуң 2009. Архивтээн 10 майның 2013 года.
  41. ↑ Université de Liège — Séance de rentrée académique 2009
  42. ↑ Harvard awards 9 honorary degrees news.harvard.edu Retrieved 11 June 2011
  43. ↑ Graduation ceremony | 600th Anniversary | University of St Andrews — 1413—2013
  44. ↑ Book of Members, 1780–2010: Chapter B. American Academy of Arts and Sciences. Хынаан ай-хүнү: 24 июньнуң 2011. Архивтээн 10 майның 2013 года.
  45. ↑ Berners-Lee Longer Biography. World Wide Web Consortium. Хынаан ай-хүнү: 18 январьның 2011. Архивтээн 10 майның 2013 года.
  46. ↑ Software System Award. ACM Awards. Association for Computing Machinery. Хынаан ай-хүнү: 25 октябрьның 2011. Архивтээн 10 майның 2013 года.
  47. ↑ Royal Photographic Society’s Progress Medal Retrieved 13 August 2012
  48. ↑ Fellow Awards | Fellows Home. Computerhistory.org (11 январьның 2010). Хынаан ай-хүнү: 15 августуң 2010. Архивтээн 10 майның 2013 года.
  49. ↑ Millennium Technology Prize 2004 awarded to inventor of World Wide Web. Millennium Technology Prize. Хынаан ай-хүнү: 25 майның 2008. Архивтээн 30 августуң 2007 года.
  50. ↑ Официальный сайт премии "Квадрига". Хынаан ай-хүнү: 13 июльдуң 2011. Архивтээн 22 августуң 2011 года.
  51. ↑ President’s medal recipients
  52. ↑ Web inventor gets Queen’s honour, BBC (13 June 2007). Проверено 25 мая 2008.Web inventor gets Queen's honour, BBC (13 June 2007). Хынаан 25 майның 2008.
  53. ↑ IEEE/RSE Wolfson James Clerk Maxwell Award Recipients. IEEE. Хынаан ай-хүнү: 4 октябрьның 2011. Архивтээн 10 майның 2013 года.
  54. ↑ Press Release: Sir Tim Berners Lee, Inventor of the World Wide Web, to receive Webby Lifetime Award At the 13th Annual Webby Awards Webby Awards.com Retrieved 21 January 2011
  55. ↑ Gorbachev honours 'world changers', Press Association (31 March 2011). Проверено 11 августа 2012.Gorbachev honours 'world changers', Press Association (31 March 2011). Хынаан 11 августуң 2012.
  56. ↑ Times of Oman HM order for Web inventor. Хынаан ай-хүнү: 9 декабрьның 2012. Архивтээн 10 майның 2013 года.
  57. ↑ Al Shabiba Newspaper جلالته يمنح وسام السلطان قابوس للثقافة والعلوم والفنون للسير تيم بيرنيرز لي [ARABIC]. Хынаан ай-хүнү: 9 декабрьның 2012. Архивтээн 10 майның 2013 года.
  58. ↑ BBC News — Internet pioneers win engineering prize
  59. ↑ Teenetemärkide kavalerid: Timothy John Berners-Lee (эст.). Vabariigi President (4 февральдың 2015). Хынаан ай-хүнү: 19 августуң 2015.

Шөлүглер

Дөзү – «https://tyv.ruwiki.ru/w/index.php?title=Бернерс-Ли,_Тим&oldid=340054»