Брагин Василий Петрович

Василий Петрович Брагин
Василий Петрович Брагин
	Файл:Василий Петрович Брагин.jpg
Төрүттүнген ай-хүнү	12 июнь 1926
Төрүттүнген чери	Красноярск край, Ермак району, Ермаковское суур.
Мөчээн ай-хүнү	9 март 1963 (36 хар)
Мөчээн чери	Тыва Республика, РСФСР[d], ССРЭ;
Шаңналдары база премиялары	;

Василий Петрович Брагин (1926 чылдың июньнуң 12 — 1963 чылдың марттың 9) - Ада-чурттуң Улуг дайынының киржикчизи, биче сержант, Совет Эвилелиниң Маадыры (1945).

Допчу намдары

Василий Брагин Красноярск крайның Ермак районунуң Ермаковское суурга 1926 чылдың июньнуң 12-де тараачын өг-бүлеге төрүттүнген. Школаны он класс дооскаш, колхозка ажылдап турган. 1942 чылда Енисей районунуң шериг комиссариады Ажылчыннарның болгаш тараачыннарның Кызыл шериинче шериг албанын эрттирер кылдыр кыйгырган. Ол-ла чылдың майдан эгелеп Ада-чурттуң Улуг дайынының фронтуларынче чорупкан. 1944 чылдың январьда кемдээшкин алган.

Эмнээшкин соонда, шериг хүлээлгезинче катап эглип келгеш, биче сержант Василий Брагин 3-кү Белорусь фронтузунуң 5-ги шерииниң 159-ку адыгжы дивизизының 491-ги адыгжы полугунга дайылдажып турган. Ол Белорусь Совет Социалистиг Республиканың девискээрин хостаар тулчуушкуннарга онзаланып үнген.

1944 чылдың июньда совет шериглер Витебск-ден чөөн чүкче күштүг немец халдаашкынга удур камгалалын чылча шаап эгелээрге, Брагинниң отряды кирген батальоннуң оруктарын бункер дуглапкан. Артиллерияның күштүг адыышкыны безин бункерни узуткаарынга дузалашпаан. Брагин бункерни узуткаарынга бодунуң күзели-биле киришкен. Кажан шеригжилерниң бирээзи бункерже халдап бар чыда, минага часты берген соонда, Брагин отрядты ол черинге артып каарын дужааган. Боду 16 минаны узуткаан. Ооң соонда ол отрядты халдаашкынче үндүрүпкеш, бункерниң мурнунда окопче халдап киргеш, дайзынның үш шеригжилерин боду чок кылып каан, ооң соонда бункерниң эжиин граната-биле үреп, ийи пулеметчик кижини тудуп алган, ынчалдыр орукту батальонга ажыткан. Неман хемниң соңгу эриинге тулчуушкун үезинде Брагинниң отряды хөй санныг немец шеригжилерни болгаш офицерлерни узуткап, 11 кижини база тудуп алган.

ССРЭ-ниң Дээди Чөвүлелиниң Президиумунуң 1945 чылдың март 24-тен чарлыы-биле биче сержант Василий Брагинге Совет Эвилелиниң Маадыры деп атты тывыскаш, Ленин орденин база 8816 дугаарлыг Алдын Сылдыс Медалын тудускан.

Дайын төнген соонда, Брагинни төрээн черинге чанып келген. 1951 чылда Красноярскиге көдээ ажыл-агый школазын дооскан. 1947 чылдан эгелеп көдээ ажыл-агый техниги, 1953 чылдан эгелеп [[Тыва АССР|Тыва АССР]-ге кол агроном болуп ажылдаан. 1963 чылдың марттың 9-та чок болган.

Оон аңгыда «Хүндүлел демдээ» база Алдар ордени-биле база элээн каш медальдар-биле шаңнаткан. Ермаковскоеде бир кудумчу адын Брагинниң ады-биле адаан.

Демдеглелдер

Литература

Достоин звания героя. — Красноярск: Красноярское кн. изд., 1975/
Дриго С. В. За подвигом — подвиг. Калининградское кн.изд.,1984.