Доңгурак Оюн Наарымба оглу
| Доңгурак Оюн Наарымба оглу | |
|---|---|
| тыв. Доңгурак Оюн Наарымба оглу | |
| Төрүттүнгенде ады | Оюн Наарымба оглу Доңгурак |
| Төрүттүнген ай-хүнү | 1909 |
| Төрүттүнген чери | Чагытай, Оюннар кожууну, Таңды-Урянхай |
| Мөчээн ай-хүнү | 1963 |
| Мөчээн чери | Дүрген суур, Таңды кожууну, Тыва АССР |
Доңгурак Оюн Наарымба оглу (төрүттүнгенде ады — Оюн Наарымба оглу Доңгурак, орус. Донгурак Оюн Наарымбаевич, 1909 чыл — 1963 чыл) — Ада-чурттуң Улуг дайынының киржикчизи, тыва эки турачы эскадроннуң 1-ги взводунуң гвардияның анаа дайынчызы, ТАР-ның «Дайынчы шылгарал дээш» медалының эдилекчизи[1].
Допчу намдары
Оюн Наарымба оглу Доңгурак 1909 чылда Таңды-Урянхайның Оюннар кожуунунуң Чагытай деп черге төрүттүнген.
1931-1933 чылдарда Тыва Арат Революстуг Шеригге шериг албанын эрттирип турган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 1-ги тыва эки турачы отрядтың 1-ги взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Оюн Доңгурак Украин ССР-ниң Ровно, Дубно хоорайлары болгаш Сурмичи суур база өске-даа чурттакчылыг черлерин хостаарынга эрес-дидим киришкен.
Дайын соонда
Дайын соонда колхоз тудуунга идепкейлиг киржип турган. Таңды кожууннуң «Чагытай» колхозунга, «Кызыл партизан» совхозунгахойжу бригадынга бригадирлеп ажылдап чораан.
1963 чылда Тыва АССР-ниң Таңды кожуунунуң Дүрген суурга чок болган.
Шаңнал-макталдары
- ТАР-ның «Дайынчы шылгарал дээш» медалы (1944)
Литература
- Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
- ДОНГУРАК Оюн Наарымба оглу / Урянхайско-тувинская энциклопедия. I том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 314.
- Пивоваров В. Добровольцы. Кызыл, 1990.