Кандан Үрүле Шыырап уруу

Кандан Үрүле Шыырап уруу
Кандан Үрүле Шыырап уруу
	Файл:Урля Шыыраповна Кандан.jpg
Төрүттүнген ай-хүнү	1918 чыл
Төрүттүнген чери	Таңды-Урянхай, Бай-Тайга кожуун, Дахы деп чер
Мөчээн ай-хүнү	1975 чыл
Чурту	ССРЭ
Ажыл-херээ	малчын
Майык:Медаль Серп и Молот	Майык:Орден Мать-героиня

Кандан Шыырап уруу Үрүле (1918 чыл — 1975 чыл) — Тыва Автономнуг областьтың Бай-Тайга кожуунунуң «Победа» колхозунуң кадарчызы. Социалистиг күш-ажылдың маадыры деп бедик ат алган бир дугаар херээжен тыва кижи (1960)^[1], Маадыр ие орденниң эдилекчизи.

Допчу намдары

Кандан Үрүле 1918 чылда (азы 1916 чылда) Урянхай крайның Бай-Тайганың Дахы деп черге малчын өг-бүлеге төрүттүнген.

Ол 1936 чылдың чазынында Кызыл-Даг тожземге (чер ажыл-агыйының партнерствозунга) кирген. Баштайгы ийи чылда аңаа сакманщиктеп кирип алган, ооң соонда кадарчы апарган]. Кызыл-Дагга 1949 чылда «Победа» колхозту тургустунган (сөөлүнде Бай-Тайга кожууннуң «Тээли» совхоз кылдыр эде кылган). Ол колхозка Үрүле Кандан улаштыр кадарчылап ажылдап чораан.

Каш чылдар дургузунда ол чүс хой бүрүзүнден 160 чедир хураганны ап турган – ол Тыва иштинге эң бедик көргүзүг турган. Идепкейлиг, үре-түңнелдиг 15 чыл дургузунда ол күрүнеге 6000 хире хураганны төрүдүп өстүрген.

ССРЭ-ниң Дээди Чөвүлелиниң Президиумунуң 1960 чылдың март 7-ден чарлыы-биле «Бүгү-делегейниң херээженнер хүнүнүң 50 чыл оюнга тураскаадып, күш-ажылга болгаш ылаңгыя үре-түңнелдиг социал ажыл-чорудулгазы дээш» Социалистиг Күш-ажылдың Маадыры деп хүндүлүг атты Ленин ордени-биле кады тывыскан^[2].

Өг-бүле

Өөнүң ээзи – кадарчы Салчак Херелович Кандан. 11 ажы-төл оларның өг-бүлезинге төрүттүнген, ол дээш 1963 чылдың сентябрь 17-де Үрүле Шыыраповнага Маадыр-Ие деп хүндүлүг атты тывыскан.

Сактыышкын

Кызыл-Даг суурда Урүле Канданга тураскаалды тургускан. Ооң чурттап чораан бажыңында тураскаалдыг самбыраны азып каан^[3]. Тыва Республиканың Бай-Тайга кожуунунуң төвү Тээли суурда кудумчу адын адаан^[4].

Шаңнал-макталдары

Социалистиг Күш-ажылдың маадыры (1960)^[5]
Маадыр ие ордени (1963)^[6]

Демдеглелдер

[1] В Кызыл-Даге открытием стелы, мемориальной доски, чествованием матерей-героинь отметили 100-летие со дня рождения легендарной Уруле Кандан

[2] Они прославили Туву. Герой Социалистического Труда Урля Кандан

[3] В Кызыл-Даге открытием стелы, мемориальной доски, чествованием матерей-героинь отметили 100-летие со дня рождения легендарной Уруле Кандан

[4] Почтовый индекс улица Уруле Кандан, с. Тээли, Бай-Тайгинский р-н

[5] Герои Социалистического Труда:Кандан Урле Шыыраповна

[6] "Маадыр ие" ат дагын эглип келген

[1]

[2]

[3]

[4]

[5]

[6]