Лама-Сүрүн Күжүгет Чаян-оол оглу
| Лама-Сүрүн Күжүгет Чаян-оол оглу | |
|---|---|
| тыв. Лама-Сүрүң Күжүгет Чаян-оол оглу | |
| Төрүттүнгенде ады | Күжүгет Чаян-оол оглу Лама-Сүрүң |
| Төрүттүнген ай-хүнү | 1923 |
| Төрүттүнген чери | Хөнделең, Барыын-Хемчик, Тыва |
Лама-Сүрүн Күжүгет Чаян-оол оглу (төрүттүнгенде ады — Күжүгет Чаян-оол оглу Лама-Сүрүң, Ада-чурттуң Улуг дайынының киржикчизи, гвардияның улуг сержантызы, тыва эки турачы эскадроннуң 1-ги взводунуң командылакчызының дузалакчызы, ТАР-ның Күш-ажылының база 3-кү чаданың Алдар орденнериниң эдилекчизи.
Допчу намдары
Күжүгет Чаян-оол оглу Лама-Сүрүң 1923 чылда Барыын-Хемчик кожууннуң Хөнделең сумузунга төрүттунген[1].
Биче командирлер школазын дооскан. Тыва Арат Революстуг шериинге шериг албанын эрттирип турган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 1-ги тыва эки турачы отрядтың 1-ги взводунуң командылакчызының дузалакчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Ровно хоорайны хостаар тулчуушкуннарга эрес-дидим киришкен. Дубно хоорайны хостаар кадыг-дошкун тулчуушкунга 1944 чылдың февраль 13-те чок болган.
Сактыышкын
Кызыл-Мажалык суурда Тиилелгениң тураскаалында Лама-Сүрүң Күжүгеттиң адын өске эки турачыларның ады-биле кожа бижээн.
Шаңнал-макталдары
- ТАР-ның Күш-ажыл ордени (1944)
- 3-кү чаданың Алдар ордени (1944).
Дөзү
- Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
- ЛАМА-СЮРЮН Кужугет Чаяан-оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 5.
- Книга Памяти. Республика Тыва. Сост. Н. М. Моллеров. Кызыл, 1995.