Макаренко Николай Николаевич

Макаренко Николай Николаевич
Макаренко Николай Николаевич
	Файл:Николай Николаевич Макаренко.jpg
Төрүттүнген ай-хүнү	14 июль 1920
Төрүттүнген чери	Быскар, Красноярск крайы, Россия
Мөчээн ай-хүнү	14 март 1995 (74 хар)
Мөчээн чери	Кызыл
Чурту
Шаңналдары база премиялары	;

Николай Николаевич Макаренко (1920 чылдың июльдуң 14 — 1995 чылдың март 14) — Ада-чурттуң Улуг дайынының киржикчизи, Ленинград фронтузунуң 2-ги шерииниң 18-ки артиллерия дивизиязының 65-ки чиик артиллерия бригадазының 504-кү чиик артиллерия полугунуң чепсек командири, биче сержант, Совет Эвилелиниң Маадыры (1944)^[1].

Допчу намдары

Макаренко Николай 1920 чылдың июль 14-те Красноярск крайның Быскар деп суурунга тараачын өг-бүлеге төрүттүнген.

Далайжы, камгалал хемениң моторизи, ооң соонда Красноярск крайның Абакан хоорайга Суг камгалаар ниитилелдиң даргазы кылдыр ажылдаан.

Ону Кызыл Шеригже 1940 чылда Хакас обласьтың военкомат албан чери кыйгырткан. Ада-чурттуң Улуг дайынының фронтуларынга 1941 чылдың июньдан бээр дайылдажып чораан.

1944 чылдан бээр Коммунистиг партияның кежигүнү.

Ленинград фронтузунуң 2-ги шерииниң 18-ки артиллерия дивизиязының 65-ки чиик артиллерия бригадазының 504-кү чиик артиллерия полугунуң чепсек командири, биче сержант Николай Макаренко 1944 чылдың февраль 18-те Эстонияның Нарва деп хоорайының чоогунга орукка немец эжелекчилерге удур тулчуушкунга шыгаакчының орнунга олурупкаш, дайзынның танкызын узуткаан, ооң соонда, боо-чепсектиг экипажты билдилиг башкарып, дайзынның чадаг шериглерин хөйү-биле узуткаан.

ССРЭ-ниң Дээди Чөвүлелиниң Президиумунуң 1944 чылдың июль 1-ден чарлыы-биле фашистерге удур демиселге дайынчы даалгаларын үлегерлиг күүсеткени дээш база көргүскен эрес-дидим маадырлыг чоруу дээш, биче сержант Макаренко Николай Николаевичини Совет Эвилелиниң Маадыры деп хүндүлүг атты тывыскан болгаш Ленин ордени база ССРЭ-ниң «Алдын сылдыс» медали-биле шаңнаан (№ 3970).

Н. Н. Макаренкону 1944 чылдың октябрьда аарыг-аржыктың уржуунда дайындан халаштырган. Тыва Республиканың найысылалы Кызыл хоорайга ажылдап чурттап чораан. Хүндүлүг дыштанылгаже үнер мурнунда «Сельхозтехника» каттыжыышкынынга даргалап ажылдаан.

1995 чылдың март 14-те чок болган.

Шаңнал-макталдары

• Совет Эвилелиниң Маадыры (1944)
• 1-ги чаданың Ада-чурттуң Улуг дайынының ордени.

Демдеглелдер

↑ Герои страны: Макаренко Николай Николаевич

Шөлүлгелер

• Герои страны: Макаренко Николай Николаевич

[1] Герои страны: Макаренко Николай Николаевич

[1]