Моңгуш
Моңгуш — тыва фамилия. Тыва Республикада эң нептереңгей төрел-аймак адындан укталган.
Сураглыг эдилекчилери:
- Монгуш, Альберт Олег оглу (1989 төр.) — самбист, Россия чемпионаттарының призеру Европа чемпионаттарының чемпиону болгаш призеру Россияның делегей чергелиг спорт мастери.
- Моңгуш, Аяс Семис-оол оглу (1973 төр.) — тыва мөге, сумо хүрешке Россияның алдарлыг спорт мастери, Сумо хүрешке делегейниң ийи дакпыр чемпиону, Делегей кубогунуң эдилекчизи, Европаның чеди дакпыр чемпиону, Россияның тос дакпыр чемпиону, самбо хүрешке Азияның чемпиону, тыва хүрешке «Наадым» байырлалының он чеди дакпыр чемпиону, «ТР-ниң күрүнениң күчүтен мөгези», «ТР-ниң Күш-культуразының болгаш спортунуң алдарлыг ажылдакчызы» хүндүлүг аттарның болгаш Республика Ордениниң эдилекчизи.
- Моңгуш Буян-Бадыргы (1892—1932) — тыва хөй-ниити болгаш күрүне ажылдакчызы, Тыва күрүнениң үндезилекчизи.
- Моңгуш, Василий Бора-Хөө оглу (1935—2016) — тыва билдингир журналист, сатирик-юморист, чогаалчы, очулдурукчу, Тываның улустуң чогаалчызы, Тыва Республиканың алдарлыг ажылдакчызы, Россияның чогаалчылар эвилелиниң, Тываның чогаалчылар болгаш журналистер эвилелдериниң кежигүнү.
- Моңгуш, Доруг-оол Алдын-оол оглу (1928—2017) — дыл шинчилекчизи, Тыва АССР-ниң эртеминиң алдарлыг ажылдакчызы, Тыва Республиканың улустуң башкызы, Тыва Республиканың Баштыңының эртем болгаш техника талазы-биле шаңналының эдилекчизи.
- Монгуш, Кара-кыс Шугдур-ооловна (1942—2023) — Тываның музей ажыл-херээниң хоочуну, Тыва Республиканың культуразының алдарлыг ажылдакчызы.
- Монгуш, Көжелдей Борбак-оол оглу (1943—1998) — шүлүкчү, прозачы, журналист.
- Моңгуш, Николай Кечил-оглу (1943—2014) — Тыва Республиканың улустуң хөөмейжизи, хөөмейжи, ыраажы, хөгжүмчү, ус-шевер.
- Моңгуш, Чечен-оол Алексей оглу (1972—2013) — хостуг хүреште тыва мөге, 1996 чылда Атлантага Олимпия оюннарының киржикчизи.
- Моңгуш, Маадыр Каваа оглу (1968-2023) — Тыва Республиканың Арзылаң мөгези.