Октаргай (национал төлевилел)

Октаргай
Октаргай
Чылдагааны	Россиянын президентизи Владимир Путинниң айтыышкыны
Чарыгдалдар	750 млрд руб

Национал төлевилел «Космос» Россияның президентизи Владимир Путинниң 2025 чылда айтыышкыны-биле эгелээн^[1]. Спутник бөлүктерин болгаш национал орбиталдыг станцияны тургузар харылзааның космиктиг сервистерин сайзырадыр, ядролуг космиктиг энергетиканы сайзырадыр, ырак октаргайга фундаменталдыг шинчилелдерни чорудар база кадрларны белеткээр талазы-биле Россия Федерациязының үр хуусаалыг сорулгаларын тодарадыр национал төлевилел^[2].

Төөгүзү

2025 чылдың апрель 16-да Бауман аттыг МГТУ-га эрткен октаргай адырын хөгжүдер айтырыглар талазы-биле хуралга Владимир Путин «Октаргай» деп национал төлевилелди ажылдап кылыры эргежок чугула деп медеглээн:

…бо чугула адырда бистиң планнарывыс бистиң чуртувустуң космиктиг мурнакчы күрүне болуп төөгүлүг эрге-байдалынга дүгжүр ужурлуг^[2].

Октаргай ажыл-чорудулгазын сайзырадырының айтырыгларының талазы-биле хурал (2025)

Национал төлевилел адырны сайзырадырының чоокку-даа узун-даа планнарын хаара тудар ужурлуг деп Россияның президентизи демдеглээн:

• аңгы-аңгы сорулгаларлыг боттуң хөй спутниктиг бөлүктерин тургузары;
• национал орбиталдыг станцияны тургузары;
• ядролуг космиктиг энергетиканың хөгжүлдези;
• «космиктиг буксирни» тургузары;
• ырак октаргайга фундаменталдыг шинчилелдерни чорудары;
• «Спектр-РГ» орбиталдыг обсерваторияның баазазынга Октаргайның тодаргай картазын тургузары^[2].

Национал төлевилелдиң технологтуг чедиишкиннери экономиканы чаартырынга, хамаатыларның амыдыралының шынарын бедидеринге шимчедикчи күш болур ужурлуг деп демдеглээн^[2].

Космос адырының технологтуг чедиишкиннери бүгү экономиканың шимчедикчи күжү апаар ужурлуг

Национал төлевилелдиң акшаландырыышкынын федералдыг бюджеттиң бадылаашкыны-биле 2026 болгаш оон дараазында чылдарда планнаан^[2].

Акшаландырыышкынны үнелээни

2025 чылдың майда РФ-тиң чазаа национал төлевилелдиң акшаландырыышкынын 2028 чылга чедир 1 трлн рубль, а кедизинде 2036 чылга чедир 4,5 трлн хире акша көрдүнген^[3].

Федералдыг төлевилелдер

Октаргай национал төлевилелче федералдыг программаларны киирген:

«Космиктиг информастыг технологияларның комплекстиг хөгжүлдези»; «Перспективтиг космиктиг системалар болгаш сервистер»; «Россияның космиктиг ядролуг энергетиказының хөгжүлдези»^[4].

Көргүзүглер

Национал төлевилелдиң өзек параметрлерин сайгарып турда шиитпирлеттинген:

• 2030 чылга чедир орбиталыг бөлүктерниң спутниктериниң санын 1,2 муң санныг кылдыр көвүдедир:
• российжи космодромнардан ужудуушкуннарның ниити санын чылда 56-га чедирер;
• ада-чурттуң орбиталдыг станциязын 2027 чылда делгеп эгелээр;
• 2030 чылга чедир адырда ажылдакчыларның санын 40 муң кижиге көвүдедир;
• адырда күш-ажылдың бүдүрүкчүлүүн 1,5 катап улгаттырар^[4].

Демдеглелдер

↑ Путин анонсировал скорое утверждение нового нацпроекта по космосу - Газета.Ru | Новости (16.04.2025). Хынаан 17 апрельдиң 2025.
↑ ¹ ² ³ ⁴ ⁵ Совещание по вопросам развития космической деятельности (16.04.2025). Хынаан 17 апрельдиң 2025.
↑ Новости. Михаил Мишустин: в доработанный нацпроект по космосу войдут прорывные направления (неопр.). www.roscosmos.ru (20 майның 2025). Хынаан ай-хүнү: 21 майның 2025.
↑ ¹ ² Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» (рус.). government.ru (13 августуң 2024). Хынаан ай-хүнү: 17 апрельдиң 2025.

[1] Путин анонсировал скорое утверждение нового нацпроекта по космосу - Газета.Ru | Новости (16.04.2025). Хынаан 17 апрельдиң 2025.

[:0-2] ¹ ² ³ ⁴ ⁵ Совещание по вопросам развития космической деятельности (16.04.2025). Хынаан 17 апрельдиң 2025.

[3] Новости. Михаил Мишустин: в доработанный нацпроект по космосу войдут прорывные направления (неопр.). www.roscosmos.ru (20 майның 2025). Хынаан ай-хүнү: 21 майның 2025.

[автоссылка1-4] ¹ ² Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» (рус.). government.ru (13 августуң 2024). Хынаан ай-хүнү: 17 апрельдиң 2025.

[1]

[2]

[3]

[4]