РФ-тиң хамаатыларының патриотчу кижизидилгези

Рувики деп сайттан

«РФ-тиң хамаатыларының патриотчу кижизидилгези» (орус.  Патриотическое воспитание граждан РФ)— кижизидилге кезээн быжыглаарынче угланган «Өөредилге» деп национал төлевилелдиң федералдыг төлевилели. Төлевилелди этап аайы-биле боттандырар, бир этавы 4 чыл болур.

Төөгүзү

Участники «Движения первых»

«Россия Федерациязының хамаатыларының патриотчу кижизидилгези» деп бирги программаны РФ-тиң Чазаа 2001 чылда хүлээп алган. Хамаатыларга патриотчу кижизидилгениң эртем-теоретиктиг болгаш методиктиг үндезиннерин хевирлээринге хөй-ниити организацияларының ролюн ында бижээн. Оон аңгыда хамаатыларга патриотчу кижизидилгениң тодаргай хемчеглери программада көрдүнген. Программаны 2001—2005 чылдарда санаан[1].

2006 чылдан 2010 чылга чедир боттандырган ийиги программа гуманитарлыг эртемнерни башкылаарынче патриотчу кезекти киирген турган.

2011—2015 чылдарда санаан үшкү программада экстремизмниң илерээшкиннерин ажып эртеринче, национал айыыл чок чорукту быжыглаарынче, социал-экономиктиг болгаш политиктиг турум чорукту онзалап айыткан. Программаже кирип турган чамдык хемчеглер казак кижилерниң кижизидилге-биле методтары-биле холбашкан[1].

Дөрткү программада, 2016 чылдан 2020 чылга чедир, шеригге албан эрттирериниң ат-алдарын бедидер сорулга-биле, школачыларның шериг-патриотчу кижизидилгезиниң хемчеглер планын киирген.

Оон улаштыр программаларны база боттандырарының 4 чыл хуусаазынга санаан[2].

2024 чылдың төнчүзүнде төлевилел программаларынга 10 сая ажыг кижи киришкен. «Юнармия» деп бичии уруглар шимчээшкининиң ажыл-чорудулгазынга 1 750 000 ажыг чаштар хаара туттунган. «Улуг өскерлиишкин» деп мөөрейге 550 муң хире кижи киришкен. «Россия-мээң төөгүм» деп 23 төөгүлүг парктарның экспозициялары чаарттынган[3].

Боттандырыышкыны

2016 чылда «Юнармия» деп уруглар шимчээшкини тургустунган. Аңаа Россияның төөгүзүн, эге шериг белеткелиниң үндезиннерин өөренип, уруглар лагерьлеринге ээлчеглерни чорудуп турар. 8 хардан 18 харга чедир уруглар киржир[4].

2020 чылдан эгелеп, 12 угланыышкынга «Улуг өскерлиишкин» деп мөөрейни эрттирип турар: сайгарлыкчы чорук, кадыкшыл, экология, иштики туризм, төөгүлүг сактыышкын болгаш оон-даа өске. Тиилекчилер акша шаңналдарын, лагерьлерже путёвкаларны, өөредилге аян-чоруктарын кылып турар[4].

«Мен чоргаарланып тур мен» деп студентилерниң патриотчу клубтар каттыжылгазы 2021 чылда тургустунган[5].

2022 чылда ниити өөредилге черлеринге чурттуң тугун көдүрер болгаш күрүне ыдык ырын күүседир ёзулалдарны киирерин сүмелээн[6].

2022 чылда «Баштайгыларның шимчээшкини» деп төлевилел ажылдап эгелээн, аңаа янзы-бүрү программалар болгаш мөөрейлер ажылдап кылдынган: «Зарница (оюн)» деп шериг-патриотчу оюн, «Эртемде бир дугаарлар» деп бүгү-российжи төлевилел, «Тиилелгениң классиказы. Салгалдарның сактыышкыны» деп патриотчу шиилер фестивалы болгаш өскелер-даа[7].

2022 чылдың майда Россия Федерациязының 12 регионунга «Дайынчы» деп аныяктарның шериг-спортчу белеткели болгаш патриотчу кижизидилге төвүнүң салбырлары ажыттынган[1].

Аныяктар херээниң талазы-биле федералдыг агентилел РФ-тиң хамаатыларының патриотчу кижизидилгезиниң үндезиннериниң талазы-биле методиктиг сүмелерни ажылдап кылган[8]. Школачыларга, студентилерге патриотчу сорукту кижизидер сорулга-биле аңгы-аңгы акцияларны, хемчеглерни Росмолодежь база ажылдап кылып турар[9].

Демдеглелдер

  1. ↑ 1 2 3 Ольга Неверова. Новый этап патриотического воспитания вобрал в себя лучший опыт прежних лет (2024-04-10). Хынаан 7 марттың 2025.
  2. ↑ Информация о федеральном проекте «Патриотическое воспитание граждан Российской Федерации» национального проекта «Образование». Хынаан ай-хүнү: 7 марттың 2025.
  3. ↑ Патриотическое воспитание (рус.). Минпросвещения России. Хынаан ай-хүнү: 20 марттың 2025.
  4. ↑ 1 2 Финансирование проектов по патриотическому воспитанию достигнет ₽46 млрд. Хынаан 7 марттың 2025.
  5. ↑ Ассоциация студенческих клубов «Я горжусь» возобновит свою деятельность (16 августа 2024). Хынаан 7 марттың 2025.
  6. ↑ Минпросвещения России от 15.04.2022 N СК-295/06 "Об использовании государственных символов Российской Федерации". Законы, кодексы и нормативно-правовые акты Российской Федерации. Хынаан ай-хүнү: 7 марттың 2025.
  7. ↑ Проекты и мероприятия. Движение первых. Хынаан ай-хүнү: 7 марттың 2025.
  8. ↑ Основы патриотического воспитания граждан Российской Федерации. Федеральное агентство по делам молодежи. Хынаан ай-хүнү: 7 марттың 2025.
  9. ↑ Проект «Патриотическое воспитание» (рус.). Роспатриот. Хынаан ай-хүнү: 7 марттың 2025.
Дөзү – «https://tyv.ruwiki.ru/w/index.php?title=РФ-тиң_хамаатыларының_патриотчу_кижизидилгези&oldid=339886»