Россияда арга-арыг өрттери (2025)

Рувики деп сайттан
Россияда 2025 чылдың арга-арыг өрттери
Россияда 2025 чылдың арга-арыг өрттери
Россияда 2025 чылдың арга-арыг өрттери
Болган чери Россия
Ай-хүнү 2025 чылдың февральдан тура

Россияда 2025 чылдың арга-арыг өрттери — 2025 чылдың январьдан декабрьга чедир Россия Федерациязының девискээринде арга-арыглыг черлер өрттенген таварылгалар.

Прогноз

Рослесхозтуң медээзи-биле алырга агаар-бойдустуң таарымча чок байдалындан 2025 чылда арга-арыг өрттери анаазындан эрте эгелеп болур[1]. Эвээш харлыг кыштың уржуундан Төп федералдыг округка бойдустуң өрттеринге белеткенир айтыышкынны анаада боттандырып турары ышкаш апрель ортанга эвес, а марттың ортан үезинде берипкен[2]. Ол ышкаш өрттерниң тыптырынга кижи фактору улуг рольду ойнаар.

Арга-арыглар, арга-арыг ажыл-агыйы база өрттер талазы-биле эксперт Алексей Ярошенко «Чер кижи бүрүзүнге хамааржыр» деп төлевилелде мынча дээн:

2025 чылда өрт айыылының улгатканының кол чылдагааннары-россияның арга-арыг зоназының регионнарының хөй кезиинде баш бурунгаар даап бодап турар час эрте база чурттуң барыын кезээнде манап турар дошкун кааңнаашкында. Кааңнаашкын херек кырында болур бе, хөй кезиинде час биле чайның кайы хире чаъстыг болурундан хамааржыр. Ынчалза-даа эрткен чылдың кургаг күзүнү болгаш эвээш харлыг кыжын хөрзүнге болгаш хар шывыынга чыглы берген өл-шыктың күштүг чедишпезинге чедирген деп ам бүзүрелдии-биле чугаалап болур[3].

2025 чылдың март-ден тура өрт айыылы улгатканын Төп, Мурнуу, Волга, Соңгу-Кавказ федералдыг округтарда, А ол ышкаш Ыраккы Чөөн чүкте 30 хире регионнарда баш бурунгаар даап бодап турар. Айыылдыг зонада Брянск, Белгород, Москва, Воронеж областар, барыын болгаш төп Кезектер Курск, Орлов болгаш Смоленск областары бар[4].

Март 14-тиң байдалы-биле рф-тиң үш субъектизинге өртке удур онза чурумну тургускан: Калининград облазының бүгү девискээринге, Краснодар крайның ийи муниципалдыг тургузугларынга, Приморье крайның 14 муниципалдыг тургузугларынга.

Өрт айыылының сезону Россия Федерациязының сес субъектизинге ажыттынган: Краснодар край, Карачай-Черкес, Кабардин-Балкар, Чечен Республикаларның, Белгород, Астрахань, Калининград обласьтарының бүгү девискээринге, Приморье крайның 18 муниципалдыг тургузугларынга[5].

Өрт-биле демиселдиң акшаландырыышкыны

Арга-арыг өрттери-биле демисел чорударынга 2025 чылда федералдыг бюджеттен регионнарга барык 20 млрд рубль көрдүнген, ол болза 2024 чылдың деңнелинден бедик[6].

Регионнарда өрттер

Амур облазы

2025 чылдың чазынында регионнуң бүгү девискээринге өртке удур онза чурумну киирген. Майда агаар-бойдустуң күштүг хады болгаш кургаг болганы-биле өрт Амур облазының Свободненск районунда арга-арыгга болган. Ооң иштинде май 13-те от «Восточный» космодромнуң чоогунда Циолковский хоорайга чоокшулап келген[7], май 14-те өрттү чавырылдырган[8].

Забайкал край

Апрель 7-ниң медээзи-биле, регионда 57 муң гектар ажыг шөлде 32 өөскүп турар өрт болган. Тунгокоченск Чернышев База Чита кожууннарда ЧС чуруму ажылдап турган[9].

Апрель 17-те Рослесхоз Забайкалье крайда федерация чергелиг онза байдал чурумун киирип болурун чугаалажып турар деп медеглээн. Апрельдиң медээзи-биле алырга, Россияның девискээринге 2025 чылдың эгезинден тура бүрүткеттинген арга-арыг өрттериниң 60% хире шөлдери Забайкалье крайда болуп турар[10].

2025 чылдың апрель 23-те Забайкальскиге федерация чергелиг онза байдал чурумун киирген[11].

2025 чылдың май 13-те Забайкал крайга 576 муң гектар ажыг девискээрге 45 арга-арыг өрттери болуп турган. Чүгле Чита муниципалдыг округта 31 муң гектар ажыг өрттенген. Россияның онза байдалдар яамызының камгалакчыларының бөлүүн Сохондо Яблонова болгаш Тургутуй чурттакчылыг черлерже көжүрген, ол ышкаш өжүреринге Россияның онза байдалдар яамызының Ил-76 самолеттары хаара туттунган[12].

Май 21-де күштүг арга өртү-биле «Байкал» деп федералдыг трассаны хагган турган. Өрт орук шывыынга чоокшулап келгениниң уржуундан Улетов районда дөрт километр автоорукту дуглаан[13].

Май 27-те арга-арыгга эгелээн өрт дөрт чурттакчылыг черлерге чоокшулаан: Доронинское, Новотроицк, Домна болгаш Букачача суурларга[14].

Приморье край

Февраль төнчүзүнде март хүннеринде Приморье крайга кургаг эвээш харлыг кыштың база ол ышкаш кижи факторунуң уржуунда хөй санныг улуг өрттер болгулаан. Өрттүң тараарынга күштүг хат салдарлыг болган.

Ростов облазы

Апрель 2-де Батайск чоогунга Дустуг хөл чанынга ландшафтылыг өрт эгелээн, кургаг сиген болгаш хыыргыыш кыва берген. Черлик куштарның уяларынга айыыл тывылдырган, а ооң күштүг ыжы Ростов-на-Донуга четкен[15].

Тюмень облазы

Апрель 1-ден эгелеп регионда өрт айыылының сезону деп чурумну киирген. Тюмень хоорайга өрттүң айыыл чок чоруун хандырар сорулга-биле хамаатыларның хоорай арга-арыгларынга турарын кызыгаарлаар дугайында доктаалды үндүрген[16].

Хабаровск край

Апрельдиң 10-да РФ-тиң экология болгаш бойдус курлавырларының сайыды Александр Козлов Хабаровск крайның өрт айыылынга тураскааткан хуралды эрттирген. Хабаровск край 2024 чылда арга-арыг өрттеринден эң-не когараан Россияның беш регионунуң санынче кирген, регионнуң арга-арыг фондузунуң шөлүнүң 3,3% ажыг кезии өрттен когараан[17].

Хакасия

2025 чылдың апрель 5-те республика девискээринге күштүг хаттың уржуундан регионда өрт байдалын чидиглендирген. Онза байдал болгаш өртке удур онза чурумну киирген. Ол хүн ниитизи-биле 43 өрт одаа бүрүткеттинген[18]. 2025 чылдың апрель 6-да 60 өрттер демдеглеттинген, 35 ландшафтылыг өрттер узуткаттынган, бойдус өрттериниң оттуг фронтузунуң ниити узуну 80,6 км хире болган[19][20], ол ышкаш Абакан, Саяногорск хоорайларда, Аскиз, Бейск, Орджоникидзе, Усть-Абакан, Алтай районнарда чуртталга бажыңнарынга болгаш тудугларга когаралды чедирген[21].

Апрельдиң 11-13 хүннеринде арга-арыг өрттери Хакасияның Таштып, Боград болгаш Шира районнарында чавырылдырттынган[22].

Республиканың тос кожуунунга база хоорайларынга өрттер апрель 19-20 хүннеринде бүрүткеттинген, ооң иштинде хайгааралдан үнген оът-сиген демдеглеттинген[23][24].

Бурятия

2025 чылдың май 13-ден Бурятияда арга-арыг өрттери-биле холбаштыр регион чергелиг онза байдал чурумун киирген. Май 13-түң эртенинде Регионда 53 208 га ниити шөлдүг Баунтов эвенк база Еравнин районнарында 22 арга-арыг өрттери болуп турган.[25].

2025 чылдың май 28-те Сугхара суурнуң чурттакчыларын арга-арыг өртү чоокшулап келгенинден чайладыр көжүрген[26].

Якутия

Май хүннериниң байдалы-биле алырга, Якутияда өрт 20 муң га хире черде өөскүп турар[27].

Якутияда өрттерни болдурбас дээш чаашкынны тывылдырар талазы-биле шенелде эртип турар. Майдан эгелеп, регионда кылымал чаъс-чайык кыйгыртыр ийи зондировщик-самолет ажылдап турар[27].

Тыва

Апрель ортаа үезиниң байдалы-биле Тыва Республиканың девискээринге 2025 чылдың эгезинден тура 17 арга-арыг болгаш 17 хову өрттери бүрүткеттинген. Сүт-Хөл, Бай-Тайга, Барыын-Хемчик, Тожу, Каа-Хем, Чаа-Хөл, Чеди-Хөл кожууннарда болгаш Кызыл хоорайда өрттер ниитизи-биле 291,39 гектарны хаара туткан. Ол өрттерниң 10 кезии чурттакчылыг черлерден 5 километр зонага болган. Баштайгы сан-чурагайлар-биле алырга билдинмес кижилерниң от-биле оваарымча чок чоруу кол чылдагаан болган[28]. Онза байдал чуруму апрель 16-да Таңды кожуунга улуг хемчээлдиг арга-арыг өртү дээш тургустунган. От Кызыл-Арыг, Арыг-Бажы болгаш Сойнуң чурттакчылыг черлериниң чоогунда 354 га ниити шөлдүг девискээрни хөме алган. Хүннүң бедик температуразы, чаъс-чайыктың чогу база күштүг хат байдалды нарыыдадып турган[29].

2025 чылдың август 20-ниң байдалы-биле Тывада арга-арыг өрттериниң шөлү хонукта 300 га өскен болгаш 2,3 муң га четкен. Регионда 23 өрт тодараттынган[30].

Демдеглелдер

  1. ↑ Лесные новости | Рослесхоз (рус.). rosleshoz.gov.ru (12 февральдың 2025). Хынаан ай-хүнү: 14 марттың 2025.
  2. ↑ Рослесхоз ожидает лесные пожары в центре России в марте (2025-02-12). Хынаан 14 марттың 2025.
  3. ↑ Худший пожарный прогноз за последние пять лет (неопр.). earthtouches.me (26 февральдың 2025). Хынаан ай-хүнү: 14 марттың 2025.
  4. ↑ Из искры: лесные пожары могут начаться в 30 регионах уже в марте (2025-02-21). Хынаан 14 марттың 2025.
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС (14 марттың 2025).
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост (рус.). arcticpost.ru (14 марттың 2025). Хынаан ай-хүнү: 14 марттың 2025.
  7. ↑ МЧС России. Telegram. Хынаан ай-хүнү: 13 майның 2025.
  8. ↑ Пожар около космодрома Восточный локализовали (2025-05-14). Хынаан 14 майның 2025.
  9. ↑ В Забайкалье горит 32 пожара, с утра их было на три больше (2025-04-07). Хынаан 7 апрельдиң 2025.
  10. ↑ В Забайкалье из-за лесных пожаров могут ввести федеральный режим ЧС (2025-04-17). Хынаан 17 апрельдиң 2025.
  11. ↑ В Забайкальском крае ввели федеральный режим ЧС из-за лесных пожаров (2025-04-23). Хынаан 23 апрельдиң 2025.
  12. ↑ МЧС России. Telegram. Хынаан ай-хүнү: 13 майның 2025.
  13. ↑ Российскую федеральную трассу перекрыли из-за пожара (2025-05-21). Хынаан 21 майның 2025.
  14. ↑ В Забайкалье лесной пожар приблизился к четырем населенным пунктам (неопр.). ОТР (27 майның 2025). Хынаан ай-хүнү: 27 майның 2025.
  15. ↑ «Апокалипсис рядом с нами»: зарево пожара возле Батайска видно за километры (2025-04-02). Хынаан 3 апрельдиң 2025.
  16. ↑ Тюменцам запретят посещать городские леса. СПИСОК (2025-03-26). Хынаан 26 марттың 2025.
  17. ↑ К глобальным таежным пожарам готовятся в Хабаровском крае (2025-04-10). Хынаан 10 апрельдиң 2025.
  18. ↑ В Хакасии из-за пожаров и сильного ветра объявили режим ЧС (2025-04-05). Хынаан 23 майның 2025.
  19. ↑ 60 пожаров, один пострадавший - огнеборцы Хакасии об итогах штормовой субботы (2025-04-06). Хынаан 23 майның 2025.
  20. ↑ Специалисты МЧС ликвидировали более 30 ландшафтных пожаров в Хакасии (2025-04-06). Хынаан 23 майның 2025.
  21. ↑ Названы все территории Хакасии, где из-за ветра бушевали пожары (2025-04-06). Хынаан 23 майның 2025.
  22. ↑ Леса в Хакасии горели из-за подростков и искр от тепловоза (2025-04-14). Хынаан 23 майның 2025.
  23. ↑ Масштабные пожары охватили Хакасию (2025-04-21). Хынаан 23 апрельдиң 2025.
  24. ↑ В Хакасии за день потушено шесть ландшафтных и техногенных пожаров (2025-04-19). Хынаан 23 майның 2025.
  25. ↑ В Бурятии в связи с лесными пожарами объявили режим ЧС (2025-05-13). Хынаан 13 майның 2025.
  26. ↑ Жителей поселка в Бурятии эвакуировали из-за лесного пожара (2025-05-28). Хынаан 28 майның 2025.
  27. ↑ 1 2 Лето будет жарким: сложную обстановку с лесными пожарами ожидают в Якутии. https://ysia.ru. ЯСИА (27 майның 2025). Хынаан ай-хүнү: 28 майның 2025.
  28. ↑ В Туве в связи с усложняющейся лесопожарной обстановкой готовятся ввести особый противопожарный режим
  29. ↑ В Тыве ввели режим ЧС из-за крупного лесного пожара
  30. ↑ Площадь пожаров в Туве за сутки выросла на 300 га (рус.). tass.ru. ТАСС Новости (20 августуң 2025). Хынаан ай-хүнү: 20 августуң 2025.

Шөлүлгелер

Дөзү – «https://tyv.ruwiki.ru/w/index.php?title=Россияда_арга-арыг_өрттери_(2025)&oldid=339985»