Самбуу Ондар Кара-оол оглу
| Самбуу Ондар Кара-оол оглу | |
|---|---|
| тыв. Самбуу Ондар Кара-оол оглу | |
| Төрүттүнгенде ады | Ондар Кара-оол оглу Самбуу |
| Төрүттүнген ай-хүнү | 1921 |
| Төрүттүнген чери | Ишкин, Даа кожуун, ТАР |
| Мөчээн ай-хүнү | 11 февраль 1944 |
| Мөчээн чери | Дубно, Ровно облазы, Украин ССР |
| Хамаатылалы |
.svg){kind=small} |
Самбуу Ондар Кара-оол оглу (төрүттүнгенде ады — Ондар Кара-оол оглу Самбуу, орус. Самбуу Ондар Кара-оол оглу, 1921 чыл — 1944 чылдың февральдың 11) — Ада-чурттуң Улуг дайынының киржикчизи, тыва эки турачы эскадроннуң пулемлёттуг взводунуң гвардейжи анаа дайынчызы.
Допчу намдары
Самбуу Ондар Кара-оол оглу 1921 чылда ТАР-ның Даа кожуунунуң Ишкин сумузунга төрүттүнген[1].
1942 чылдан Тыва Араттың Революстуг шериинге шериг албанын эрттирип турган. Хлеб быжырыкчызы мергежилдиг турган[2].
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың пулемлёттуг взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Самбуу Ондар Пулемлёттуг взводтуң гвардейжи анаа дайынчызы турган. Украин ССР-ниң Ровно облазының Похорельце суурун хостаар тулчуушкунга 1944 чылдың февральдың 11-де маадырлыы-биле өлген. Дубно хоорай чоогунда хөөржүттүнген.
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• САМБУУ Ондар Кара-оол оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 286.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон