Самбуу Оюн Тараачы оглу
| Самбуу Оюн Тараачы оглу | |
|---|---|
| тыв. Самбуу Оюн Тараачы оглу | |
| Төрүттүнгенде ады | Оюн Тараачы оглу Самбуу |
| Төрүттүнген ай-хүнү | 1922 |
| Төрүттүнген чери | Шуурмак, Тес-Хем, ТАР |
| Мөчээн ай-хүнү | 8 февраль 1944 |
| Мөчээн чери | Сурмичи, Ровно облазы, Украин ССР |
Самбуу Оюн Тараачы оглу (төрүттүнгенде ады — Оюн Тараачы оглу Самбуу, орус. Самбуу Оюн Тараачыевич, 1922 чыл — 1944 чыл) — Ада-чурттуң Улуг дайынының киржикчизи, тыва эки турачы эскадроннуң 1-ги взводунуң гвардейжи анаа дайынчызы, ТАР-ның ордениниң ийи дакпыр эдилекчизи.
Допчу намдары
Самбуу Оюн Тараачы оглу Тыва Арат Республиканың Тес-Хем кожуунунуң Шуурмак суурга төрүттүнген.
1941 чылдан тура Тыва Арат Революстуг Шеригге шериг албанын эрттирип, миномётчик деп тускай шериг мергежилин чедип алган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 1-ги тыва эки турачы отрядтың 1-ги взводунуң 2-ги салбырының анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Оюн Самбуу Украин ССР-ниң чурттакчылыг черлерин хоастаарынга эрес-дидим киришкен, ылаңгыя Сурмичи суурну хостап тура онза ылгалган.
Дубно хоорайны хостап тура маадырлыы-биле өлген.
Литература
- Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
- САМБУУ Оюн Тараачы оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 286.