Тыва дыл хүнү
| Тыва дыл хүнү | |
|---|---|
 | |
| Албан ёзузу-биле ады | орус. День тувинского языка тыв. Тыва дыл хүнү |
| Байырлап турар чери |
 |
| Ай-хүнү | ноябрьның 1 |
Тыва дыл хүнү (орус. День тувинского языка) — Тыва Республиканың Чазааның Баштыңының 2016 чылдың январь 1-ден Чарлыы-биле чылдың-на ноябрь 1-де эрттирип турар байырлал[1].
Тыва дыл Тыва Республика иштинде орус дыл-биле кады күрүне дылы болуп турар[2]. Тыва дыл кырында амгы үеде 300 муң хире кижи бүгү делегейде чугааланып турар. Тыва Республиканың девискээринде хүн-бүрүде, ниитилелде, албан черлеринде ажыглаттынып турар, тыва дыл кырында номнар, солуннар үнүп, телевидение база радиода тыва дылдыг дамчыдылгалар чоруттунуп турар, ол ышкаш Делегей четкизинде тыва дыл кырында сайтылар болгаш өске-даа материалдар бар[3].
Төөгүзү
Ноябрь 1-ни «Тыва дыл хүнү» кылдыр Тыва Республиканың Баштыңы Шолбан Кара-оол Тыва Республиканың Улустуң чогаалчызы Александр Даржайның киирген саналы-биле 2016 чылдың январь 18-те тыва дылды кадагалаар, деткиир болгаш нептередир сорулгалыг бадылаан[4].
Байырлаашкын
Тыва дыл хүнүн бир дугаар 2016 чылдың ноябрь 1-де байырлап эрттирген[5]. Чылдың-на Тыва Республиканың Чазаа тыва дыл хүнүнге тураскааткан бир айның планын тургузуп бадылаар.
Кызыл хоорайга ноябрь 1-де кол түңнел хемчег — Республика чергелиг «Тыва дыл — чоннуң өнчүзү» деп шуулган эртемденнерниң, чогаалчыларның, тыва дыл башкыларының болгаш даргаларның киржилдези-биле болуп эртип турар, ооң кол кезээнде байырлыг байдалда күрүне шаңналдарып тыпсыр.
Тыва дыл хүнүн чүгле Тывада эвес, өске-даа тывалар чурттап турар черлерге байырлап эрттирип турар[6]
Улай көр
• Тыва дыл
• Тыва үжүк-бижиктиң хүнү
Демдеглелдер
Шөүлгелер
• Тыва дыл дугайында
• Указ Главы Республики Тыва «О Дне тувинского языка»