Хуназыг Оюн Тавылаң оглу
| Хуназыг Оюн Тавылаң оглу | |
|---|---|
| тыв. Хуназыг Оюн Тавылаң оглу | |
 | |
| Төрүттүнгенде ады | Оюн Тавылаң оглу Хуназыг |
| Төрүттүнген ай-хүнү | 1907 |
| Төрүттүнген чери | Межегей, Таңды, Таңды-Урянхай |
| Мөчээн ай-хүнү | 1978 |
| Мөчээн чери | |
| Чурту | |
| Ажыл-херээ | шеригжи кижи |
.svg){kind=small}
Хуназыг Оюн Тавылаң оглу (төрүттүнгенде ады — Оюн Тавылаң оглу Хуназыг, Ада-чурттуң Улуг дайынының киржикчизи, тыва эки турачы эскадроннуң 1-ги взводунуң 2-ги салбырының гвардейжи анаа дайынчызы, ТАР-ның «Дайынчы шылгарал дээш» деп медалының эдилекчизи (1944). ТАР-ның начын мөгези деп хүндүлүг аттың эдилекчизи
Допчу намдары
1929-1931 чылдарда Тыва Арат Революстуг Шеригге шериг албанын эрттирип турган. Өг-бүле тудуп, Кара-Булуң деп черге (амгы Мөге, Тыва Арат Республиканың начын мөгези деп хүндүлүг аттың эдилекчизи, Тываның 1934 чылдың Наадым байырлалынга 128 мөгениң аразынга шүгген[1].
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 1-ги тыва эки турачы отрядтың 1-ги взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шерии Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Украин ССР-ниң Ровно хоорайын хостап турар үеде Оюн Хуназыг эрес-дидимин көргүскен[2]. Сурмичи дээш кадыг-дошкун тулчуушкунга оруунга таварышкан фашистерни дөгерезин кызыл-чудурук узуткаан. ТАР-ның Чазаа ону «Дайынчы шылгарал дээш» деп медаль-биле демдеглээн.
Дайын соонда
Дайындан халашкаш, «ССРЭ-ниң 50 чылы» аттыг совхозка кадарчылап ажылдап чораан, 1978 чылда Успенка суурга чок болган.
Шаңнал-макталдары
• ТАР-ның «Дайынчы шылгарал дээш» деп медалы (1944).
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• ХУНАЗЫГ Оюн Тавылан оглу / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 522.
• Ооржак С.Ы. Знаменитые борцы Тувы. Кызыл, 2013.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон