Хүүлеңмей Оюн Чассыгбай оглу
| Хүүлеңмей Оюн Чассыгбай оглу | |
|---|---|
| тыв. Хүүлеңмей Оюн Чассыгбай оглу | |
| Төрүттүнгенде ады | Оюн Чассыгбай оглу Хүүлеңмей |
| Төрүттүнген ай-хүнү | 1913 |
| Төрүттүнген чери | Элегес, Оюннар кожууну, Таңды-Урянхай |
Хүүлеңмей Оюн Чассыгбай оглу (төрүттүнгенде ады — Оюн Чассыгбай оглу Хүүлеңмей, Ада-чурттуң Улуг дайынының киржикчизи, гвардияның анаа дайынчызы, тыва эки турачы эскадроннуң 1-ги взводунуң анаа дайынчызы, 1-ги чаданың Ада-чурттуң Улуг дайынының ордениниң, ТАР-ның "Дайынчы шылгарал дээш" деп медальдың эдилекчизи[1].
Допчу намдары
Хүүлеңмей Оюн Чассыгбай оглу 1913 чылда Таңды-Урянхайның Оюннар кожуунунуң Элегес сумузунга төрүттүнген.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 1-ги тыва эки турачы отрядтың 1-ги взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Оюн Хүүлеңмей Сурмичи дээш тулчуушкунга аар балыглаткан.
Дайын соонда
Тывага дайыннын инвалиди чанып келгеш, ол-ла балыглатканының уржуундан аарып чорааш, 1956 чылда мөчээн.
Шаңнал-макталдары
Тыва Арат Республиканын « Дайынчы шылгарал дээш » деп медалы-биле шаӊнаткан.
Литература
- Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
- Кривдик, В. Борцы-разведчики: [о братьях Оюнах]/ В. Кривдик. ‒Текст: непосредственный // Эзир самы=Танец орла / В. Кривдик. ‒ Кызыл, 1992. ‒ С.12-18.
- Сундуй, М. Оюн Ойдупаа болгаш ооӊ дуӊмалары / М. Сундуй. – Сөзүглел: дорт // Эки турачы аъттыг эскадрон: эки турачыныӊ демдеглелдери / М. Сундуй. – Кызыл, 2005. ‒ Ар. 228-232.
- Шойгу, С.Били фашистов четыре брата: [о подвигах тувинских добровольцев, братьев Оюнов] / С. Шойгу. – Текст: непосредственный // Тувинская правда. – 1968. – 22 февр.
- Оюн, М. Молодость фронтовая: [о ветеране труда и войны жителе села Успенки Тандин. р-на С. Ч. Оюн] / М. Оюн. – Текст: непосредственный // Красное знамя. – 1983. – 17 сент.
- Куулар, А. М. Маадырлыг чоруктуӊ уламчылалы / А. М. Куулар. – Сөзүглел: дорт // Эки турачылар / А. М. Куулар. – Кызыл , 1980. ‒ Ар. 110-116.
- Келик-Сенги, И. Олар Суг-Бажынга чурттап чорааннар: [тыва эки турачы алышкылар Оюннар дугайында] / И. Келик-Сенги. ‒ Сөзүглел: дорт // Шын. – 1991. – Авг. 3.
- ХУУЛЕНМЕЙ Оюн Чассыгбай оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 525.