Хөөмей хүнү
| Хөөмей хүнү | |
|---|---|
 | |
| Ужур-утказы | хөөмей уран чүүлүн сагыш-сеткил өнчүзүнүң чарылбас кезээ кылдыр нептередири |
| Байырлап турар чери |
 Тыва |
| Ай-хүнү | августуң 17 |
| харылзаалыг байырлал | хөөмей |
Хөөмей хүнү орус. День хоомея — Тыва Республиканың культурлуг өнчүзү апарган хөөмей уран чүүлүнге тураскааткан байырлал[1]. Чылдың-на авугст 17-де демдеглеп эрттирип турар[2].
Төөгүзү
Тывага «Хөөмей хүнү» деп байырлалды 2015 чылда тургускан. Тыва Республиканыӊ Баштыӊы Ш. В. Кара-оолдуң 2015 чылдыӊ август 12-де № 133 дугаарлыг чарлыы ёзугаар, республиканыӊ бир онзагай хүнү кылдыр, чылдың-на август 17-де демдеглеп турар. Бо байырлал тываларның бот-тускайлаң культуразын кадагалап, хөөмей уран чүүлүн тыва этностуң чаңчылчаан культуразының болгаш сагыш-сеткил өнчүзүнүң чарылбас кезээ кылдыр нептередиринче угланган[1]. Чарлыкка даянып, хөөмей күүседикчилеринге күрүне чергелиг аттар тыпсырының критерийлерин бадылаан:
- «Хөөмейниң эдискизи»;
- «Хөөмейниң сыгыргазы»;
- «Кожууннуң алдарлыг хөөмейжизи»;
- «Тыва Республиканың алдарлыг хөөмейжизи»;
- «Тыва Республиканың улустуң хөөмейжизи»[3];
- «Тыва Республиканың хүндүлүг хөөмейжизи».
Бо байырлалды тургузарының дугайында шиитпирни 2015 чылдың августуң 11-ден 15-ке чедир болуп эрткен «Азия төвүнде хөөмей» деп делегей чергелиг фестиваль үезинде хүлээп алган</ref>[4]. Ук болуушкунга даштыкы чурттар: Испания, Италия, Франция, АКШ, Финляндия, Нидерланды, Турция, Кыдат болгаш Японияның төлээлери киришкен. Россияның Алтай, Саха (Якутия), Бурятия, Хакасия регионнары болгаш Москва, Санкт-Петербург, Томск, Иркутск, Новосибирск хоорайлар киришкен[5].
Демдеглелдер
Дөзү
- Указ Главы Республики Тыва «Об установлении Дня Хоомея в Республике Тыва» от 12 августа 2015 года № 133
- Республика Тыва: Путеводитель. Красноярск: ИПК «Платина», 2016.