Часcыдак Сарыглар Санчырай оглу
| Часcыдак Сарыглар Санчырай оглу | |
|---|---|
| тыв. Чассыдак Сарыглар Санчырай оглу | |
| Төрүттүнгенде ады | Сарыглар Санчырай оглу Чассыдак |
| Төрүттүнген ай-хүнү | 1918 |
| Төрүттүнген чери | Бора-Тайга, Сүт-Хөл кожуун, Урянхай край |
| Мөчээн ай-хүнү | 2 февраль 1944 |
| Мөчээн чери | Похорельце, Украин ССР |
Чассыдак Сарыглар Санчырай оглу (төрүттүнгенде ады — Сарыглар Санчырай оглу Часыдак, орус. Часыдак Сарыглар Санчырай оглу, 1909 чыл — 1944 чылдың февральдың 11) — Ада-чурттуң Улуг дайынының киржикчизи, тыва эки турачы эскадроннуң танкыга удур боолаар взводунуң гвардейжи анаа дайынчызы[1].
Допчу намдары
Чассыдак Сарыглар Санчырай оглу 1918 чылда Урянхай крайның Сүт-Хөл кожуунунуң Бора-Тайга сумузунга төрүттүнген.
Дайын чоруурунга чедир 1943 чылга чедир күрүне банкызынга чолаачылап ажылдап чораан.
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Чассыдак Сарыглар танкыга удур боолаар взводтуң командылакчызы Бичен-оол Сарыгларның взводунуң гвардейжи анаа дайынчызы турган. Украин ССР-ниң Ровно облазының Похорельце суурну хостаар тулчуушкунга 1944 чылдың февральдың 11-де маадырлыы-биле дайын шөлүнге өлген[2].
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Книга Памяти. Республика Тыва. Сост. Н. М. Моллеров. Кызыл, 1995.
• ЧАССЫДАК Сарыглар Санчырай оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 546.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон