Чимит-Дамбаа Хертек Морзук оглу
| Чимит-Дамбаа Хертек Морзук оглу | |
|---|---|
| тыв. Чимит-Дамбаа Хертек Морзук оглу | |
| Төрүттүнгенде ады | Хертек Морзук оглу Чимит-Дамбаа |
| Төрүттүнген ай-хүнү | 1921 |
| Төрүттүнген чери | Теве-Кудуруу, Чадаана, Хемчик кожууну, ТАР |
Чимит-Дамбаа Хертек Морзук оглу (төрүттүнгенде ады — Хертек Морзук оглу Чимит-Дамбаа, Ада-чурттуң Улуг дайынының киржикчизи, тыва эки турачы эскадроннуң 2-ги взводунуң 1-ги салбырының гвардейжи анаа дайынчызы.
Допчу намдары
Чимит-Дамбаа Хертек Морзук оглу 1921 чылда Чадаана хем эриинде Теве-Кудуруу деп черге төрүттүнген[1].
1941 чылдан Тыва Арат Революстуг Шеригге шериг албанын эрттирип турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 1-ги взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Чимит-Дамбаа Хертек 1944 чылдың февральдың 2-де Ровно хоорайның чигир заводу дээш кадыг-дошкун тулчуушкунга чок болган[2].
Литература
• Чимит-Дамбаа Морзук оглу // Эки турачы аъттыг эскадрон: эки турачыныӊ демдеглелдери. – Кызыл, 2005. ‒ Ар. 238.
• Пивоваров, В. Чимит-Дамбаа Хертек Морзукович // Добровольцы: документальная повесть / В. Пивоваров. – Кызыл, 1990. – С. 149.
• Книга Памяти. Республика Тыва. Сост. Н.М. Моллеров. Кызыл, 1995.
• Вековая иСТОрия: ровесники ТНР. Биобиблиографический указатель к 100-летию Тувинской Народной Республики
• ЧИМИТ-ДАМБАА Хертек Морзук оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 554.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон
• РОВЕСНИКИ ТНР: ХЕРТЕК ЧИМИТ-ДАМБАА МОРЗУК (МУНЗУК) ОГЛУ
• Галерея памяти участников ВОВ: ЧИМИТ-ДАМБА ХЕРТЕК МОРЗУК-ОГЛЫ