Чооду Начын Александрович
| Чооду Начын | |
|---|---|
 | |
| Кол медээлер | |
| Долу ады | |
| Төрүттүнген хүнү | 1978 декабрьның 27 |
| Төрүттүнген чери | |
| Мөчээн хүнү | 2021 июльдуң 1 (42 года) |
| Мергежилдери | хөөмейжи, мультиинcтрументалист |
| Шаңналдары | Тыва Республиканың алдарлыг артизи |
Начын Александрович Чооду (1978 декабрьның 27, Балгазын, Тыва Автономнуг Совет Социалистиг Республика — 2021 июльдуң 1) — хөөмейжи, мультиинструменталист, «Тыва» ансамблиниң уран чүүл удуртукчузу чораан, Тыва республиканың алдарлыг артизи (2011).
Допчу намдары
1978 чылдың декабрь 27-де Тыва АССР-ниң Таңды районунуң Балгазын суурга төрүттүнген[1].
Балгазынның ортумак школазын дооскаш, Кызылдың А. Б. Чыргал-оол аттыг уран чүүл училищезиниң бызаанчы клазының тыва национал хөгжүм херекселдериниң салбырынче кирип алган. Баштайгы арга-мергежили болгаш хөөмейге хандыкшылы студентилер составтыг Т.Т. Балданның удуртканы «Чаңгы-Хая» аас чогаал ансамблиниң составынга эгелээн. Оон чаңгыс курсчулары-биле «Өлчей» деп бөлүктү тургускан[1]. Училищени дооскаш, Начынны «Тыва» аас чогаал-этнографтыг ансамбльче хүлээп алган. Тыва Республиканың аңгы-аңгы булуңнарынга, Россияның регионнарынга, даштыкы чурттарга: Япония, Тайвань дээш өске-даа черлерге киржип чораан.
Ол-бүгү тыва хөгжүм херекселдеринге ойнаар мультиинструменталист, ырылар аранжировщиги, «Өлчей», «Алаш» бөлүктерге ойнап турган. «Алаш» составынга АКШ-ка турларга киржип чораан[1]. 2013 чылга чедир Тыва национал оркестрниң коллективинге ажылдаан. 2013 чылдан тура «Тыва» ансамблиниң уран чүүл удуртукчузу апарган. Ооң удуртулгазы-биле 2014 чылда «Тыва» ансамблиниң дискизин Тыва культура төвүнүң студиязынга бижиткен. 2021 чылда чок болган.
Шаңналдары болгаш хүндүлүг аттары
- Делегей чергелиг дириг хөгжүм болгаш чүдүлгениң «Үстүү-Хүрээ» фестивалының тергиин игилизи.
- Республика чергелиг «Ак-оолдуң игили» мөөрейлериниң дипломантызы.
- Тыва Республиканың алдарлыг артизи (2011)[2]
Өг-бүлези
Өөнүң ишти хөөмейжи Шончалай Оюн-ооловна-биле студент чылдарында таныжып алган. Тыва Республиканың алдарлыг артистери беш ажы-төлдү кижизидип, тываларның ёзу-чаңчылдарының болгаш ужурларының дугайында билиглерни дамчыдып, хөөмейге өөредип чораан. «Кайгамчыктыг кижилер лигазы» деп төлевилелге идепкейлиг киришкен «Чооду» ансамбльди өг-бүле тургускан[2]. Начын Чооду биле Шончалай Ооржактың база ыраажы, хөөмейжи болганнар.