Чылбак Ондар Доңгурак оглу
| Чылбак Ондар Доңгурак оглу | |
|---|---|
| тыв. Чылбак Ондар Донгурак оглу | |
![[1]](/wiki/%D0%A4%D0%B0%D0%B9%D0%BB:%D0%A7%D1%8B%D0%BB%D0%B1%D0%B0%D0%BA_%D0%9E%D0%BD%D0%B4%D0%B0%D1%80_%D0%94%D0%BE%D0%BD%D0%B3%D1%83%D1%80%D0%B0%D0%BA_%D0%BE%D0%B3%D0%BB%D1%83.jpg) [1] | |
| Төрүттүнгенде ады | Ондар Донгурак оглу Чылбак |
| Төрүттүнген ай-хүнү | 1915 |
| Төрүттүнген чери | Сүт-Хөл, Урянхай край |
| Мөчээн ай-хүнү | 1970 |
| Мөчээн чери | Целинное, Тыва АССР |
| Хамаатылалы |
.svg){kind=small} .svg){kind=small} |
Чылбак Ондар Донгурак оглу (төрүттүнгенде ады — Ондар Донгурак оглу Чылбак, орус. Чылбак Ондар Донгурак оглу, 1915 чыл — 1970 чыл) — Ада-чурттуң Улуг дайынының киржикчизи, тыва эки турачы эскадроннуң танкыга удур боолаар взводунуң 2-ги салбырының гвардейжи анаа дайынчызы, ТАР-ның «Дайынчы шылгарал дээш» медальдың (1944) эдилекчизи.
Допчу намдары
Чылбак Ондар Доңгурак оглу 1915 чылда Урянхай крайның Сүт-Хөлге төрүттүнген.
В 1939-1941 чылдарда Тыва Араттың Революстуг Шериинге шериг албанын эрттирип турган. 1940 чылдан ТАРН кежигүнү.
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Чылбак Ондар танкыга удур боолаар взводтуң командылакчызы Бичен-оол Сарыгларның взводунуң 2-ги салбырының гвардейжи анаа дайынчызы турган.
Ровно болгаш Дубно хоорайларны болгаш Украин ССР-ниң өске-даа чурттакчылыг черлерин хостаарынга эрес-дидим киришкен.
Дайын соонда
Дайын соонда Чылбак Ондар «Тиилелге» совхозунга ажылдап чораан. 1970 чылда Тыва АССР-ниң Целинное суурга чок болган.
Шаңнал-макталдары
• ТАР-ның «Дайынчы шылгарал дээш» медалы (1944).
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• ЧЫЛБАК Ондар Донгурак оглу / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 567.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон